¹ ۱۔ یہوداہ دے بادشاہ یہو یقم دی بادشاہ دے تیجے ورھے بابل دے بادشاہ بنو کدنضر نے یروشلیم تے چڑھائی کیتی تے اوہنوں چاروں پاسوں گھیر لیا ۔ ² ۲۔ تے خداوند نے یہوداہ دے بادشاہ یہویقم نوں تے خدا دے گھر دے کجھ بھانڈیاں نوں وی اوہدے ہتھ چ دے دتے۔ تے اوہ اوہناں نو ں ملک سنعار چ اپنے دیوتےدے گھر لے گیا اتے اوہناں بھانڈیاں نوں اپنے دیوتے دے بھنڈار وچ جمع کرادتا ۔ ³ ۳۔ تے بادشاہ نے اپنے ہجڑیاں دے سردار اسپنزنوں حکم دتا پئی اسرائیلیاںوچوں ،مطلب کہ شاہی نسل دے لوکاں وچوں تے شریفاں وچوں کجھ بندے اوہدے سامنے پیش کیتے جان ۔ ⁴ ۴۔ اجیہے بندیاں نوں جنہاںوچ کوئی برائی نہ ہوے ،رج کے سوہنے ہون۔ہر طرح دی مت تے گیان رکھدے ہون ،علم وچ گیانی ہون اتے اجیہے عقل مند ہو ن جنہاں وچ شاہی محل وچ سیوا کرن لئی کھڑے رہن دی خوبی ہووے تے اوہ اوہناں کسدیاں دی پڑھائی لکھائی تے اوہناں دی زبان سکھان ۔ ⁵ ۵۔ تے بادشاہ نے اوہناں لئی شاہی کھانیاں دا تے اوس مے دے وچوں جیہڑی اوہ آپ پیندا سی حصہ ٹھہرایا تاں جے اوہ تِن ورھے تائیں ایس کھانے تے پلدے رہن اتاں جدوں ایہہ مدت ختم ہو جاوے تے اوہناں نوں بادشاہ دے دربار وچ لیایا جاوے ۔ ⁶ ۶۔ بنی یہودا وچوں جیہڑے بندے چنے گئے اور دانی ایل تے حننیاہ تے میسا ایل نے عزریاہ سن ۔ ⁷ ۷۔ پر خواجہ سراواں دے سردار نے اوہنا دے ناں بدل دتے ۔اوس نے دانی ایل دا ناں بیلشضر رکھیا حننیاہ دا ناںسدرک تے میسایل داناں میسک تے عزریاہ دا عبد نجو رکھیا ۔ ⁸ ۸۔ تے دانی ایل نے اپنے دل چ ایہہ متھ لیا کہ اوہ اپنے آپ نوں شاہی کھانیاں اتے اوہنا دے پین دی شراب نال اپنے آپ نوں ناپاک ناں کرےگا ۔اوہنے خواجہ سراواں دے سردار دی بنتی کیتی پئی اوہنوں اپنے آپ نوں ناپاک کرن توں معاف رکھیا جائے ۔ ⁹ ۹۔ خدا دی مہر نال خواجہ سراواں دا سردار دانی ایل نوں چنگا جاندا سی تے نالے پیا ر کردا سی ۔ ¹⁰ ۱۰۔ فیر خواجہ سراواں دے سردار نے دانی ایل نوں آکھیا پئی میں اپنے مالک بادشاہ توں ڈرداواں ۔جنیے تیرے واستے کھانا تے پینا متھیا ہویا سی ۔جے اوہنے ایہہ ویکھیا پئی تہاڈے منہ اپنے ہانی جوانوں توں ماڑے وکھدے ہن تے بادشا ہ دے سامنے میری جان خطرے چ پے جائے گی ۔ ¹¹ ۱۱۔ فیر دانی ایل نے اوس داروغے نوں آکھیا جنہوں خواجہ سراواں دے سردار نے دانی ایل تے حننیاہ تے میسا ایل تے عزریاہ اتے تھا پیا سی اوہ نے آکھیا ۔ ¹² ۱۲۔ پئی توں دس دن تیک اپنے ایہناں بندیاںنوں پرکھ کے ویکھ لئیں۔تے ساہنوں کھان لئی ہریاں سبزیاںاتے پین نوں پانی دیا کرن۔ ¹³ ۱۳۔ فیر توں ساڈیاں شکلاں ویکھیں تے اوہناں جواناں دیاں وی جیہڑے شاہی کھانے کھاندے سن۔فیر توں ساڈ ے نا ل اوہی سلوک کریں جیہڑا تینوں چنگا لگے ۔ ¹⁴ ۱۴۔ اوہنے اوہناں دی گل من لئی تے دس دن تیک اوہناں نوں پرکھیا۔ ¹⁵ ۱۵۔ دساں دناں پچھوں اوہناں دیاں شکلاں دوجے سارے جواناں توں جیہڑے شاہی خوراک کھاندے سن بہتیاں سوہنیاں تے تازیاں دکھائی دتیاں ۔ ¹⁶ ۱۶۔ فیر دروغے نے جیہڑا کھانا تے شراب اوہناں دے کھان لئی متھی گئی سی ختم کر دتی تے اوہناں نو ں ہریاں سبزیاں ای کھان لئی دتیاں۔ ¹⁷ ۱۷۔ اینج خدا نے اوہناں چاراں نوجواناں نو ں ہر طرح دا گیان تے علم دی سمجھ بخشی تے حکمت بخشی تے ایس تو ا خدا نے دانی ایل نوں ہر طرح دی رویا تے سفنیاں دی سمجھ دتی ۔ ¹⁸ ۱۸۔ جدوں بادشاہ دے حکم دے انسار اوہناں دے بادشاہ دے سامنے آن دے دن نبڑ گئے تے خواجہ سراواں دے سردار نے اوہناں نو ں بنوکدنضر دے سامنے پیش کیتا ۔ ¹⁹ ۱۹۔ بادشاہ نے اوہناں دے نال گلاں کیتیاں تے جنہے بندے اوتھے کھڑے سن اوہناں ساریاں وچوں اوہنوں دانی ایل ،حننیاہ تے میسا یل اتے عزریاہ وانگ کوئی نہ ڈھٹا ۔ ²⁰ ۲۰۔ بادشاہ نے اوہناں کولوں گیان تے عقل دی جیہڑی وی گل پچھی ۔اوہنوں اوہ اپنے سارے دیس دے سبھے جادوگراں تے جوتشیاں تھوں دس گنا چنگے لگے ۔ ²¹ ۲۱۔ اتے دانی ایل خورس بادشاہ دے پہلے ورھے تیک اوتھے رہیا۔