1
۔ کیہ تُوں مگر مچھ نُوں کنڈا لا کے کڈھ سکنا ایں ؟
2
۔ کیہ تُوں اوہدے نَک چہ نکیل پا سکنا ایں ؟ کیہ تُوں اوہدی باچی میخ نال چھیدسکنا ایں ؟
3
۔ کیہ اوہ تیرے تَرلے پائے گا ۔ تیرے نال مِٹھا مِٹھا بولے گا ؟
4
۔ کیہ اوہ تیرے نال قسم بنھے گا ۔ تاں جو تُوں اوہنوں سدا تیِک اپنا کلام بنا لویں ؟
5
۔ کیہ اوہدے نال چِڑی وانگوں کھیڈیں گا ۔ یاں اَپنیاں دھیاں دے کھیڈن لئی اوہنوں بنئیں گا ؟
6
۔ کیہ تاجر اوہنوں خریدن یاں ویچن گے ۔ کیہ سوداگر اوہنوں ونڈ لین گے ؟
7
۔ کیہ تُوں اوہدی کھَل نُوں برچھیاں نال تے اوہدے سِر مچھلی مارن تے نیزیاں نال بھر سکنا ایں ؟
8
۔ اَپنا ہَتھ اوہدے تےرَکھ ۔ لڑائی نُوں یاد کر تے فیر تُوں اینج ناں کریں گا ؟
9
۔ ویکھ ! اوہدے شکار کرن والے دی آس بے فیدہ اے ۔ کیوں جو اوہ اوہنوں ویہندیاں ای ڈِگ پوے گا ۔
10
۔ کِسے دی ہمت نئیں پئی اوہنوں چھیڑے ۔ ایس لئی میرے اَگے کون کھلو سکدا ے ۔
11
۔ کِسے مینوں پیلاں کیِہ دِتا اے ۔ میں اوہدا بدلہ دیاں۔ آسمان دے تھلے جو کُجھ وی اے ۔ اوہ میرا ای اے ۔
12
۔ میں اوہے جُسے دے بارے تے اوہدے زور تے اوہدی سجاوٹ دی خُوبی تے چُپ ناں رہواں گا ۔
13
۔ کون اوہدے کپڑیاں نُوں کھول سکدا اے ۔ کون اوہدیاں باچیاں دے وِچکار جا سکدا اے ؟
14
۔ اوہدے مُونہہ دے بُوہے کون کھولے گا ؟ اوہدے دنداں داچکر ڈرا دین والا ۔
15
۔ اوہدیاں ڈھالاں ڈاہڈیاں تے بوہت ای ودھیا نے۔ جِس طرحاں کِسے ڈاہڈی مِہر نال جوڑیاں گئیاں نیں ۔
16
۔ اوہ اِک دوُجے نال ایس طرحاں جوڑیاں گئیاں نے پئی ہوا وی اوہناں وچوں نئیں لنگھ سکدی۔
17
۔ اوہ سبھےاِک دوُجے نال رلیاں ہوئیاں نیں تے ایس طرحاں جُڑیاں نیں پئی وکھریاں نئیں ہو سکدیاں ۔
18
۔ اوہدی نیچھ نال لو ہُندی اے ۔ تے اوہدیاں اکھاں سویر دیاں چیِمیناں وانگر نیں ۔
19
۔ اوہدے مُونہہ چوں مشالاں نِکلدیاں نیں۔ تے اوہدے توں چنگیاڑیاں نِکل دیاں نیں ۔
20
۔ اوہدے سوتراں چوں دُھواں اُٹھدا اے ۔ اوس ہانڈی یاں دیگ وانگوں جیہڑی اُبلدی ہووے ۔
21
۔ اوہدے ساہ نال کوئلے بَل پیندے نیں تے اوہدے مُونہہ چوں لُونبا نِکلدا اے ۔
22
۔ زور اوہدے دھُوں چہ رہندا اے ۔ تے ڈر اوہدے اَگے بھجدا اے ۔
23
۔ اوہدے ماس دیاں تہواں مِلیاں ہوئیاں نیں ۔ تے اینج جُڑیاں نیں پئی ہِل نئیں سکدیاں ۔
24
۔ اوہدا دِل پتھر وانگوں ڈاہڈا اے ۔ تے چکی تھلویں پَٹ وانگوں ڈاہڈا اے ۔
25
۔ اوہدےاُٹھن نال دلیر لوک ڈر دے نیں ۔ تے گھبرا کے بے ہوش ہو جاندے نیں ۔
26
۔ جے کوئی اوہدے تے تلوار یا سُووا یا برچھی یانیزہ مارے تے کُجھ نئیں ہُندا ۔
27
۔ اوہ لوہے نُوں گھا ہ وانگوں تے پیتل گلہی لکڑی وانگوں سمجھدااے ۔
28
۔ تیِر اوہنوں بھجا نئیں سکدا ۔ تے گوپھناں دے پتھر اوہدے تے تیِلیاں وانگوں نیں ۔
29
۔ تھوڑے نُوں اوہ تُوڑی سمجھ دا اے ۔ تے بَرچھی چَلّن تے ہسدا اے ۔
30
۔ اوہدے تھلے دے پاسے چُنجاں والے پتھراںوانگر نیں ۔تے تیز چُنجاں والے روڑیاں تے ایس طرحاں لیٹ جاندا جیویں اوہ چِکڑنیں ۔
31
۔ اوہ دریا اینج کردا ہ جِس طرحاں ہانڈی خوَل دی اے ۔ تے سمُندر نُوں رنگ کرن والا بھانڈا بنا دیندا اے ۔
32
۔ اوہ اَپنے مگر چمکدی راہ بناندا اے پئی اینج لگدا پئی دوُنگھا تھاں چِٹے والاں والا ہو یا اےھ ۔
33
۔ دھرتی تے اوہدی مثال نئیں جیہڑا ایہو جیہا نڈر پیدا کیتا گیا ہووے ۔
34
۔ اوہ سبھے اُچیاں شیواں نُوں ویکھدا اے۔ تے مَغروراں دا بادشاہ اے ۔