1
۱۔ ہائے اوہ نگری جہڑی کسے ویلے چ لوکاں ناں بھری ہوئی سی اج کہنی اُجڑی پئ اے۔ جہڑی کدی قوماں چ شان والی سی اوہ کہنی بیوہ وانگوں ہو گئی اے۔ جہڑی قوماں دی شہزادی سی اج لونڈی بن گئی اے۔
2
۲۔ اوہ رات نوں دھاڑاں مار مار کے روندی اے۔ تے اوہدے اتھرو اوہدیاں گلاں توں ڈھلدے نیں۔ اوہدے سارے عاشقاں چوں ہن کوئی نیں جیہڑا اوہنوں تسلی دیوے۔ اوہدے سارے یاراں نیں اوہنوں توکھا دتا اے۔ تے اوہدے ویری ہو گئے نیں۔
3
۳۔ یہُوداہ ظلم تےسخت خدمت پاروں جَلا وطن ہوئی اوہ غیر قوموں چ وسدی اے پر ارام دا تھاں نیں لبھدا۔ اوہدے سارے پچھا کرن والیاں نیں اوہنوں دکھ وچ جا پھڑیا۔
4
۴۔ صیوؔن دیاں راہواںماتم کردیاں نیں ۔ کیوں جو خاص عید اں تےکوئی نیں آندا۔ اوہدے سارے پھاٹک وِیران ہوگئے نیں۔ اوہدے کاہن ہاواں بھردے نیں ۔ اوہدیاں کُنواریاں دکھی نیں۔ تےا وہ آپ وی تلخی نال بھری ہوئی اے۔
5
۵۔ اوہدے ویری اوہدے تے غالب نیں۔ اوہدے ویری سوکھے نیں۔ کیو ں جو یہواہ نےاوہنوں اوہدے بہتےپاپاں دےکارن۔ دُکھ وچ پایا اے۔ اوہدے بچّے ویریاں اگے۔ اسیری چ چلے گئے ۔
6
۶۔ تےصیُؔون دی دھی توں۔ اوہدی ساری شان بان جاندی رہی ۔ اوہدےسردار اجہیاں ہرنیاں وانگرہوگئے نیں۔ جنہاں نوں چرن دی تھاں نیں لبھدی۔ اوہ اپنے پچھاکرنے والیاں دے اگے اگے کمزوری چ چلدے نیں۔
7
۷۔ یرُوشلمؔ اپنے دکھ تےآوارہ گردی دے دن۔ ہرویلے یاد کردی اے۔ جدوں اوہدے لوکی مُخالف دے ہتھ وچ پئے سن۔ تے کوئی نیں سی جیہڑا اوہدی مدد کردا۔ اہودے مخالفاں نیں اوہدے زوال نوں ویکھ کے اوہدے تے ٹھٹھا کیتا اے۔
8
۸۔ یرُوشلمؔ نے وہڈا پاپ کیتا اے۔ ایس لئی اوہ غلامی وچ گئی اے۔ اوہدے سارے عِزّت کرن والے اوہدا ننگا پن ویکھ کے اوہدی حقارت کردے نیں۔ ایس پاروں اوہ منہ پھیر کے ہاواں بھردی اے۔
9
۹۔ اوہدی پلیت ی اوہدے لیڑیاں چ اے ۔ اوہنے اپنے اخیر دا خیال نہ کیتا ۔ ایس پاروں ا وہ حیرت انگیز طور تے پست ہو گئی اے۔ اوہدا کوئی تسلّی دینے والا نہیں رہیا۔ "اے یہواہ میری مُصِیبت ویکھ کیوں جوویری نے اپنے آپ نوںوڈا بنایا اے۔"
10
۱۰۔ مخالف نے اپنا ہاتھ اوہدیاں ساریاں قیمتی شیواں تے ودھایا اے۔ کیوں جو اوہنے ویکھیا ہے کہ پرایاں قوماں اوہدے پوتراستھان وچ آ وڑ آیاں نیں۔ جنہاں دی بابت توُں حکم دتا سی پئی اوہ تیری سبھا وچ نہ وڑن۔
11
۱۱۔ اوہدے سارےلوکی ہاواںبھر دے نیں۔ اوہ روٹی لبھدے پھردے نیں۔ اوہناں نیں اپنیاں قیمتی شیواں روٹی کھان لئی دتیاں نیں ۔ کہ اپنی جان بچان۔ " اے یہواہ جھاتی مارکے ویکھ ۔ پئی میں کنی کھج ل ہو گئی آں۔"
