¹ . فیر خداوند ممرے دے بلوطاں تے اوہنوں دسیا۔تے اوہ دیہاڑی دے گرم ویلے اپنے تنبو دے بوْہے تے بیٹھاہویاسی۔ ² . تے اوہنے اپنیاں اکھاں چک کے نظر کیتی تے ویکھیا پئی تن مرد اوہدے اگے کھلوتے نیں۔او ہ اوہناں نو ویکھ کےتنبو دے بوْہے چوں اوہناں ول نسیا تے زمین تک جھکیا۔ ³ . تے کہن لگا پئی اے میریا ربا جے میرے تےتوں کرم دی نظر کیتی اے تے اپنے ایس نوکر دے کولوںٹْرنہ جاویں۔ ⁴ . سگوں ماسا کوْ پانی لیائیا جائے تے تْسی اپنے پیردھو کے اوس درخت تھلے آرام کرو۔ ⁵ . میں روٹی لیاناہاں تْسی سواہرے ہو لو۔ فیر اگے ودہیوکیوں جے تسی ایسے لئی اپنے نوکر دے کول آئے ہو۔اوہناں آکھیا جیویں توں آکھیا اے انج ای کر۔ ⁶ . تے ابرہام تنبووچ سارہ دے کول نسیا گیاتے آکھیا پئی تن پیمانے بریک آٹا چھیتی لے تے اوہنوں گْن تے پھلکے بنا۔ ⁷ . تے ابرہام اجڑ ول نسیاتے اک تگڑا وچھا لےکے اک جوان نو دتا تے اوہنے چھیتی نال اوہنوں بنایا۔ ⁸ . فیر اوہنے مکھن تے دودھ تے اوس وچھے نوں جیہڑا اوہنے بنوایا سی لیاہ کے اوہناں دے اگے رکھیا تے آپ اوہناں دے کول درخت تھلے کھلو رہیا تے اوہناں کھادا۔ ⁹ . فیر اوہناں اوہنوں پچھیا پئی تیری کار والی ساری کتھےاے؟ اوہنے آکھیا او ہ تنبو وچ اے۔ ¹⁰ . اودوں اوہنے آکھیا میں فیر بہار دے موسم چہ تیرے کول آواں گا تے ویکھ تیری کار آلی ساری دے پتر ہوئے گا۔ ¹¹ . تے ابراہام تے سارہ وڈیرے تے وڈی عمر دے سن نالے سارہ دا اوہ حال نئی سی رہیا جیہڑا عورتاں دا ہندا اے۔ ¹² . اودوں سارہ نے اپنے دل وچ ہس کے آکھیا کی ایئنی وڈیری ہون دے مگروںکی میرے لئی خوشی ہو سکدی اےنالے میرا کار والا وی وڈیرا اے۔ ¹³ . فیر خداوند نے ابرہام نوں آکھیا پئی سارہ کیوں اے آکھ کے ہسی پئی میری جئی وڈیری دا وی بھلا پتر ہو ئے گا؟ ¹⁴ . کی خداوند لئی کوئی گل اوکھی اے؟ بہار دے موسم وچ اپنے ویلے تے میں تیرے کول فیر آواں گا تے سارہ دا پتر ہوئے گا۔ ¹⁵ . اودوں سارہ مکر گئی پئی میں نئی ہسی کیوں جے اوہ کابر گئی سی ۔ پر اوہنے آکھیا نئی توں ضرور ہسی سیئں۔ ¹⁶ . اودوں اوہ مرد اوتھوں اٹھے تے اوہناں سدوم دل منہ کیتا تے ابرہام اوہناں نوں چھڈن لئی اوہناں نال ٹر پیا۔ ¹⁷ . تے خداوند نے آکھیا پئی جو کجھھ میں کرن لگا ہاں کی میں ابراہام توں لْکا کے رکھاں؟ ¹⁸ . ابراہام وچوں تے بے شک اک وڈی تےزبردست قوم جمے گی نالےدھرتی دیاں ساریاں قوماں اوہدے راہیں برکت پان گیاں۔ ¹⁹ . کیوں جو میں جاننا ہاں پئی اوہ اپنے پتراں تے نالے کار والیاں نوں جیہڑے اوہدے مگروں ہون گے وصیت کرے گا پئی اوہ خدا دی راہ تے پکے رہ کے عدل تے انیائے کرن تاں جے جوکجھ خدا نے ابراہام دے حق چہ آکھیا وے اوہنوں پورا کرے۔ ²⁰ . فیر خدا نے ٓکھیا کیوں جے سدوم تے عمورہ دا شور ودہ گیا اے تے اوہ ڈاڈے دوشی ہو گئےنے۔ ²¹ . ایس لئی میں ہن جا کے ویکھاں گا پئی کی اوہناں بلکل اونج ای کیتا اے جیویں دا شور میرے کناں وچ پئیااے تے جے نئی کیتا تے میں پتا کرا لواں گا۔ ²² . تے اوہ مرد اوتھوں مڑے تے سدوم ول ٹْر پئےپر ابرہام خدا دے حضور کھلوتا رہیا۔ ²³ . اودوں ابرہام نے کول جا کے آکھیا کی توں چنگیاں نوں مندیاں ے نال مارینگا؟ ²⁴ . خورے اوس شہر وچ پنجاہ راستباز ہون ۔ کی توں اوہناں نوں ہلاک کریں گا تے اوہناں پنجاہ راستبازاں دی خاطر جیہڑے اوس شہر وچ ہون اوس تھاں نوں نہ چھڈینگا؟ ²⁵ . انج کرنا تینوں روانئی پئی چنگے نوں بھیڑے نال مار دیں تے چھنگے تے مندے اکو جئے ہو جان۔ اے تینوں روا نئی۔کی جگ دا انیائے کرن والا انیائے نئی کرے گا؟ ²⁶ . تے خدا نے آکھیا پئی جے منوں سدوم دے شہر چہ پنجاہ راستباز ملن تے میں اوہناں دے منہ پچھے اوس تھاں نوں چھڈ دیاں گا۔ ²⁷ . اودوں ابرہام نے جواب دے کے آکھیا پئی ویکھو ! میں مٹی تے سواہ ہون دے باوجود خدا نال گل کرن دی جرائت کیتی ۔ ²⁸ . خورے پنجاہ راستبازاں وچوں پنج گھٹ ہون۔ کی اوہناں پنجاں دے گھاٹے توں تْوں سارا شہر نیست کریں گا؟ اوہنے اوہنوں آکھیا جے منوں اوتھے پنتالیس ملن تے میں اوہناں نوں نیست نئی کراں گا۔ ²⁹ . فیراوہنے اوہنوں آکھیا پئی خورے اوتھے چالی ہون۔ اودوں اوہنے آکھیا پئی میں چالئیاں دی خاطر وی ایہہ نئی کراں گا۔ ³⁰ . فیر اوہنے آکھیا خداوند رسیں نہ تے میں کجھ ہور آکھاں؟ خورے اوتھے تری ہون۔ اوہنے آکھیا جے مینوں اوتھے تری وی لبھےتے فیر وی انج نئی کراں گا۔ ³¹ . فیر اوہنے آکھیا ویکھو! میں خداوند دے نال گل کرن دی جرائت کیتی ۔ خورے اوتھے وی لبھن۔ اوہنے آکھیا میں وہیاں دی خاطر وی اوہنوں نیست نئی کراں گا۔ ³² . اودوں اوہنے آکھیا خداوند جے رسیں نہ تے میں اک واری کجھ ہور آکھاں ۔ خورے اوتھے دس ملن۔اوہنے آکھیا میں دس دی خاطر وی اوہنوں نیست نئی کراں گا۔ ³³ . جدوں خداوند ابرہام نال گلاںکر لئیاں تے ٹر گیاتے ابرہام اپنے کار نوں مڑیا۔