¹ ۱۔گُزرے ویلے رب نے کئی وری نبیاں دے وسیلے تے کئی ہور طرح کلام کیتا۔ ² ۲۔تے ہن اخیر دِناں چہ، اوہنے اپنے پتّر دے وسیلے، جِنوں اوہنے ساریاں شیواں دا وارث مقرر کیتا۔ تے ایہہ اوہوی اے جدے وسیلے ایس جہاں نوں بنایا۔ ³ ۳۔تے اے خُدا دے جلال دا چانن اے تے اوہدے وانگر ای اے۔ تے ایہ اپنے کلام دی قدرت نال ساریاں شیواں سنبھالدا اے۔ تے پاپاں توں پاک کرن دے بعد اوہ سب توں اُتے حشمت دے سجّے ہتھ بیٹھا اے۔ ⁴ ۴۔تے اوہ فرشتیاں وانگو ایسے طرح افضل ہویا ایس لئی کہ جیڑا اُنھیں میراث چ پایا اوہ سب توں اعلٰی اے۔ ⁵ ۵۔تے خُدا نے کدوں فرشتیاں وچوں کسے نوں وی کہیا کے ’’ تُو میرا پتّر اے، تے اج تو میں تیرا پیو آں‘‘؟ یا خُدا نے کیس فرشتے نوں کدی وی اے آکھیا کے ’’میں ایدا پیو ہواں گا تے اے میرا پتّر ہوے گا۔‘‘؟ ⁶ ۶۔تے فیر جدوں خُدا پہلوٹھے نوں دُنیا چہ لیاندا اے تے کہندا اے کے ’’خدا دے سب فرشتے اُہنوں ضرور سجدہ کرن۔ ⁷ ۷۔تے فرشتیاں لئی کہندہ اے کہ ’’ ایہ اوہ اے جیڑا اپنے فرشتیاں نوں روح تے اپنی خدمت کرن والیاں نو اَگ دے شعلے ‘‘ بناندا اے۔ ⁸ ۸۔تے پُتر نوں کہندا اے، اے خُدا تیرا تخت ہمیشہ ہمیشہ لئی اے۔ تیری سلطنت دا عصّا، انصاف دا عصّا اے۔ ⁹ ۹۔توں راستی نوں چاہنا تے ناراستی توں نفرت کرنا اے۔ ایس لئی خُدا تیرے خُدا تے خوشی دے تیل نال تیرے ساتھیاں وچوں بُہتا مسح کیتا۔ ¹⁰ ۱۰۔تے شُروع وچ مالک توں ای دھرتی دی نیو رکھی۔ آسمان تیرے ہتھاں دی کاریگری نیں ۔ ¹¹ ۱۱۔اے برباد ہو جان گے پر توں قائم روہیں گا۔ اے کپڑے دے ٹکڑے وانگر پاٹ جان گے۔ ¹² ۱۲۔توں انہاں نوں چوغے وانگوں ولےٹے گا تے اے لباس وانگوں بدل جان گے۔ پر توں اُوسے طرح ای اے تے تیرے ورے نہ مُکّن گے۔ ¹³ ۱۳۔تے کس فرشتے نون کسے وی ویلے خُدا نے ایہہ آکھیا کے میرے سجّے پاسے بہہ جدوں تیکر میں تیرے ویریاں نو تیرے پیراں دی چوکی نہ بنا دیاں۔ ¹⁴ ۱۴۔سارے فرشتے خدمت گزار روحان نئیں جیڑے اوہناں دی خدمت لئی گھلے جاندے نیں جو نجات میراث چہ پاندے نیں۔