¹ ۱۔ خداوند دا کلام میرے اُتے اُتریا: ² ۲۔ اے آدمزاد ،اسرائیل دے چرواہیاں دے خلاف نبوت کر، افسوس اسرائیل دے ایناں چرواہیاں اُتے جیہڑے بس اپنی فکر کردے نیں ! کی ایہہ چنگا لگدا اےپئی چرواہےگلےپرواہ ناں کرن۔؟ ³ ۳۔ تسی مکھن کھاندے اوہ،اون دے کپڑے پاوندے او تے ہٹیاں کٹیاں بھیڈاں نوں ذبح کر دے او ،پر تسی گلے دی پرواہ نئیں کردے ۔ ⁴ ۴۔ تسی ماڑیاں نوں تواناں نئیں کیتا،بیماراں نوں شفا نئیں دِتی ،ناں ای گائلاں دے زخم بھرے ،ناں بھٹک جان والیاں نون موڑ لیائے تے نان تسی گوچیاں دی کھوج کیتی ۔تسی ایناں نال بوہت ای بے رحمی نال بھیڑا سلوک کیتا۔ ⁵ ۵۔ ایس لئی اوہ چرواہے دے بغیر نکھڑ گئیاں تے جدوں اوہ پراگندہ ہو گئیاں تے اوہ سارے جنگلی جانوراں دی خوراک بن گئیاں ۔ ⁶ ۶۔ میریاں بھیڈاں سارے پیاڑاں اُتے تے ہر اُچے تے ٹیلے اُتے بھٹکدیاں رہیاں ۔اوہ ساری دھرتی اُتے نِکھر گئیاں تے کسے نیں ایناں نوں ناں ڈھونڈیا تے ناں تلاش کیتا۔ ⁷ ۷۔ ایس لئی اے چراہو!خداوند دا کلام سنو!رَب خداوند فرماند اے: ⁸ ۸۔ مینوں اپنی جان دی سَوں !جد کے میرے جھنڈ دا کوئی چرواہا نئیں ایس لئی اوہ لٹیا گیا تے سارے چنگلی جانوراں دی خوراک بن گئے تے جد کے میرے چرواہیاں نیں میرے جھنڈ نئیں ڈھونڈیا تے میرے جھنڈ دی پرواہ کرن دی بجائے بس اپنی پرواہ کیتی۔ ⁹ ۹۔ ایس لئی اے چرواہو!خداوند دا کلام سنو! ¹⁰ ۱۰۔ رَب خداوند اینج فرماندا اے:میں چرواہیاں دے خلاف آں تے ایناں نوں ایناں دے جھنڈ برباد ی دا ذمے وار ٹھہراواں گا۔میں ایناں نوں گلہ بانی کرن توں ہٹا دیاں گاتاں جو چرواہے آن والے ویلے چ اپنا ای ڈھیڈ ناں بھر سکن ۔میں اپنے جھنٖڈ نوں اوہناں دے منہ توں چھڈاواں گا تاں جو آن والے ویلے چ ایناں لئی خواراک نان بنے۔ ¹¹ ۱۱۔ رَب خداوند اینج فرماندا اےپئی میں آپ اپنیاں بھیڈاں دی تلاش کراں گا تے ایناں دی رکھوالی کراں گا۔ ¹² ۱۲۔ جسطراں اِک چرواہا جدوں اپنے جھنڈ دے نال ہوندا اے تے اپنیاں پریشان بھیڈاں دی رکھوالی کردا اےایسے طراں میں اپنیاں بھیڈاں دی رکھوالی کراں گا۔میں ایناں نوں ساریاں تھانواں توں چھڈا لیاواں گا جتھے اوہ ابر تے ہنیرے دے دن وَکھوں وَکھ ہو گئیاں سن۔ ¹³ ۱۳۔ میں ایناں نون دوجیاں قوماں چوں لے آواں گا تے ایناں نوں اکٹھاکراں گا۔تے ایناں نوں ایناں دے اپنے دیس چ واپس لے آواں گا۔میں ایناں نوں اسرائیل دے پہاڑاں اُتے تے ندیاں دے کنارے تے دیس دیاں ساریاں بستیاں چ چرواں گا۔ ¹⁴ ۱۴۔ میں ایناں نوں اچھی چراہ گاہ چ چراواں گا تے اسرائیل دیاں پہاڑاں نوں اوہناں دی آرام گاہ بنا دیاں گا ۔اوتھے اوہ بہترین چراگاواں چ بیٹھیا کرن گیاں تے چارہ وغیرہ کھایا کرن گے۔ ¹⁵ ۱۵۔ میں آپ اپنیاں بھیڈاں نُوں چراواں گا تے اوہناں نُؤں بٹھاواں گا ۔ایہہ خداوند خدا نیں آکھیا ااے۔ ¹⁶ ۱۶۔ میں گواچیاں نُوں لبھا ں گا تے بھٹکیاں پویاں نُوں واپس لیاواں گا ۔