¹ v1۱. ایہہ اوہ حُکم تے قانون نیں جیہڑے خُداوند تُہاڈے خدا نے فرمائے پئی میں تُہانوںسکھان تاں جو تُسیں جاندے اوہ ۔ ² ۲. تاں جو توں خداوند اپنے خدا توں ڈریں تاں توں تے تیرا پُتر تے تیرا پوترا اپنی ساری عُمر ، تاں جو تیرے دیہارے ودھائے جان ۔ ³ ۳. سو اے اسرائیلؔ ! سُ ن تے شوق دے نال اوہناں تے عمل کر ےتان جو تیرا بھلا ہووے تے اوس دیس وچ جیدے وِچ دودھ تے شہد وگدا اے ۔ تُوں بوہت ودھ جاویں جیویں خداوند تیرے باپ دادا دے خدا نے تیرے نال وعدہ کیتا اے ⁴ ۴. سُن اے اسرائیلؔ پئی خداوند ساڈا خدا ! اوہ ای اکلا خداوند اے ۔ ⁵ ۵. سو تُوں خداوند اپنے خدا نوں اپنے سارے دِل تے اپنی ساری جان تے اپنی ساری طاقت نال پیار کر ۔ ⁶ ۶. تے ایہناں گلاںجہناں دا میں اَج دے دیہاڑے تُہانوںحُکم دینا ۔ تیرے دِل وِچ رہن ۔ ⁷ ۷. تے توں ایہہ اپنے مُنڈیاں نُوں گھڑی مُڑی دَس۔ تے ایہناں دے بارے ایہناں دے بارے اوہناں نال ذِکر کر جیدوں تُوں اپنے گھر پرتیں تے جیدوں راہ چلیں تے جیدوں تُوں لیٹیں تے جیدوں توں اُٹھیں ۔ ⁸ ۸. تے نشانی دے لئی تُوں ایہناں نُوں اپنے ہَتھ تے بنھ تے اوہ تیرے متھے تے ٹِکے وانگر ہون۔ ⁹ ۹. تے تُوں ایہناں نوں اپنے گھر دے بُویا ں دیاں چوکھا تھاں تے اپنے بُویاں اُتے لِکھ لے ۔ ¹⁰ ۱۰. تے جیدوں خداوند تیرا خدا تینوں اوس دیس وِچ داخل کرے گا ۔ جیدے بارے اوہنے تیرے باپ داد ا ابرہام ؔ تے اضحاقؔ تے یعقوبؔ نال سونہہ کھاہدی ۔ پئی اوہ تینوں اوہ وڈے تے چنگے شہر دے گا جیہڑے تُوں نئیں بنائے ۔ ¹¹ ۱۱. تے ساریاں چنگیاں شیواں نال بھرے ہوئے گھر وی جیہڑے نئیں بھرے تے اوہ پُٹے ہوئے تلاہ ، چھپڑ توں نئیں پُتے تے اوہ انگوران دے باغ تے زیتون دے رُکھ جیہڑے تُوں نئیں لائے ۔ ¹² ۱۲. توں کھائیں گا تے رج جائیں گا ۔ ¹³ ۱۳. سو خبردار پئی تُوں اپنے خدا نُوں بھُل ناں جائیں جیہڑا تینوں مصرؔ دے دیس یعنی غلامی دے کھُوہ وچوں کڈھ لیا یا۔ سگوں خداوند اپنے خدا تون ڈر، تے اوہدی بندگی کر ، تے اوہدے لئی تاں سونہہ چُک ۔ ¹⁴ ۱۴. توں اوپرے معبوداں دی وچوں جیہڑے تیرے چوں پاسے نیں ۔ کِسے دے پِچھے ناں لگ۔ ¹⁵ ۱۵. کیوں جو خداوند تیرا خداا جیہڑا تُہاڈے وِچکار اے غیرت مند خدا اے ۔ اینج ناں ہووے پئی تیرے اُتے خُداوند تیرے خدا دا غضب مَچّے تے اوہ تینوں دھرتی توں فنا کر دیوے ۔ ¹⁶ ۱۶. تُسیں خداوند اپنے خدا نوں ناں آزماؤجیویں تُساں مسّہ ؔ وِچ اوہنوں آزمایا ۔ ¹⁷ ۱۷. سگوں خداوند اپنے خدا خدا دے حُکماں تے اوہدیاں شہادتاں تے اوہدے قانوناں تے جیہڑے اوہنے تُہانوں فرمائے نیں عمل کرو ۔ ¹⁸ ۱۸. تے توں اوہ ای کر جیہڑا خداوند دی نگاہ چہ سچا تے دچنگا اے ۔ تان جو تیرا بھلا ہووے تے اوس چنگے دیس وچ جیدے بارے خداوند تے تیرے پیو دادا نے نال سونہہ کھاہدی داخل ہو تے اوس دا مالک بنے ۔ ¹⁹ ۱۹. تان جو اوہ تیرے سارے ویریاں نوں تیرے سامنے دوُر کرے جیویں خداوند نے فرمایا۔ ²⁰ ۲۰. تے کَل جیدوں تیرا پُتر تیرے کولوں پُچھے پئی ایہہ شہادتاں تے قانون جیہڑے ساڈے خدا نے تُہانوں فرمائے نیں کیویں دے نیں ۔ ؟ ²¹ ۲۱. فیر تُوں اپنے پُتر نُوں آکھنا پئی جیدوں اسیں مصرؔ وچ فرعون ؔ دے غلام ساں تے فیر خداوند نے اپنے زور آور ہِتھ نال سانوں اوتھوں کڈھ کے لیایا ۔ ²² ۲۲. تے خُداوند نے ساڈیاں اکھاں دے سامنے ای مصرؔ وچ فرعون ؔ تے اوہدے سارے ٹبر دی مخالفت دے وِچ نشان تے وڈے تے ہولناک تے عجائبات کیتے ۔ ²³ ۲۳. تے سانوں اوتھوں کڈھ لیایا تان جو سانوں اوس دیس وِچ لَے آوے جیدے بارے اوہنے ساڈے پیو دا دے نال سونہہ کھاہدی سی ۔ تے اوہ سانوں دے دیوے ۔ ²⁴ ۲۴. سو خداوند نے سانوں فرمایا ۔ پئی ایہناں حُکماں تے عمل کرو تے خداوند اپنے خدا توِ ں تاں جو زندگی دے بارے سارے دیہاڑیاں وِچ تُہاڈا بھلا ہووے تے اَج دے دیہاڑے وانگر تُسیں زندہ رکھے جاؤ۔ ²⁵ ۲۵. تے ایہدے وچ سڈی راستبازی ہوے گی پئی اسیں خداوند اپنے خدا دے حضور ایہناں ساریاں حُکماں تے عمل کرن دے مُشتاق ہوئیے جیویں اوہنے فرمایا۔