1
. تے ساری دھرتی تے اک زبان تے اکو بولی سی۔
2
. تے انج ہویا پئی پورب ول ٹردیاں اوہناں نوںسنعا دے ملک ر وچ اک کھلا تھاں لبھیا تے اوہ اوتھے وس پئے۔
3
. تے اوہناں اک دجے نوں آکھیا ۔چلو اسی اٹاں بنائیے تے اوہناں نوں اگ وچ چنگی طرح پکائیے تے فیر اوہناں وٹیاں دی تھاں تے ایٹاں تے چونےدی تھاں تے گارا لایا ۔
4
. تے اوہناں آکھیا پئی چلو اسی اپنے لئی اک شہر تے اک برج بنائیے جدی اچیائی اسمان تیک اپڑے تے اسی اپنا ناں کریے۔ تاں انج نہ ہوئے پئی اسی ساری دھرتی تے وکھر جائیے۔
5
. تے خداوند اوس شہر تے اوس برج نوں جیہڑ ا آدم دی اولاد بنا رئے سن ویکھن لئی تھلے آیا۔
6
. تے خدا نے آکھیا پئی ویکھو اے سارے لوکاں دا اکا وے۔ تے ایہناں ساریاں دی اک ای بولی اے۔ تےکیوں جے ہن اوہ اے کرن لگ پئے نئیں تے فیر اوہ اپنے ارادے توں نئی مڑن گے جدوں تیکر اوہنوں پورا نہ کر لین۔
7
. تے آو اسی جا کے اوہناں دی بولی وکھ وکھ کریے تاں جے اوہ اک دجے دی گل ومج نہ سکن۔
8
. تے فیر خداوند نے اہناں نوں اوس تھاں توں ساری دھرتی تے وکھیر دتا۔ تے اوہ شہر دے بنان توں مڑ گئے۔
9
. ایس لئی اودہا ناں بابل پے گیا۔ کیوں جے اوتھے خدا نے ساری دھرتی دیاں زباناں وکھریاں کیتیاں۔ تے اوتھوں فیر خدا نے اوہناں نوں ساری دھرتی تے وکھیریا۔
10
. تے سم دا شجرہ ایہہ وے۔ سم اک سو ورہے دا سی جدوں طوفان دے دو ورہے مگر اوہدے توں ارفکسد جمیا۔
11
. تے ارفکسد دے جمن توں مگر سم پنج سو ورہے جیوندا رہیا۔ تے اوہدے توں پتر تے دھیاں جمیاں۔
12
. تے ارفکسد پینتی ورہے دا سی جدوں اوہدے توں سلح جمیا۔
13
. تے سلح دے جمن توں مگر ارفکسد چار سو تین ورہے جیوندا رہیا۔ تے اوہدے پتر تے دھیاں جمیاں۔
14
. تے سلح تی ورہے دا سی جدوں اوہدے توں عبر جمیا۔
15
. تے عبر دے جمن توں مگر شالح چار سو تین ورہے جیوندا رہیا۔ تے اوہدے پتر تے دھیاں ہوئیاں۔
16
. تے عبر چہوی ورہے دا سی جدوں اوہدے توں فلج جمیا۔
17
. تے فلج دے جمن توں مگر عبر چار سو تری ورہے جیوندا رہیا تے اوہدے پتر تے دھی ہوئے۔
18
. تے فلج تری ورہے دا سی جدوں اوہدے توں ر عو جمیا۔
19
. تے رعو دے جمن توں مگر فلج دو سو نو ورہے جیوندا رہیا۔ تے اوہدے توں پتر تے دھی جمے۔
20
. تے رعو بتی ورہے دا سی جدوں اوہدے توں سروج جمیا۔
21
. تے سروج دے جمن دے مگر رعو دو سو ست ورہے جیوندا رہیا۔ تے اوہدے توں پتر تے دھیاں ہوئیاں۔
22
. تے سروج تری ورہے دا سی جدوں اوہدے توں نحور جمیا ۔
23
. تے نحور دے جمن توں مگر سروج دو سو ورہے جیوندا رہیا تے اوہدے توں پتر تے دہیاں ہوئیاں۔
24
. تے نحور انتیس ورہے دا سی جدوں اوہدے توں تارح جمیا ۔
25
. تے تارح دے جمن توں مگر نحور اک سو انتیس ورہے جیوندا رہیا۔ تے اوہدے پتر تے دھیاں ہوئیاں۔
26
. تے تارح ستر ورہے دا سی جدوں اوہدے توں ابرام تے نحور تے حاران جمے۔
27
. تارح دا شجرہ اے وے۔ تارح توں ابرام تے ناحور تے حاران جمے تے حاران توں لوط جمیا۔
28
. تے حاران اپنے پیو توں پہلاں اپنی جمن دی تھاں یعنی کسدیاں دے ااور دے وچ مریا ۔
29
. تے ابرام تے نحور نے ویا ہ کیتا ۔ ابرام دی کار والی دا ناں ساری تے نحور دی کار والی دا ناں ملکہ سی ۔ تے اوہ حاران دی دھی سی۔ جیہڑا ملکہ تے اسکہ دا پیو سی۔
30
. تے ساری بانجھ سی۔ اوہدا کوئی پتر نئی سی۔
31
. تے تارح نے اپنے پتر ابرام نوں تے اپنے پوتے لوط نوں جیہڑا حاران دا پتر سی تے اپنی نوح ساری نوں جیہڑی اوہدے پتر پتر ابرام دی کار والی سی نال لئیا۔ تے اوہ سوارے کسدیاں دے اورتوں کنعاں دے ملک جان لئی ٹر ے تے اوہ حاران تیکر اپڑے تے اوتھے وس گئے۔
32
. تے تارح دی عمر دوسو پنج ورہے ہوئی تے اوہ حاران وچ مریا ۔