1
. تے خدا نے نو ح تے اوہدے پتراں نوں برکت دتی تے اوہناں نوں آکھیا پئی جوانیاں مانو تے ودھو تے دھرتی نوں بھر دو۔
2
. تےتہاڈا روعب تے ڈر دھرتی دے سارے جانوراں اتے نالے اسمان دے سارے پرندیاں ا تے دھرتی تے ٹرن والیاں تے بنیا رئے گا ۔ سمندر دیاں ساریاں مچھیاں تہاڈے حوالے کیتیاں گئیاں نیں۔
3
. سارے جیوندے تے ٹردے جانور تہاڈے کھان دے لئی نیں۔ میں ایہناں ساریاں نوں ساگ پات وانگوں تہانوں دتا۔
4
. پر گوشت نوں تسی اوہدے لہو دے نال جدے وچ اودھی جان وے نہ کھانا۔
5
. کیوں جے میں تہاڈے لہو دا بدلہ لواں گا۔ ہر جانور توں اوہدا بدلہ لواں گا۔بندے دی جان دا بدلہ بندے توں تے اوہدے بھرا توں لواں گا۔
6
. جیہڑا کسی بندے دا قتل کر ے گا اوہ وی بندے ہتھوں قتل ہووے گا۔ کیوں جے خدا نے اپنے جیہا انسان نوں بنایا۔
7
. پر تسی ودھو تے پھل دار ہووہ تے دھرتی تے اپنی نسل ودھاو۔ تے بتھیرے ودھو۔
8
. تے خدا نے نوح تے اوہدے پتراں نوں آکھیا۔
9
. ویکھو میں تہاڈے تے تہاڈے مگروں تہاڈی نسل دے نال ۔
10
. تے سارے جیوندیاں دے نال جیہڑے تہاڈے نال نیں کی پرندے تے کی چرن والے تےکی دھرتی دے سارے درندیاں نال جیہڑے کشتی وچوں نکلے تے دھرتی تے ہر ایہناں ورگیاں نال سوہ منگنا ہاں۔
11
. تہاڈے نال میں سوہ منگنا ہاں پئی کوئی جیوندے پانی دے طوفان دی وجہ توں فیر ہلاک نہ ہوئے گا۔ تے نہ ہی فیر توں طوفان آوے گا۔ پئی دھرتی نوں تباہ کرے۔
12
. تے خدا نے آکھیا جیہڑا عہد میں ہر زمانے لئی اپنے تے تہاڈے چہ جد کے سارے تہاڈے ورگے جیوندیاں دے نال کرنا ہاں اوہدا اے نشان وے ۔
13
. میں دھنک بدلاں وچ رکھنا ہاں جیہڑی میرے تے دھرتی دے وچ عہد دا نشان ہووے گی۔
14
.جس دیہاڑے میں دھرتی اتے بدل لیاواں تے دھنک بدلاں وچ دسے۔
15
. تے میں ایس عہد دا چیتا کراں گا جیہڑا میرے تے تہاڈے تے جیوندیاں دے وچ ہویا وے۔ طوفان دا پانی فیر توں نئی چڑہے گا۔ پئی سارے جیوندیاں نوں ہلاک کرے۔
16
. دھنک جدوں بدلاں وچ ہووے گی میں اوہنوں ویکھ کے اوس صدا لئی کیتے عہد دا چیتا کراں گا۔ جیہڑا خداوند نے ہر جیوندےتے ساری خلقت دے نال کیتا اے۔
17
. تے فیر خدا نے نوح نوں آکھیا پئی اے اوس عہد دا نشان ہووے گا جیہڑا میں اپنے تے دھرتی دے ہر جیوندے دے نال کیتا وے ۔
18
. تے نوح دے پتر جیہڑے کشتی چوں نکلے سم تے حام تے یافت سن۔ تے حام کنعان دا پیو وے۔
19
. نوح دے ایہی تین پتر سن۔ تے ایہناں توں ای ساری دھرتی آباد ہوئی۔
20
. تے نوح زمینداری کرن لگ پیا۔ تے اوہنے انگور د ی اک باڑی لائی ۔
21
. تے اوہدی مے پی کے نشے وچ تمبو دے اندر ننگا پے گیا ۔
22
. تے کنعان دے پیو حام نے اپنے پیو نوں ننگا ویکھیا۔تے بار آکے اپنے دووئیں بھراواں نوں دسیا۔
23
. تد سم تے یافت نے اک کپڑا لئیا تے اپنے دووئیں موڈیاں تے دھریا تے پٹھے پیری جا کے اپنے پیو دے ننگ نوں ڈھکیا۔ تے اوہناں دے منہ پچھے ول نوں سن۔ تے اوہناں اپنے پیو دے ننگ نوں نہ ویکھیا۔
24
. جدوں نوح مے دے نشے چوں ہوش چہ آیا تے اوہنوں پتا لگیا پئی جو کجھ اوہدے نکے پتر نے اوہدے نال کیتا سی ۔
25
. تد اوہ بولیا پئی کنعان لعنتی ہووے۔ اوہ اپنے بھراواں دے نوکراں دانوکر ہووے۔
26
. فیر آکھیا خداوند سم دا خدا مبارک ہووے ۔ کنعان اوہدا غلام ہووے۔
27
. خدا یافت نوں ودھائے۔ پئی اوہ سم دے تمبو وچ وسے تے کنعان اوہدا نوکر ہووے۔
28
. تے طوفان دے مگروں نوح ساڈھے تین سو ورہے جوندا رہیا ۔
29
. تے نوح ساڈھے نو سو ورہے تیکر جیوندا رہیا ۔ تے فیر اوہ مریا۔