¹ ۱۔ اے خداوند جو کجھ ساڈے نال بیتی اے اوہنوں چیتےکر! دھیان دے تے ساڈی نموشی نوں ویکھ۔ ² ۲۔ ساڈی میراث پردیسیاں نوں تےساڈے گھر اوپریاں نوں دے دتے گئے۔ ³ ۳۔ اسیں یتیم ہاں ، ساڈے پیو نیں۔ ساڈیا ں ماواں بیو ہ وانگ نیں۔ ⁴ ۴۔ اسی اپنا پانی مول لے کے پیتا اے۔ اپنی لکڑی وی اسیں پیسے دے کے لئی اے۔ ⁵ ۵۔ سانوں گھسیٹن والے ساڈے سر تے کھلوتے نیں۔ اسیں تھکے ہارے تے بے ارام ہاں ⁶ ۶۔ اساں مصریاں تے اسوریاں دی اتاعت قبول کیتی۔ تانجو روٹی نال رج جایئے۔ ⁷ ۷۔ ساڈے پیواں نے پاپ کیتا تے اوہ چل وسے۔ تے اسیں اوہناں دی بدکاری دی سزا پا رہئے آں۔ ⁸ ۸۔ غلام ساڈے تے حکمرانی کردے نیں۔ اوہناں دے ہتھ چوں سانوں چھڈان والا کوئی نہیں۔ ⁹ ۹۔ اجاڑ دی تلوار دے سببوں اسیں جان تلی اُتے رکھ کے اپنی روٹی کماوندے ہاں۔ ¹⁰ ۱۰۔ کال نال جھلسا دین والی اگ دے سببوں ساڈا چمڑا تندور وانگ کالا ہو گیا اے۔ ¹¹ ۱۱۔ اوہناں نیں صیون چہ جنانیاں نوں تے یہوداہ دے شہر چہ کنواری کڑیاں نوں بے حرمت کیتا۔ ¹² ۱۲۔ سردار اوہناں دے ہتھاں نال ٹنگے گئے۔ بزرگاں دے منہاں دا مان نہ کیتا گیا۔ ¹³ ۱۳۔ جواناں نے چکی دا پاٹ چکیا۔ تے بچیاں نے لکڑیاں ڈھوندیاں ٹھوکر کھادی۔ ¹⁴ ۱۴۔ بزرگ پھاٹکاں توں تے جوان گان وجان توں ہٹ گئے نیں۔ ¹⁵ ۱۵۔ ساڈے دلاں دی خوشی مک گئی۔ ساڈا نچنا کودنا سوگ چہ بدل گیا۔ ¹⁶ ۱۶۔ تاج ساڈے سراں توں ڈگ پیا۔ ساڈے تے افسوس، اساں گناہ کیتا۔ ¹⁷ ۱۷۔ ایسے لئی ساڈا دل کمزور ہو گیا اے۔ ایہناں گلاں دے سببوں ساڈیاں اکھاں چہ دھند آگئی اے۔ ¹⁸ ۱۸۔ صیون دے پہاڑ دی ویرانی دے سببوں اوہدے تے گدڑ پھردے نیں۔ ¹⁹ ۱۹۔ پر توں اے خداوند سداتیکر تے تیرا تخت پشت در پشت قائم ا ے۔ ²⁰ ۲۰۔ فیر توں کیوں سانوں سدا لئی بھلا بیٹھا ہیں۔ تے سانوں چروکنا چھڈ دتا اے؟ ²¹ ۲۱۔ اے یہواہ سانوں اپنے ول موڑ تے اسی مڑا ں گے۔ پہلاں وانگر ساڈے دناں نوں بنا دے۔ ²² ۲۲۔ کیہ توں سانوں اکا ای چھڈ دتا اے۔ کیہ توں ساڈے نال بہت ای ناراض ہو گیا ایں؟