1
- اِناں دِناں وِچ تے اوس ویلے جِدوں میں یہوداہ تے یروشلیم نوں اسیری توں چھڑا لیاواں گا۔
2
- فیر میں ساریاں قوماں نوں کٹھا کر کے اوناں نوں یہوُسفط دی وادی وِچ لے آواں گا۔ اوتھے میں اپنی میراث یعنی آودی قوم اسرائیل دی بابت اوناں دے خلاف فیصلہ کراں گا۔ کیوں جے اوناں نے میرے لوکاں نوں کئی قوماں وِچ وکھیر ے کر دِتاتے میرے ملک نوں وِنڈ دِتا۔
3
- اوناں نے میرے لوکاں لئی پرچیاں پایاں تے مُنڈیاں دے گناواں لئی سودا کیتا تے کُڑیاں نوں شراب لئی وِچیا تاں جے او شراب پی سکن۔
4
- ہون اے صُور تے صیدا تے فلستین دے سارے علاقیو تہانوں میرے خلاف کی شکایت اے؟ کی تُسی مینوں اپنے کسے کم دا بدلہ دے رے او؟ اگر تُسی مینوں واپس وی کر دے پیےٗ او تے میں اوسے ویلے جو کُجھ تُسی کیتا ہویا اے تہاڈے ای سراں اُتے پا دواں گا۔
5
- کیوں جے تُسی میری چاندی تے میرا سونا لے لیتا تے میرے خاص خزانے آودے مندراں وِچ لے گےٗ۔
6
- تُسی یہوداہ تے یروشلیم دے لوکاں نوں یُونانیاں دے ہتھ ویچ دِتا تاں جے تُسی اوناں نوں اوناں دے آودے دِیس توں دور کر دیوو۔
7
- ویکھ میں اوناں نوں اوناں جگہ توں جیتھے تُسی اوناں نوں ویچیا اے چُکاں گا تے تُسی جو کُجھ وی کیتا اے اونوں تہاڈے سراں تے واپس پاواں گا۔
8
- میں تہاڈے پُتراں تے دِھیاں نوں اہل یہوداہ دے ہتھ ویچاں گا تے او اوناں نوں سبائیاں دے ہتھ ویچن گے جہڑی بوہت دور رہین آلی قوم اے اے خداوند نے فرمایا اے۔
9
- ساریاں قوماں وِچ اعلان کرو جنگ دی تیاری کرو سپاہیاں نوں جگاوٗ سارے جنگ کرن آلے مرد کول آ کے حملہ کرن۔
10
- اپنی اپنی ہلاں دے پھالیاں نوں کُٹ کے تلواراں تے اپنے اپنے رمبیاں نوں کُٹ نیزے بنا لو۔ کمزور وی آکھے کہ میں طاقت آلا واں۔
11
- اے آسے پاسے دِیاں ساریاں قوموں چھیتی نال آ جاوٗ تے اوتھے جمع ہو جاوٗ اے خداوند آودے لڑن کرن آلے سپاہیاں نوں لے آ۔
12
- تے یہوسفط دِی وادی ول جاون کیوں جہ میں اوتھے بہیہ کہ ہر پاسے دِیاں ساریاں قوماں دا فیصلہ کراں گا۔
13
- داتری چلاو۔ کیوں جہ فصل تیار اے۔ آودے انگُوراں نُوں پیراں نال پھیوو کیوں جہ مئے نچوڑن دا کولہو مُنہ تک بھریا ہویا اے تے حوض نکو نک بھریا ہویا اے اوناں دِی شرارت ایڈی وڈی اے۔
14
- فیصلے دِی وادی وِچبھیڑ اِی بھِیڑ اےکیوں جہ فیصلے دِی وادی وِچ خُداوند دا دِن نیڑے اے۔
15
-سُورج تے چَن ہنیر ہو جاون گے تے تاریاں وِچ چانن نہ رہے گا۔
16
- خُداوند صیوُن توں للکارے گا تے یُروشلیم توں گے گا تے آسمان تے زمین کمب جان گے پر خُداوند آودے لوکاں دے لئی لُکن دِی تھاں تے بنی اَسرایئل دے لئی قَلعہ ہوئے گا۔ خُدا دے لوکاں لئی برکتاں۔
17
- تد تُسیں جان لو گے کہ میں خُداوند تہا ڈا خُدا آودے پاک پہاڑ صیون وِچ رہنا آں یُروشلیم پاک تھاں ہو وے گا تے پردیسی فیر کدی اوہدے اوتے چڑھائی نہ کرن گے۔
18
- اوس ویلے پہاڑاں توں نوئی مَے ڈِگے گیتے ٹِیلیاں توں دُھد وگے گا تے یُہودہ دے سارے نالیاں وِچوں پانی آوناں شُروع ہو جاوئے گا تے خُداوند دے گھر وِچوں اِک چشمہ پھٹ نکلے گا جہڑا شطیم دِی وادِی نُوں تَر کرے گا۔
19
- کیوں جے اوناں نے یُہودہ اوتے ظُلم کِیتے تےاوناں دے مُلک وِچ غریب بھولے بھالے لوکاں دا خُون وگا یا ایس لئی مِصر ویران ہو جاوئے گا تے ادُوم اجڑیا ہویا ریگستان بَن جاوئے گا۔
20
- یُہودہ سدا لئی یروشلیم پِھیڑی توں پِھیڑی وَسَدے رہن گے۔
21
- اوناں دے قتل دِی سزا جِنوں میں معاف نیہں کِیتا سِی ہون معاف کراں گا خُداوند صُیون وِچ ریندا اے۔