1
۔چاندی دی کان ہُندی اے تے سونے دے لئی پٹھی جِتھے اوہ تایا جاندا اے ۔
2
۔ لوہیا مِٹی چووں نِکلدا اے تے تیل پتھراں وِچوں گالیا جاندا اے ۔
3
۔ انسان ہنیرے دی تہہ تیِک اُتر دا اےتے ہنیرے نے موت دے اخیِر تَک کے پتھر لبھدا اے ۔
4
۔ آبادی توں دوُر اوہ اوتھے سُرنگ پُٹدا اے ۔ جِتھے آن جان والیاں دے پیر نئیں اَپڑدے ۔ تے اوہ لوکاں توں بے خبرا ہو کے جھوُلدا اے ۔
5
۔ جیہڑی دھرتی چوں فصل اُگدی اے ۔ اوہ اَپنے اندر ایس طرحاں ایں جیویں اَگ ہووے ۔
6
۔ اوہناں پتھراں چہ نیلم دی تھاں اے تے اوہدے چہ سونے دے ذرّے لبھدے نیں ۔
7
۔ اوس راہ نُوں کوئی شکاری پنچھی نئیں جاندا تے ناں باز دی اَکھ نے اوہنوں ویکھیا اے
8
۔ حیوان اوتھے پیر نئیں پاندے تے ناں شیر ببر اوتھوں لنگھدا اے ۔
9
۔ اِنسان دا ہَتھ چقماق نُوں توڑ دا اے ۔ تے پہاڑاں نُوں اوہناں دیاں جڑاں نُوں پُٹ دیندا اے ۔
10
۔ اوہ چٹاناں چہ سیِنہ لاندا اے تے اوہدیاں اَکھاں ہر چنگی شے نُوں ویکھ لیندیاں نیں ۔
11
۔ اوہ ندیاں دا راہ ڈکدا اے ۔ تے لُکیاں شیواں لو چہ لے آؤندا اے ۔
12
۔ پَر حِکمت کِتھے لبھدی اے ؟ تے سمجھ کِتھے رہندی اے ؟
13
۔ اِنسان اوہدی راہ نئیں جاندا تے جیوندیاں دی دھرتی تے اوہ ہے ای نئیں ۔
14
۔ ڈوُنگیائی کہندی اے اوہ میرے چہ نئیں تے سمُندر کہندا اے اوہ میرے کول نئیں۔
15
۔ یاسے دا سونا اوہدے بدلے چہ دِتا نئیں جاندا ۔ تے اوہدا تیل کان لئی چاندی تولی نئیں جاندی ۔
16
۔ اوفیر ؔ دا سونا اوہدا مُل نئیں ہو سکدا تے سنگِ سُلیمانی تے نیلم ۔
17
۔ سونے تے شیشے نال اوہدا کوئی جوڑ نئیں ۔ تے ناں چوکھے دا سونا اوہد کُل ہو سکدا اے ۔
18
۔ تے حِکمت مرجان توں ودھ کے ا ے ۔ تے مونگے تے بلور دی گَل اوہدے نال نئیں جوڑی جا سکدی۔ تے حِکمت موتیاں دی تھیلی توں ودھ کے اے ۔
19
۔ کُوشؔ دا پکھراج اوہدے جوڑ دا نئیں ۔ تے پاسے دا سونا اوہدا مُل اے ۔
20
۔ تے فئیر حِکمت کِتھوں آؤندی اے ۔ تے سمجھ دی تھاں کِتھے اے ۔
21
۔ بے شَک اوہ ہر ساہ لین والی شے تو ں اوہلے اے ۔ تے آسمان تے اُڈن والے پکھیروُ توں لُکی ہوئی اے ۔
22
۔تباہی تے موت کہندی اے اساں اَپنے کناں نال اوہدی مشہوری سُنی اے ۔
23
۔ خُدا ای اوہدی راہ جاندا اے تے اوہنوں ای اوہدے رہن دا ٹھکانہ پتا اے ۔
24
۔ کیوں جو اوہ دھرتی دے اخیِر تیِک اِکھ رکھدا اے تے اَسمان دے تھلے سبھ شیواں نُوں ویکھدا اے ۔
25
۔ جیہڑے ویلے اوہنے ہوا نُوں تولیا تے پانی نُوں میچیا۔
26
۔ جیہڑے ویلے اوہنے مینہہ دا قانون بنایا تے بِجلی کڑکن دا راہ بنایا۔
27
۔ اوس ویلے اوہنے حِکمت نُوں ویکھیا تے اوہدی گَل کیِتی تے اوہنوں قائم کرکے پرکھیا۔
28
۔ تے اوہنے اِنسان نُوں آکھیا پئی ویکھ! خُدا دا ڈر ای حِکمت اے تے بدی توں پراں رہندا ای سمجھ اے ۔