1
۔فیر ایوبؔ نے اَپنی گَل شروع کیِتی تے آکھیا ۔
2
۔ جیوندےخُدا دی سونہہ جیہنے میرا نیاں روکیا اے ۔ تے قادرِ مُطلق دی سونہہ جیہنے میری جان نُوں دُکھ دِتا ۔ ساہ میرے سوتراں چہ اے ۔
3
۔ جد تیکر میری جان میرے وِچ ایہہ تے خُدا دا دم میرے نتھناں وِچ اے۔
4
۔ میرے بُل کدی جھُوٹ ناں بولن گے ۔ تے ناں میری جیبھ چوں فریب دی گَل نِکلے گی۔
5
۔ میرے توں اینج دی ناں ہووے ۔ کیہ میں تینوں سچا آکھاں ۔ میرے مردے دَم تیِک اَپنی سچیائی ناں چھڈاں گا ۔
6
۔ میں اَپنی سچیائی نُوں پھڑیا ہو یا اے تےمیں ایہنوں نئیں چھڈاں گا تے جیہدوں تیِک میری حیا تی اے میرا دِل مینوں شر مندیاں ناں کرے ۔
7
۔ ایس لئی میرا ویری بدکاراں چہ گِنیا جاے ۔ تے میرے خلاف چلن والا شرارت کرن والیاں چہ ۔
8
۔ کیوں جو بے دیِنا بندہ دولت کٹھی کر وی لوے تے اوہدی آس کیہ اے ۔ جیہدوں خُدا اوہدی جان لے لے گا؟
9
۔ جیہدوں مُصیبت اوہدے تے آوے ۔ تے کیہ خُدا اوہدا تَرلا سُنے گا ؟
10
۔ کیہ اوہ قادِرِمُطلق توں راضی ہووے گا ۔ تے ہر ویل خُدا توں دُعا کرے گا ؟
11
۔ میں تینوں خُداوند دی گَل دساں گا ۔ تے میں قادرِمُطلق دی گَل نئیں لُکاواں گا ۔
12
۔ تُساں ایہہ کُجھ آپے ویکھیا اے ۔ تے تے فیر تُسیں ایویں ای جھُوٹیاں گلاں کردے او ۔
13
۔ خُدا وَلّوں شرارت کرن والے دا ایہو ای حصہ اے تے ظالم داحصیہ وی جیہڑا اوہ قادرِمُطلق نُوں پاوے گا ۔
14
۔ اوہدے بچے کیِنے وی بوہتے کیوں ناں ہوون ۔ اوہ تلوار دے ڈھائے چڑھن گے ۔ تے اوہناں دی اولاد روٹی نال کدی ناں رَجھے گی ۔
15
۔جیہڑے اوہناں چوں بچ جان گے ۔ اوہناں نُوں موت کھا جاوے گی ۔ تے اوہناں دیاں رنڈیاں اوہناں تے ناں پِٹن گئیاں ۔
16
۔ بھاویں اوہ اوہناں دے لئی مِٹی وانگوں چاندی دا ڈھیر لا دیوے گا تے گارے وانگوں کپڑیاں دا ڈھیر لا دیوے ۔
17
۔ اوہ جو اکٹھا کرےگا ۔ اوہنوں صادق پاوے گا تے بے دوسے اوہدی چاندی وَنڈ لین گے ۔
18
۔ اوہنے جیہڑا گھر بنایا اے ۔اوہ مکڑی دے جالے وانگوں اے ۔ جیویں رکھوالے دی کھولی ۔
19
۔ دولتمند اَپنے نال کُجھ نا ں کھڑے گا ۔ جیہدوں اوہدی اَکھ اُگڑے گی تے سبھ کُجھ ناں لبھے گا ۔
20
۔ ڈر اوہنوں ہَڑ وانگوں آ پھڑے گا ۔ تے رات نُوں ہنیری اوہنوں لے جاوے گی ۔
21
۔ پُوربی ہوا اوہنوں لے اُڈےگی ۔ تے اوہ جاندا رہے گا ۔ تے اوہدی تھاں نُوں اوہنوں پُٹ چھڈی گئی ۔
22
۔ جیہدوں وی اوہ اوہدے ہتھوں نَسن دا سوچدا اے تے اوہ اوہدے اُتے بے ترساں وانگوں وجدیاں نیں ۔
23
۔ اوہ اوہنوں جھیڈاں کر دی اے تے اوہدی تھاں توں ایہنوں پراں کر دیندی ای ۔