1
۔تد خداوند نیں موسیٰ نال کلام کر کے حُکم دِتاّ۔
2
۔ پئی توں بندے گھل تاں جو اوہ کنعان دے ملک دا جیہڑا میں بنی اسرائیل نوں داواں گا، حال دی ٹوہ کرن ۔ ہر اک قبیلے وچوں اک بندہ اوہناں دے پیو دادیوں ، قبیلیاں دے تعلق نال جیہڑے اوہناں دے حاکم نیں گھل۔
3
۔تد موسیٰ نیں جیویں خداوند نیں حکم دتا۔ فاؔران توں آدمیاں نوں گھلیا، سارے بنی اسرائیل دے سردار وچوں سَّن۔
4
۔ تے اوہناں دے ناں ایہہ نیں۔رُوُؔبین دے قبیلے وچوں زکوؔر کا پتر شمُؔوع۔
5
۔شمعُون دے قبیلے وچوں حؔوری دا پتر شاؔفاط۔
6
۔تے یہودہ دے قبیلے وچوں یُفؔنے دا پتر کالب۔
7
۔تے یسّاؔکر دے قبیلے وچوں یوسف دا پتر یجؔال۔
8
۔ تے افرایئم دے قبیلے وچوں نُؔون دا پتر ہوشعؔ ۔
9
۔تے بنیؔا مین دے قبیلے وچوں راؔفو دا پتر فلطی۔
10
۔تے زبُلُون دے قبیلے وچوں سُودی دا پتر جدی ایل ۔
11
تے یوسف دے قبیلے منسےدے قبیلے وچوں سُوسی دا پتر جدی
12
۔تے دان دے قبیلے وچوں جمؔلی دا پتر عمی ایل۔
13
تے آشیر دے قبیلے وچوں میکا ئیل دا پتر ستُور۔
14
تے نفتالی دے قبیلے وچوں وفسی دا پتر نجی ۔
15
۔تے جاد دے قبیلے وچوں ماکی دا پتر حُو ئیل۔
16
۔ ایہہ اوہناں آدمیاں دے ناں نیں ،جہناں نوں موسیٰ نیں ملک دے حال دی ٹوہ لین لئی گھلیا ، تے موسیٰ نے نُون دے پترہوشعؔ دا ناں یوشعؔ رکھیا۔
17
۔ تے مو سیٰ نیں اوہناں نوں کنعان دے ملک دی کھوج کرن لئی گھلیا تے اوہنان نوں آکھیا ، پئی نجبہ وچ اتے جاوتے پہاڑ اتے چڑھ جاو۔
18
۔ تے اوہدی دھر تی ول ویکھو پئی کنج دی اے تے اوتھوں دے رین والے لوک زور آوار نیں یان ماڑے نیں گھٹ نیں یاں بہتے نیں۔
19
تےاوہ ملک جیہڑے وچوں اوہ وسدے نیں کنج دا اے ، چنگا اے یاں مندا ،تے شہر جنہاں دے وچ اوہ وسدے نیں کنج دے نیں ،فصیل والے نیں یاں فصیِل دے بناں نیں ؟
20
۔ تے زمین کنج دے اے سر سبز اے یاں بنجر اے، اوہدے و چ بوٹے تے رُکھّ ہین یاں نئیں ۔تے تسیں دلیری کرو تے زمین دا کجھ میوہ لیندے آوناں ۔ تے ایہہ ویلا انگوراں دے پہلے پھلاں دا سی۔
21
۔تے اوہ اتے چڑھ گئے تے صِؔین دے صحرا روں لے کے رحوب تیکر جیہڑ ا رحندے لاہنگے دے نیڑے وے ملک دے حالدی کھوج لائی
22
۔ اوہ نجبہ اوتے چڑھے تے حبرون وچوں پہونچ گئے ،تے اوہتھے وناق دے پتر احی مان تے شیشاؔئی تے تلمائی سّن، تے ، مصر دے صؔوعن توں سَتؔ سال پہلاں بنایا گیا سی ۔
23
۔ تد اوہ عُشکول دی گھاڑی وچ تھلے اُتر گئے ے تےاوتھوں اوہناں نیں انگوراں دے گُچیاں سمیت اک ڈالی وڈی تے اوہنوں لاٹھی اُتے رکھ کے دو بندیاں نے چُکی تے اوہناں تے اوہنان نیں اوتوں کجھُ انار تے انجیر وی لئے۔
24
۔اوس تھاں دا اوہناں نے عُشکول دی وادی رکھیا۔ ایس لئی اوتھوں اوہناں نے بنی اسرائیل لئی انگور وڈھ لیاندے سَنّ۔
25
تے اوہ ملک دی ٹوہ تے کھج کرکے چاَہلیاّں دناّں پچھوں آئے سَّن۔
26
۔ تے موسیٰ تے ہارون تے بنی ارائیل دی ساری گروہ دے کولفاؔران دے جنگلاں دے قادیؔش وچ پہونچے ، تے اوہناں نوں تے ساری گروہ خبر سُنا ایں تے ملک دا میوہ اوہناں نوں وکھایا۔
27
۔ تے اوہناں نے کھل کے اعلان کیتا پئی اسیں اُوس ملک وچ جتھے توں اسانوں گھلیاں سی،پہونے ۔ ایہہ سچ اے پئی اوتھے دُوھّ تے شید وگدا اے ، تے ایہہ اوتھوں دا میوہ اے ۔
28
۔ پر اوہ اک جیہڑے اوتھے وسدے نیں زورا ور نین ، شہر بہت وڈے تے فصیلاں والے نیں تے اساں اوتھے بنی عناق نوںوی ویکھیا ۔
29
تے عمالیقی نجبہ وچ وسدے نیں ۔ تے حِتیؔ تے یبوُؔسی تے اُمُؔوری پہاڑاں اُتے رہندے نیں تے کنعانی سمندر دے کنڈے تے اُ ردن دے کنارے اتے وسدے نیں ۔
30
۔ تے کالب نے موسیٰ دے سامنے لوکاں نون چپ کروایا، تے آکھیا پئی اسیں حملہ کراں گے تے ملک نوں فتح کرلواں گے ۔ ایس لئی پئی اساڈے وچ اوہناں نوں جت لین دی طاقت ہے وے۔
31
۔پر اوہناں نیں جہیڑے اوہدے نال گئے سَن آکھیا ، پئی اساڈے وچ اوہناں لوکاں اتے چڑھائی کرن دی طاقت نئیں ، ایس لئی پئی اوہ ساڈے تھوں بہتے زورآور نیں ۔
32
۔ تے اوہناں نیں بنی اسرائیل نون اوس ملک دی پئی جہدی اوہناں نوں اوہدے حال دی کھوج کیتی بھیڑی خبر دتی تے آکھیا ، پئی اوہ ملک جہدا حال دریافت کرن لئی اسیں گئے ، اک ایویں دا ملک اے جیہڑا اپنیاں رہن والیاں نوں کھا لیندا اے تے سبھو لوکی جہیڑے اوتھے ہین اساں ویکھیا پئی وڈے وڈے قد کاٹھ دے نیں ۔
33
۔سگوں جبار نیں ۔بنی عناق جباراں دی نسل نیں تے اسیں اوہناں دے اگے ٹڈیاں وانگر ساں تے ایسے طاحاںاوہناں دیاں نظراں وچ دی ساں۔