¹ ۔تے خُداوند نے مُوسیٰ ؔ نال کلام کر کے حُکم دِتا ۔ ² ۔ بنی اسرائیلؔ وِچ اعلان کر تے اوہناں نُوں دَس دے پئی جِہدوں تُہاڈے رہن لئی وِچ جیہڑی میں تُہانوں عطا کراں گا ، داخل ہوؤ۔ ³ ۔ تے فیر تُسیں خُداوند لئی سوختنی قُربانی چڑھاؤ ۔ سوختنی قُربانی یاں مَنّت داذبیحہ یاں خُوشی دا چَڑھاوا یاں اَپنیاں مِتھیاں ہو ئیاں عیداں وِچ گاں ،وَچھا یاں بھیڈ بکری دی قُربانی خُداوند لئی اعلےٰ خُوشبوُ۔ ⁴ ۔ تے فیر قُربانی چَڑھان والا خُداوند دی نذر دی قُربانی لئی ایفہ یاں دسواں حِصہ میدے دا چوتھا حِصہ ہین تیل وِچ گُنیا ہوئیا لیاوے ۔ ⁵ ۔ تے تپاون لئی مے ہین دا چوتھا حِصہ سوختنی قُربانی یاں ذبیحے دے نال اِک لیلے نال چڑھاوے۔ ⁶ ۔ تے اِک دُنبے دی نذر دی قُربانی لئی اَیفہ دے ۔ دو دسوئیں حِصہ میدا تہائی ہین تیل وِچ گُنیا ہووے ۔ ⁷ ۔ تےے تپاون دے لئی ہین دا تیِجا حِصہ مَے خُداوند لئی اعلےٰ خُوشبُو چڑھاوے ۔ ⁸ ۔ تے جیکر تُوں وَچھے نُوں سوختنی قُربانی یا ذبیِحہ یاں مَنّت دی نذر یا ں سلامتی دی قُربانی خُداوند لئی چڑھاوے ۔ ⁹ ۔ تے فیر وَچھے دے نال دے تَریح دسویں حِصے میدہ ادھے ہین تیل وِچ گُنیا ہویا چڑھاؤن ۔ ¹⁰ ۔ تے تپاون لئی اوہدے نال ادھا ہین مَے سوختنی قُربانی عُمدہ خُوشبُو خُداوند لئی چَڑھاوے ۔ ¹¹ ۔ ہَر اِک وَچھے تے ہَر اِک دُنبے تے ہَر اِک لیلے یاں بکری دے بچّے نال ایویں ای کیِتا جاوے۔ ¹² ۔ گِنتی دے مُطابق جو وی تُسیں ایہناں وِچوں چڑھاؤ ، ہَر اِک دے نال اوہناں دی گِنتی دے مُطابق ایویں ای کرو ۔ ¹³ ۔ ہَر اِک جیہڑا وَطن چہ جمیا ہووے ، جِہدوں اوہ خُداوند لئی سوختنی قُربانی اعلےٰ خُوشبُو چڑھاوے تے ایویں ای کرے ۔ ¹⁴ ۔ تے ہَر اَک پردیسی جیہڑا تُہاڈے کول پروَنا ہووے یاں تُہاڈے وِچ پُشتان رِہندا ہووے ۔ جیکر اوہ خُداوند لئی سوختنی قُربانی اعلےٰ خُوشبُو چڑھاوے ۔ جیویں تُسیں کردے او اوہ ایویں ای کَرے ۔ ¹⁵ ۔پُوری گروہ لئی ، مقصد ایہہ پئی تُہاڈے تے اوس پردیسی لئی جیہڑا تُہاڈے وِچ رِہندا اے ، سدا تیِکر اِک ای شرَع نسلاں توں نسلاں تیِک ہووے گی ۔ خُداوند دے اَگے پردیسی تُہاڈی طرحاں ای ہووے گا ۔ ¹⁶ ۔ تُہاڈے لئی تے اوس پَردیسی لئی جیہڑ اتُہاڈے وِچ رِہندا اے ، اِکو ای شریعت تتے اِکو ای قانون اے ۔ ¹⁷ ۔ تے خُداوند نے مُوسیٰ ؔ نُوں کلا م کرکے حُکم دِتا ۔ ¹⁸ ۔ بنی اسرائیلؔ وِچ اعلان کر تے اوہناں نُوں خبر کر دے ۔ جِہدوں تُسیں اوس دیس وِچ جیہڑ ا تُہانوں دیوا ں گا ، داخل ہوؤ ¹⁹ ۔ تے جِہدوں اوس دیس دی روٹی کھاؤ تے اوہدے وِچوں خُدا وند لئی اُٹھان دی قُربانی چڑھانا۔ ²⁰ ۔ تُسیں اَپنے پہلے گُہنے ہوئے آٹے نال اُٹھان دی قُربانی لئی اِک کُلچہ چڑھانا ۔ اناج اُٹھان دی قُربانی دی طرحاں اوہنوں چڑھانا ۔ ²¹ ۔ اَپنے پہلے گُہنے ہوئے آٹے وِچوں تُسیں خُداوند لئی اُٹھان دی قُربانی نسلاں توں نسلاں تیِک چڑھانا۔ ²² ۔ تے جیکر تُسیں بھُل جاؤ ۔ تے ایہناں ساریاں حُکماں اُتے جیہڑے خُداوند نے مُوسیٰ ؔ نُوں دَس دِتے ناں چَلو ۔ ²³ ۔ سارے حُکم جیہڑے خُداوند نے مُوسیٰؔ دی زُبانی خُداوند دے حُکم سُنان دے دیہاڑے توں تے اَگے تُہاڈیاں پُشتاں تیِک دِتے ۔ ²⁴ ۔ جے کَر اوہ بھُل چُک گروہ دیاں اَکھاں توں اوہلے یا لُکیا رہیا ۔ تے فیر ساری گروہ اِک وَچھا سوختنی قُربانی دے طریقے نال خُدوند لئی اعلےٰ خُوشبُو لئی اوہدی نذر دی قُربانی دے نال اوہدے تپاوَن دی شرَع دے مُطابق تے اِک بکرا خطا دی قُربانی لئی چڑھاؤ ۔ ²⁵ ۔ تد کاہن بنی اسرائیل ؔ دے گروہ لئی کفارہ دیوے تے فیر اوہ اوہناں توں بخشیا جاوے گا ۔ ایس لئی پئی اوہ بھُل چُک سی ۔ تے اوہ اَپنی بھُل چُک لئی خُداوند دے اَگے سوختنی قُربانی تے خطا دا ذبیحہ لیاوے ۔ ²⁶ ۔ تے فیر بنی اسرائیلؔ دیی ساری گروہ نُوں تے اوس پردیسی نُوں جیہڑا اوہناں وِچ رِہندا اے ، بخشیا جاوے گا ۔ ایس لئی پئی سارے لوکاں نے بھُل چُک کیِتی ۔ ²⁷ ۔ تے جے کَر اِک بندہ ناں چاہندیاں ہوئیاں بھُل چُک کرے تے فیر اوہ بھُل چُک دی قُربانی لئی اِک اِک سال دی بکری لیاوے ۔ ²⁸ ۔ تے فیر کاہن اوس بندے لئی ، جِہنیں غلطی نال خطا کیِتی ، خُداوند دے اَگے کفارہ دیوے تے اوہنوں بخشیا جاوے گا ۔ ²⁹ ۔ کوئی جیہڑا وی غلطی نال خطا کردا اے ، بھاویں اوہ بنی اسرائیلؔ وِچ جَمیا ہووے تے بھاویں پَردیسی جیہڑا اوہناں وِچ دَسدا اے ۔ اوہناں لئی شریعت اِک ای اے ۔ ³⁰ ۔ جے کر کوئی بندہ ضَد کرکے قُربانی کردا اے ، یدیسی ہووے یا پردیسی ۔اوہ خُداوند دے خلاف بغاوت کردا اے ۔ اوہ بندہ اَپنیاں لوکاں وِچوں باہر کڈھ دِتا جاوے گا ۔ ³¹ ۔ ایس لئی پئی اوس نے خُداوند دے کلام دی بے عِزتی کیِتی ۔ تے اوہدا حُکم توڑیا ۔ فیر اوہ اِنسان کڈھ باہر کیِتا جاوے گا ۔ اوہدا پاپ اوہدے سِر ای لگے گا ۔ ³² ۔تے جِہدوں بنی اسرائیلؔ صحرا وِچ سَن ۔ اوہناں نے سَبّت دے دیہاڑے اِک بندے نُوں لکڑیاں اکٹھیاں کر دیاں ویکھیا ۔ ³³ ۔ تَدوں اوہنوں جیہڑا لکڑیاں اکٹھیاں کردیاں پھَڑیا گیا ۔ اوہنوں مُوسیٰؔ تے ہارونؔ نے سار ی گروہ دے کول لیاندا ۔ ³⁴ ۔ تے فیر اوہناں نے اوہنوں قید وِچ رکھیا ۔ ایس لئی پئی اوہناں نُوں پتا نئیں سی ۔ پئی اوہدے نال کیہ سلوک کیِتا جاوے ۔ ³⁵ ۔ تَد خُداوند نے مُوسیٰؔ نُوں حُکم دِتا ۔ پئی اوہ بندہ قتل کیِتا جاوے ۔ باہر اوہنوں قتل کرن لئی پَتھر مارن ۔ ³⁶ ۔ تد ساری گروہ اوہنوں خیمہ گاہ تو ں کڈھ کے باہر لئے گئی ۔ تے جیویں خُداوند نے مُوسیٰؔ نُوں حُکم دِتا سی ۔ اوس آدمی نُوں سَنگسار کیِتا ۔ تے فیر اوہ مَر گیا ۔ ³⁷ ۔ تے خُداوند نے مُوسیٰؔ نال کلام کرکے حُکم دِتا ۔ ³⁸ ۔ بنی اسرائیلؔ وِچ ا علان کَر ۔ اوہناں نُوں دَس دے پئی اوہ اَپنیاں ساریاں پُشتاں وِچ اَپنیاں لِباساں دے کِناریاں اُتے جھالراں لگوان ۔ تے کِنارے دی جھالَر اُتے اَرغوانی رَنگ دیاں ڈوریاں لگوان۔ ³⁹ ۔ تے ایہہ تُہاڈی جھالَر ہووے گی ۔ پئی جِہدون تُسیں اوہنوں ویکھو تے فیر خُداوند دے سارے حُکماں نُوں یاد کرو ۔ تے اوہناں اُتے عمل کرو ۔ تے اَپنیاں دِلاں تے اَپنیِیاں اکھیاں نالوں مَنوں ۔ جِہناں نُوں مَن تُسیں بدکاری کردے رہندے او۔ ⁴⁰ ۔ تاں جو تُسیں ساریاں حُکماں نُوں یاد رکھو تے اوہناں اُتے عمل کرو ۔ تے اَپنے لئی پاک ہو جاؤ۔ ⁴¹ ۔ میں خُداوند تُہاڈا خُدا ہاں۔ جیہڑا تُہانوں مصر ؔ دے دیس وِچوں کڈھ لیایا۔ تاں جو تُہاڈا خُدا ہوواں میں خُداوند تُہادا خُدا واں ۔