1
۔یُوسف ؔ دے پُتر منسیؔ ۔ منسیؔ دے پُتر مکیِرؔ ۔ مکیِر دے پُتر جلعاد ۔ جلعاد دے پُتر نیرؔ ۔ حضرؔ دے پُتر صلافحادؔ دیاں دھیاں ۔ محلاہ ؔ تے نوعاہ ؔ تے حجلاہ ؔ تے ملکاہ ؔ تے تِرضاہ ؔ ناں دیاں نیہڑے آئیاں ۔
2
۔ مُوسیٰؔ تے الیعزرؔ کاہن تے سرداراں تے ساری جماعت دے سامنے حضوُری دے خیمے دے بُوہے دے کول کھلوتیاں تے آکھیا۔
3
۔ پئی سڈا پیو اُجاڑ چہ مرگیا تے اوہ اوہناں لوکاں چوں نئیں سی ۔ جیہڑے قورح ؔ دے گروہ چہ خُداوند دے خلاف رَلے ۔ پر اپنے پاپ دے پاروں مریا۔ تے اوہدا کوئی پُتر ناں ہویا ۔
4
۔ تے ساڈے پیو دا ناں اوہدے خانوادے چوں جندا کیوں رہوئے ۔ ایس لئی پئی اوہدا کوئی پُتر ناں ہوئیا ۔ ایس لئی ساڈے پیو دے بھراواں چہ ساہنوں میراث دے ۔ تے موسیٰ ؔ اوہناں دا مُقدمہ خُداوند تے اَگے لے گیا ۔
5
۔ تد خُداوند نےھ مُوسیٰ ؔ نال کلام کرکے آکھیا ۔
6
۔ پئی سلافحاد ؔ دیاں دھیاں ٹھیک آہندیاں نیں ۔ تُوں اوہناں نُوں اوہناں دے پیو دی میراث اوہناں دے ناں لا دے ۔
7
۔ تے نالے تُوں بنی اسرائیلؔ نُوں آکھ ۔ پئی جے کوئی بندہ مر جائے تے اوہدا پُتر ناں ہوے تے اوہدی میراث اوہدی دھی دے ناوے لاؤ۔
8
۔ جے اوہدی دھی وی ناں ہووے تے اوہدی میراث اوہدے بھرانواں نُوں دیو ۔
9
۔ تے جے اوہدے بھرا وی ناں ہون تے اوہدے پیو دے بھرانواں نُوں دیو ۔ ۔
10
۔ جے اوہدے پیو دا کوئی بھرا ناں ہووے تے اوہدے خانوادے دے سبھّ توں نیڑے رشتے دار نُوں دیو ۔ تے اوہو اوہدا وارث ہووے گا ۔ تے ایہہ بنی اسرائیلؔ دے لئی شرعی فرض ہووے گا ۔
11
۔ جِس طرحاں کہ خُداوند نے فرمایا اے ۔
12
۔ فیر خُداوند نے مُوسیٰ ؔ نُوں آکھیا ۔ پئی عباریمؔ دے پہاڑ تے چڑھ تے اوس دھرتی نُوں ویکھ لے ۔ جیہڑی میں بنی اسرائیلؔ نُوں دیاں گا ۔
13
۔ تُوں وی اَپنے لوکاں چہ جا رلیں گا ۔ جِس طرحاں تیرا بھرا ہارون ؔ رَل گیا اے ۔
14
۔ کیوں جو تُساں دونواں نے صینؔ دے میداں چہ جماعت دے جھگڑے دے ویلے میرے حُکم دی نافرمانی کیِتی ۔ تے اوہناں آمنے سامنے پانی تے میری برکت ناں منگی تے ایہہ صینؔ دے میدان چہ مریبہؔ قادیس ؔ دا پانی اے ۔
15
۔ تد مُوسیٰؔ نے خُداوند نال گَل کردیاں آکھیا ۔
16
۔ خُداوند نے سبھّے بندیاں دیاں روحاں دا کُدا جماعت تے کوئی بندہ مُقرر کرے ۔
17
۔ جیہڑا اوہناں دے اَگے اندر۔ جائے تے اوہناں دے اَگے باہر جائ ۔ تَد خُداوند نے موسیٰؔ نُوں آکھیا ۔ پئی تُوں نُون ؔ دے پُتر یشوعؔ نُو ں لَے کیوں جو اوہو کلّا بندہ اے جیہدے چہ روُح اے ۔ تے اَپنا ہَتھ اوہدے تے رَکھ ۔ ۔ تے اوہنوں الیعزر ؔ کاہن تے ساری جماعت دے اَگے کھلار ۔ ے ۔ تے اوہناں نُوں باہَر لَے جاکے تے اوہناں نُوں اندر لَے جائے تاں جو خُداوند دی جماعت اوہناں بھیڈاں وانگوں ناں ہو جان ، جیہناں دا کوئی آجڑی نئیں ۔
18
۔ تَد خُداوند نے موسیٰؔ نُوں آکھیا ۔ پئی تُوں نُون ؔ دے پُتر یشوعؔ نُو ں لَے کیوں جو اوہو کلّا بندہ اے جیہدے چہ روُح اے ۔ تے اَپنا ہَتھ اوہدے تے رَکھ ۔
19
۔ تے اوہنوں الیعزر ؔ کاہن تے ساری جماعت دے اَگے کھلار ۔
20
۔ تے اوہناں دے آمنے سامنے تُوں اوہنوں اَپنا وارث بنا کے اوہنوں اَپنا رُعب دے دے ۔ تان جو بنی اسرائیلؔ دی سبھجماعت اوہدی فرماں برداری کرے ۔
21
۔ اوہ الیعزرؔکاہن دے اَگے کھلوتے ۔ جیہڑا اوہدے وَلوں خُداوند دے اوریمؔ دا حُکم پُچھے۔ تے بنی اسرائیلؔ دی ساری جماعت اوہدے حُکم نال باہر جاوے ۔ تے اوہدے حُکم نال اندر آوے ۔
22
۔ تے جِس طرحاں خُداوند نے آکھیا ۔ مُوسیٰؔ نے کیِتا ۔ تے اوہنے یشوعؔ نُوں نال لیا تے اوہنوں الیعزرؔ کاہن تے ساری جماعت دے اُتے کھلاریا۔
23
۔ تے اَپنے ہَتھ اوہدے تے رکھے تے اوہنوں اَپنا وارِث بنا دِتا ۔ جِس طرحاں کہ خُداوند نے مُوسیٰؔ نُوں زبانی حُکم دِتا سی ۔