¹ ۔تَدّ بِلدد سوُخی ؔ خِطاب کرکے آکھیا پئی ۔ ² ۔ تیریاں گلاں کدوں مُکن گئیاں ؟ تُوں دھیان دے ۔ تے ایہدے بعد اسیں بولاں گے ۔ ³ ۔ اسیں کیوں جانور اں واگوں گِنے جانے آں ۔ تے کیوں تیرے ویکھن چہ پلیت آں ۔ ⁴ ۔ تے تُوں جیہڑا اَپنے غُصے چہ اَپنی جان نُوں پاڑناں ایں ۔ کیہ تیرے سببوں دھرتی فنا ہو جائے گی ۔ یاں چٹان اَپنی تھاں توں ہلا دتی جاوے گی؟ ⁵ ۔ ہاں شیریر دا چانن بُجھا دِتا جاوے گا ۔ تے اوہدی اَگ دا شعلہ لو ناں دیوے گا ۔ ⁶ ۔ اوہدے تنبُو چہ لو ہنیرا بَن جاوے گی ۔ تے اوہدا دیِوا اوہدے لئی بُجھا دِتا جاوے گا۔ ⁷ ۔ اوہدے زور پیر پیِنے ہو جان گے ۔ تے اوہدی ای چال اوہنوں ڈیگ دیوے گی ۔ ⁸ ۔ کیوں جو اوہدے پَیر ای اوہنوں جال وَل لَے جان گے ۔ تے اوہ چور ٹوئے تے ٹُرے گا ۔ ⁹ ۔ جال اوہدی اَڈی نُوں پھڑے گا ۔ تے پھاہی اوہنوں پّکی طراں پھسا لے گی ۔ ¹⁰ ۔ پھَندا اوہدے لئی دھرتی چہ لُکا دِتا جاوے گا ۔ تے پھَدا اوہدے راہ چہ رَکھ دِتا جاوے گا ۔ ¹¹ ۔ خُوف چوں پاسیوں ڈرائے گا ۔ تے کٹھیاں ہو کے اوہدے مگر پین گئیاں ۔ ¹² ۔ بدی اوہدے لئی تیار اے ۔ تے موت اوہدے اَگے کھلوتی اے ۔ ¹³ ۔ بیماری اوہدی کھَل نُوں کھا لَے گی ۔ موت دا پہلا اوہدے اَنگاں نُوں کھا جائے گا ۔ ¹⁴ ۔ اوہ اپنے تنبُو توں جیہدے اُتے اوہدا مان اے پُٹیا جاوے گا تے اوہ خوَف دے بادشاہ دے اَگے لیا جائے گا ۔ ¹⁵ ۔ جیہڑا اوہدا نئیں اوہ اوہدے تنبُو چہ وَسے گا ۔ تے اوہدے ڈیرے تے گندھک سُٹی جاوے گی ۔ ¹⁶ ۔ تھلیوں اوہدیاں جڑاں سُکائیاں جان گئیاں ۔ تے اُتوں اوہدیاں ٹاہنیاں سُک جان گئیاں ۔ ¹⁷ ۔ اوہدی یاد دھرتی توں مِٹا دِتی جاوے گی ۔ تے گلیاں چوکاں چہ اوہدا ناں نئیں رہوے گا ۔ ¹⁸ ۔ اوہ اوہ لو چوں ہنیرے وِچ سُٹ دِتا جاوے گا ۔ تے جَگ وِچوں مُکا دِتا جاوے گا ۔ ¹⁹ ۔ اوہدی قَوم چہ تے اوہدی اَلّ تے ناں اوہدے بچے ہون گے ۔ تے اوہدے ناں اوہدے کوٹھیاں چہ کوئی بچیا رہوے گا۔ ²⁰ ۔ دکھن چہ رہن والے ویکھ کے گابھر جان گے ۔ تے اُتر دے رہن والے خوف کھا ن گے ۔ ²¹ ۔ پَک اے پئی شریر دے ڈیرے ایہو جئے نیں۔ تے جیہڑا رَبّ نُوں نئیں جاندا اوہدی تھاں ایہو ای اے ۔