¹ ۱۔ خدا دا کلام میرے تے اُتریا ² ۲۔ ایہ آدمزاد اپنے دیس دے لوکاں نال گل کر ،تے اوہناں نوں دس ،جدوں میں کسے دیس تے تلوار چلاواں ،تے اوس دیس دے لوک اپنے وچوں کِسے بندے نوں اپنا راکھا چُن لین۔ ³ ۳۔ تے اوہ دیس وَل ودھدی ہوئی تلوار نوں ویکھ کے لوکاں نوں خبردار کرن لئی نرسنگا پھونکے ۔ ⁴ ۴۔ فیر جے کوئی نرسنگے دی آواز سُن کے دھیان نہ کرے ۔تے تلوار آکے اوہدی جان لے لَوے ،تے اہدا لَہو آپ اوہدےت سِر ہووے گا۔ ⁵ ۵۔ کیوں جو اہنے نرسنگے دی آواز سُن کے احتیاط نہ کیتی ایس لئی اوہدا لہو آپ اوہدے سِر ہووے گا ۔ جے اوہ احتیاط کردا تے اپنی جان بچا لیندا۔ ⁶ ۶۔ پر جے راکھا تلوار نوں آؤند ے ویکھے تے لوکاں نوں خبردار کرن لئی نرسنگا نہ پھونکے ، تے تلوار آکے کِسے دی جان لے لَوے ،تے اوہ بندا ،اپنے گناہ دے سببوں اپنی جان گنوا وے گا۔ پر میں راکھے نوں اوہدے لہو دا ذمہ دار ٹھہرا واں گا۔ ⁷ ۷۔ اے آدمزاد ! میں تینوں بنی اسرائیلدا راکھا لایا اے،ایس لئی میرا کلام سُن تے میرے وَلون اوہناں خبردار کر۔ ⁸ ۸۔ جدوں میں کسے شریر نوں آکھاں ،ایہ شریر بندیا توں پکا مریں گا تے جے تؤں اوہنوں ایہ نہ جتاویں تاں جو اوہ شریر بندا اپنے گناہ دے سببوں مرے گا ،تے میں تینوں اوہدے گناہ دا ذمہ دار ٹھہراواں گا ۔ ⁹ ۹۔ پر جے توں اوس شریر نون خبردار کر دیویں پئی اوہ اپنے چالے تُوں مُڑجاوے ،تے اوہ نہ مُرے تے اہ اپنے گناہ دے سببوں مرے گا ،پر توں اپنی جان بچانویں گا ۔ ¹⁰ ۱۰۔ اے آدمزاد! بنی اسرائیل نوں دس پئی تُسی ایہہ آکھدے اوہ پئی ساڈیاں خطاواں تے گناہواں دا بھارساڈے اُتے لدیا ہویا اے تے اَسی اوہناں دے سببوں کُھردے جارہے آں ،فیر اسی کِنج جیوندے رہیے؟ ¹¹ ۱۱۔ اوہناں نوں دَس خداوند خدا آکھدا اے :مینوں اپنی حیاتی دی سَوں ،شریر اں دی موت توں مینوں کوئی خوشی نئیں ہُندی ،پر ایس توں پئی اوہ اپنیاں کرتوتاں توں مُڑن تے جیوندے رہن۔مُڑو! اپنی بھیڑیاں کرتُو تاں توں مُڑو ! اے بنی اسرائیل تُسی کیوں مَرو گے ؟ ¹² ۱۲۔ ایس لئی آدمزاد ! اپنے دیس دےلوکاں نوں دس جے صادق بدی کرے تے اوہدی راستبازی اہنوں نہ بچاوے گی تے جے شریراپنی شرارت توں مُڑجاوے ،تے اوہدی شرارت اوہدے ڈِگن دی وجہ نہ بنے گی۔راستباز بندا جے گناہ کرے تے اوہنوں اپنی پہلی راستبازی دی وجہ تون جین نہ دِتا جاوے گا۔ ¹³ ۱۳۔ جے میں کسے راستباز بندے نوں آکھ دیاں پئی اوہ یقیناََ جیوندا رہووے گا ۔پر جے اوہ اپنی راستبازی تے بھروسہ کر کے بدی کر لوے تے اوہدی راستبازی دا ہرکم بھُلا دِتا جاوے گا تے اوہ اپنی بدی دی وجہ توں مر جاوے گا ۔ ¹⁴ ۱۴۔ تے جے میں کسے شریری بندے نوں آکھاں توں پکا مرجاویں گا پر بعد وچ اوہ اپنے گناہواں تو ں باز آکے ،اجیہے کم کردا اے جیہڑے جائیز تے روا نیں ۔ ¹⁵ ۱۵۔ یعنی جے وہ قرض دی تھاں رکھی ہوئی شے موڑ دیندا اے چوری کیتی ہوئی چیز پرتا دیندا اے تے اوہناں نوں حُکماں نے عمل کردا اے ۔جیہڑے حیاتی دیندے نیں تے بدی نئیں کردا تے اوہ پکا جیوے گا اوہ نئیں مریگا ۔ ¹⁶ ۱۶۔ جیہڑے گناہ اوہدے کولوں ہوئے نین اوہ اوہدے خلاف نہ گِنے گاون گے ۔کیوں جو اوہنے ٹھیک تے درست کم کیتے نیں ایس لئی اوہ یقیناََجیوے گا ۔ ¹⁷ ۱۷۔ فیر وی تیرے دیس دے لوک اے آکھدے نیں: خداوند دا سلوک ٹھیک نئیں اے۔