میں زخمیاں دی مرہم پٹی کراں گا تے مہاتڑاں نُوں زور بخشاں گا پر موٹیاں تے طاقتوراں نُوں ختم کر دیاں گا۔میں انصاف نال گلے دی رکھوالی کراں گا۔ ¹⁷ ۱۷۔ اے میرے گلے دیو بھیڈو! جیتھوں تیک تہاڈا تعلق اے رَب خداوند اینج فرماندا اے۔بھیڈ بھیڈ وچ تے وچھایاں تے بکریاں وچ انصاف کراں گا۔ ¹⁸ ۱۸۔ کی تہاڈے لئی ایہہ کافی نئیں پئی چنگی چرراگاہ وچ چرو؟کی ایہہ ضروری اے پئی تُسیں اپنی باقی چراگاہواں نُوں پیراں وچ مدھولو؟ کی تہاڈے لئی ایہہ کافی نئیں پئی تسیں صاف پانی پی لو۔کی ایہہ ضروری اےپئی تُسیں باقی بچے پانی نُوں گدلا کرو؟ ¹⁹ ۱۹۔ کیہ میرا گلہ اوہو ای کھاوے گا جنہوں تُسیں مدھولیا تے اوہو ای پین گے جنہوں تسُسیں اپنے پیراں نال گدلا کیتا؟ ²⁰ ۲۰۔ ایس لئی رَب خداوند اینج فرماندا اے پئی ویکھو میں آپ موٹی تے پتلی بھیڈ دا فیصلہ کراں گا ۔ ²¹ ۲۱۔ کیوں جو تُسیں پہلو تے موہڈیاں نال دھکدے او تے کُل کمزور بھیڈاں نُوں اپنیاں سینگاں نال مار دےاو ایتھوں تیک پئی تُسیں ایناں نُوں تِتر بِتر کر دیندے او۔ ²² ۲۲۔ میں اپنے گلے نُوں بچا لواں گا تے پُن او کدے وی لُٹے ناں جان گے ۔میں ہر بھیڈ وچ انصاف کراں گا ۔ ²³ ۲۳۔ یں اپنے خادم داؤد نُوں ایناں اُتے چرواہاں مِتھا ں گا جیہڑا اوہناں دی رہنمائی کرے گا ۔اوہ اوہناں دی رہنمائی کرے گاتے اوہناں دا چرواہا ہووے گا۔ ²⁴ ۲۴۔ میں خداوند اوہناں دا رَب ہاں تے اوہ میرا خادم داؤد ایناں دے وچکار حکمران ہووے گا۔میں خداوند نیں ایہہ آکھیا اے۔ ²⁵ ۲۵۔ میں اوہناں دے نال صلح دا عہد بنھا گا تے دیس نُوں جنگلی جانوراں توں خالی کر دواں گا تاں جو اوہ بیابان وچ رہ سکن تے جنگاں وچ سلامتی نال سوں سکن۔ ²⁶ ۲۶۔ میں اوہناں نُوں تے اپنی پہاری دے آسے پاسے دے علاقے نُوں برکت دواں گا ۔میں عین موسم وچ مینہ وساواں گا تے برکت دی بارش ہووے گی۔ ²⁷ ۲۷۔ کھیتاں دے رُکھاں وچ پھل لگن گے تے زمین اپنی فصل اُگائے گی تے لوکی اپنے دیس وچ محفوظ رہن گے ۔جدوں میں ایناں دے جوئے دے بندھن توڑدواں گا تے ایہناں نُوں اوہناں لوکاں دے ہتھون چھُڈاواں گا جنہاں نیں ایہناں نُوں غلام بنایا لیا سی تد اوہ جان لین گے پئی میں خداوند آں۔ ²⁸ ۲۸۔ اوہ فیر کدی قوماں دے ہتھوں لُٹے ناں جان گے ۔ناں ای جنگلی جانور ایہناں نُوں کھا سکن گے ۔اوہ سلامتی نال رہن گے تے کوئی اوہناں نُوں نئیں ڈرائے گا ۔ ²⁹ ۲۹۔ میں اوقہناں نُوں اینج دا دیس دیواں گا جیہڑا اپنی فصل لئی مشہور اے اوہ فیر وی کدی اپنے دیس وچ قحط دا شکار ناں ہون گے تے ناں قوماں دے طعنیان دا نشانہ بنن گے ۔ ³⁰ ۳۰۔ تد اوہ جن لین گے پئی میں خداوند اوہنان دا خدا اوہناں دے نال ہاں تے اوہ بنی اسرائیل میرے لوک نیں ۔ایہہ رَب خداوند نیں فرمایا اے۔دا خدا ہاں ۔ایہہ ر؟ب خداوند نیں فرمایا اے۔ ³¹ ۳۱۔ تے تُوں ایہہ میری بھیڈ تے ایہہ میری چراگاہ دی بھیڈومیرے لوک او تے میں تہا