¹ ۱۔خداوند دا کلام میرے تے اتریا ۔ ² ۲۔اے آدمزاد انگور دی ول دی لکڑی ،جنگل دے کسی ہور رکھ دی ٹہنی تھوں کیویں چنگی اے ؟ ³ ۳۔ کیہ اوہدی لکڑی کِسے کم دی شے بنان لئی ورتی جاندی اے ؟کیہ لوکی اوہدیاں ،کلِیاں گھڑ دے نیں تاں جو اوہناں تے کجھ ٹنگن؟ ⁴ ۴۔تے جدوں اوہنوں بالن وانگ اگ وچ سٹ دتا جاندا اے تے اگ اوہدے دونویں سرے ساڑھ چھڈ دی اے تے وچلے حصے نوں جھلسا دیندی اے ،تے فیر کیہ او ہ کسی کم جوگی رہندی اے؟ ⁵ ۵۔جدوں اوہ ثبوتی سی ادوں اوہ کسی کم دی نہ سی ؟ تے ہن جد اگ نے اوہنوں ساڑ دتا تے جد اوہ سڑ کے کولا ہو گئی ۔فیر تے اوہ کسی کم جوگی نہ رئی ۔ ⁶ ۶۔ایس لئی رب خداوند اینج فرماندا اے ،جیویں میں جنگل دے رکھاں دے نال انگور دی ول دی لکڑی نوں بالن بنا دتا اے ،تیہا سلوک میں یروشلیم چ رہن والیاں نال کراں گا ۔ ⁷ ۷۔میں اوہناں دا ویری ہوواں گا ۔جد کہ اوہ اگ وچوں نکل آئے نیںتاں وی اگ اوہناں نوں ساڑ کے سواہ کر دیوے گی ۔تے جدوں میں (جد) اوہناں دی مخالفت کراں گا ۔تد تسیںجان لوو گے پئی میں خداوند آں۔ ⁸ ۸۔میں دیس نوں اجاڑ دیا ں گا ،کیوں جو اوہناں نے میر ے نال بے وفائی کیتی ۔رب خداوند فرماندا اے ۔