جدون کے اوہناں دے اپنے چالے ٹھیک نئیں ۔جے کوئی راستباز بندا اپنی راسبازی چھڈ کے بدی کرن لگ پوے تے اوہ اوہدی وجہ تؤں مر جاوے گا ۔ ¹⁸ ۱۸۔ تے جے کوئی راستباز بندا اپنی راسبازی چھڈ کے بدی کرن لگ پَوے تے اوہ اوہدی وجہ تن مر جاوے گا۔ ¹⁹ ۱۹۔ تے جے کوئی شریر بندا اپنی شرارت تون مُڑ کے ٹھیک تے درست کم کرے ،تے اوہ اینج کرن دی وجہ توں جیوے گا ۔ ²⁰ ۲۰۔ فیر وی اے بنی اسرائیل تُسی آکھدے اوہ پئی خداونداسرائیل تُسی آکھدے اوہ پئی خداوند داسلوک ٹھیک نئیں ایں۔پر میں تہاڈے چوں ہر اک دا اوہدے چائے نئیں ایں۔پر میں تہاڈے چوں ہر اک دا اوہدے چائے دے مطابق نیاں کراں گا ۔ ²¹ ۲۱۔ سانوں دیس چوں کڈن دےگیارویں ورھے دےدسویں مہینے دی پنجویں تاریخ تے ،اک اک بندا جیہڑا یروشلیم چوں بھج وگیا سی،مرے کول آیا تے آکھن لگا:شہر تے قبضہ ہو گی۔ ²² ۲۲۔ اے ایس بندے دے آؤن توں پچھلی شام پیلاں خداوند دا ہتھ میرے تے سی تے سویرے اوس بندے دے میرے کول آؤن توں پیلاں خداوند نے میرا منہ کھول دِتا ۔اینج میری زبان کھُل گئی تے میں گونگا نہ رہیا۔ ²³ ۲۳۔ فیر خداوند دا کلام میرے تے اُتریا : ²⁴ ۲۴۔ اے آدمزاد! اسرائیل دے دیس دے اوہناں کھنڈراں وچ وَسن والے لوکی اے آکھ رہے نیں پئی ابرہام کلاسی فیر وی اوہ دیس دا وارث ہویا پر اسی ان گینت آں ۔ ایس لئی پکا دیس سانوں وراثت وچ دِتا جاوے گا۔ ²⁵ ۲۵۔ ایس لئی اوہناں نوں دس خداوند خدا اینج آکھدا اے کیوں جو تُسی رَت سَنے ماس کھاندے اوہ تے بُتاں تے دھیان لاؤندے اوہ ۔تے قتل کر دے اوہ تے فیر کی تسی دھرتی دے وارث ہو وہ گے؟ ²⁶ ۲۶۔ تُسی اپنی اپنی تلوار تے بھروسہ کردے اوہ ۔تے نفرت جو گے کم کردے اوہ تے تہاڈے چوں ہر اک اپنے گوانڈی دی ووہٹی نوں بے پردہ کردا اےفیر کی تسی ایس دیس دے وار ث ہو وہ گے۔ ²⁷ ۲۷۔ اوہناں نوں دس پئی خداوند خدا اینج آکھدا اے :مینوں اپنی حیاتی دی سَوں ،جیہڑے ایناں کھنڈراں وچ وسدے نیں اوہ تلوار نال مارے جاؤن گے تے جیہڑے کھُلے میدان وچ رہندے نیں اوہناں نوں میں جنگلی جانوراں دی خوراک بنا دیاں گا تے جیہڑے قعلیاں تے غاراں وچ نیں اوہ وبا نال مر جاون گے ۔ ²⁸ ۲۸۔ میں دیس نوں اُجاڑ دیاں گا تے اوہناں دے ٹِل دا گھمنڈ ٹُٹ جاوے گا ،تے اسرئیل دے پہاڑ ایہو جیہے اُجاڑ ہوجاون گے پئی اوہناں تون ہوکے کوئی وی نہ لنگھے گا۔ ²⁹ ۲۹۔ اوہناں دیاں ساریاں نفرت جوگیاں حرکتاں دی وجہ نال جدوں میں دیس نوں اُجاڑ دیاںگا تے فیر اوہ جا ن لین گے پئی میں خداوند آں۔ ³⁰ ۳۰۔ اے آدمزاد! تے رہی تیری گل تیرے دیس دے لوکی کنداں کول تے مکاناں دے بوہیاں وچ تیرے بارے گلاں کردے نیں تے اک دوجے نوں آکھدے نیں آؤتے خداوند وَلوں اُتریا کلام سُنو۔ ³¹ ۳۱۔ میری قوم دے لوک ہمیشہ وانگ تیرے کول آؤندے تے ریتے سامنے تیریاں گلاں سُنن لئی بہندے نیں پر اوہ اوہنان تے عمل نئیں کردے ۔تیرے منہ تے تے اوہ تیری بڑی عزت کردے نیں پر دِلوں اوہ ناجائیز منافع دے لالچی نیں ۔ ³² ۳۲۔ تُوں اوہناں لئی اوس بندے توں ودھ کے نئیں جیہڑا بہت ای سُریلی آواز چہ غزلاں گاؤندان ہووے،تے چنگا و جنتر ہووے ،کیوں جو اوہ تیریاںگلاں سُن دے تے ہین پر اوہناں تے عمل نئیں کر دے۔ ³³ ۳۳۔ جدوں ایہہ ساریاں گلاں پوریاں ہو گیاں تے پکا اینج ای ہووے گا،فیر اوہ جان لین گے پئی اوہناں دے وچ اِک نبی ہویا سی۔