12
۱۲۔ اےسارے لنگن والیو۔ کی ایہہ تہاڈے لئی کجھ نیں؟ دھیان دیو تےویکھو ۔کہ کوئی دکھ۔ میرے دکھ ورگا ہےجیہڑا میرے تےآ پیا اے؟ کہ یہواہ نے اپنے بڑے غصہ وچ مینوں دُکھ وچ پایا اے۔
13
۱۳۔ اوہنے اُچیائی توں میریا ں ہڈیاں چ اگ گھلی۔ اوہ میریاں ہَڈیاں دے اندر لنگ گئی اے ۔ اوہنے میرے پیراں لئی اک جال وچھایا اے۔ اوہنے مینوں پچھے موڑیا اے۔ اوہنے مینوں ویران تے کمزور کیتا اے۔ تے سارے دن دےمرض وچ پا دتا اے۔
14
۱۴۔ میریاں خطا ؤں دا جُوا اوہنے اپنے ہتھ نال بنیا ں اے۔ اوہ بن کے میری گردن تے رکھیاں گیاں نیں۔ اوہنے میرا زور مکا چھڈیا اے۔ میرےخدا نے مینوں اوہناں دے ہتھ وچ کر دتا اے۔ جہناں دے اگے میں اٹھ نیں سک دا۔
15
۱۵۔ میرے خدانے میرے درمیان میرے سارےسورمیاں نوں پیراں چ رولیا اے۔ اوس نے میرے خلاف اک منڈلی نوں سدیا اے۔ کہ میرے منڈیاں نوں برباد کرے۔ خدا نے یہُوداہ دی کواری دھی نوں کولھو وانگرمِدیا اے۔
16
۱۶۔ ایہناں گلاں دے کارن میں رونا واں۔ میریاں اکھیاں ، میریاں اکھیاں توں پانی ڈگدا اے۔ کیوں جو میرا تسلی دین والا جہیڑا میری جان بچائےمیتھوں دور اے۔ میرے بچے پریشان نیں۔ ایس لئی کہ ویری غالِب آگیا اے۔
17
۱۷۔ صیُون اپنے ہتھ پھیلاندی اے ۔ تےاوہنوں تسلی دین والا کوئی نیں۔ یہوواہ نے یَعقُوؔب لئی حُکم دتا اے ۔ کہ اوہدے مخالف اوہنوں گھیرا پان۔ یرو شلم اوہناں دے وچ پلیت ی وانگرہو گئی اے ۔
18
۱۸۔ یہوواہ راست اے۔ کیو ں جو مَیں اوہدے خُکم دے خلاف باغی ہوئی ۔ اَے ساری قومو ۔سُنو ۔ تے میرے غم نوں ویکھو ۔ میریاں کنواریاں تے میرے جوان۔ اسیری چ ٹر گئے نیں۔
19
۱۹۔ میں اپنے یاراں نوں سدیا ۔ پر اوہناں مینوں دھوکا دتا۔ میرے کاہناں تے میرے بزُرگاں نے شہر چ اپنی جان دے دتی۔ جدوں اوہ کھانا لبھ رہے سن۔ پئی اوہناں دی جان چ جان آوئے۔
20
۲۰۔ ویکھ اَے یہوواہ، میں کناں دکھی آں۔ میرا اندر ابل رہیا اے۔ میرا دِل میرے اندر مروڑے کھاندا اے۔ کیوں جومیں وڈی بغاوت کیتی اے۔ باہر تلوار بے اولاد کردی اے ۔ تے گھر وچ موت کا سامنا اے۔
21
۲۱۔ اوہناں نے میری آہ سُنی اے۔ تےمینوں تسلی دین والاکوئی نہیں ۔ میرے سارے ویریاں نےمیرے دکھ دی خبر سُنی۔ اوہ خوش ہندے نیں کہ توں اینج کیتا اے۔ توں اوہ دن لیاویں گا جہدا توں اعلان کیتا اے۔ تے اوہ وی میرے وانگر ہو جان گے۔
22
۲۲۔ اوہناں دی سار ی بدی تیرے سامنے آوے۔ تے اوہناں نال وی اونج ای کر جویں توں میرے سارے پاپاں دے کارن میرے نال کیتا اے۔ میریاں ہاواں بہت نیں۔ تے میرا دِل نڈھال اے۔