¹ . خداوند نے مینوں پکے ہوئے پھلاں دی اِک ٹوکری وکھائی ² . اونے مینوں آکھیااے عامُوس تُو کی ویکھدا ایں؟ میں جواب دِتاپکے ہوئے پھلاں دی اِک ٹوکری ۔تد خداوند نے مینوں فرمایاکہ میری قوم اِسرائیل دا ویلا آپہنچیا اےہون میں اونوں نہیں چھڈاں گا ³ . خداوند فرماند اے کہ اوس دِن ہیکل دے گیت ماتم وِچ بدل جاون گے۔ہر پاسے بُوہت ساریاں لاشاں پیاں ہوون گیاں ۔ اوہ چُپ چُیتے اوہناں نوں ساریاں تھاواں وِچ کڈھ سُٹن گے۔ ⁴ . تُسیں جہڑے ضرورتمنداں نوں مار د ے او تے ملک دے غریباں نوں مار دے اوایہہ سُنو ⁵ . تُسیں آکھدے او کہ نوا چن کدوں لنگے گا تاں جے اسیں آودا سامان ویچیے سبت دا دِن کدوں مُکے گا کہ اسیں کنک دے کھتے کھولئے؟ تُسیں ایفا ناپ نوں چھوٹا بنادے او تے قیمتاں نوں ودھاندے او تے دھوکے دے ترازو دے نال ٹھگدے او ⁶ . تُسیں مسکیناں نوں پیسیاں نال تے ضرورت منداں نوں اِک جوڑی جُتی نال خرید دے او تے کنک دے نال پھٹکن وی ویچدے او ⁷ . خداوند یعقوب دی حشمت دی سَو کھا کے فرماندا اےکہ جو کُجھ اوناں نے کیتا اےمیں اوناں وِچوں اِک نوں وی نہیں بھولا ں گا ⁸ . کی ایس سببوں زمین نہیں کمبے گی تے ایدا ہر بندہ دُکھ نہ کرے گا؟ ملک دریائے نیل وانگوں اُٹھے گا او کھلِر جاوے گا تے تد مصر دی ندی وانگوںسُکڑ جاوے گا ⁹ . خداوند خدا فرماندا اے کہ اوس دِن سُورج دوپہر ویلے ڈوب جاوے گا تے زمین اُتےدِن دے چانن نوںھنیرا کر دیواں گا ¹⁰ . میں تہاڈیاں عیداں نوں دُکھ وِچ تے تہاڈے گیتاں نوں رونے وِچ بدل دیواں گا تے ہر اِک نوں ٹاٹ پواواں گا تے ہر اِک دے سر نوں گنجاں کر دیواں گا تے ایویں دا رونا لیاواں گا جیویں اِکو پُتر لئی ہوندا اے اوھدا انجام بد بختی دے دِن ورگا ہووے گا ¹¹ . خداوند خدا فرماندا اے کہ او دِن آندے نے جدوں میں ایس ملک وِچ قحط پاواں گا نہ روٹی دا نہ پانی دا بلکہ خدا دے کلام دا قحط ¹² . لوک سمندر توں سمندر تیک تے شمال توں مشرق وِل خداوند دے کلام نوں لبھدے ہوئے رُلدےپھرن گے پر نہ پاون گے ¹³ . اوس دِن خوبصورت عورتاں تے جوان مرد پیاس نال بے ہوش ہو جاون گے ¹⁴ . جہڑے سامریہ دے بُت دی سَو کھاندے نے تے آکھدے نے اے دان تیرے معبود دی سَو یا آکھدے نے کہ بیر سبع دا خدا یقیناً زندہ اے او ڈِگ جاون گے تے فیر کدی نہیں اُٹھن گے