¹ . میں خداوند نوں مذبح دے کول کھلوتے ہوئے ویکھیااونے فرمایا کہ ستوناں دے سر اُتے ایویں مار کہ دہلیز سڑ جاوے تے اونوں سارے لوکاں دے سراں اُتے ڈیگ دے جہڑے باقی بچن گےاوناں نوں میں تلوار نال ماراں گا اوناں وِچوں اِک وی نہیں نسے گا تے اِک وی نہیں بچ پاوے گا ² . جے او قبر دی گہرائی وِچ وی ٹر جاون تے میرا ہتھ اوناں نوں اوتھوں کیچھ لووے گا جے او آسمان اُتے چڑ ھ جاون تے میں اوتھوں وی اوناں نوں لاہ لیاواں گاتے پھڑ لواں گا ³ . جے او کرمل پہاڑ دی چوٹی اُتے جا لُکن تے اوناں نوں اوتھوں لبھ لیاواں گاتے پھڑ لواں گا جے او سمندر دی تہہ وِچ لُکن تے میں سانپ نوں حکم دیواں گاکہ اوناں نوں وڈھے ⁴ . جے اوناں دے دُشمن اوناں نوں قید کر کے لے جاون تے میں تلوار نوں حکم دیواں گاکہ اوناں نوں قتل کرے میں اوناں دی چنگائی لئ نہیں بلکہ بُرائی لئی اوناں اُتے نظر رکھاں گا ⁵ . خدائے قادر جہڑا زمین نوں چھوندا اےتے او پگھل جاندی اے تے اوھدے اُتے رہن آلےسارے روندے نے سارا ملک دریائے نیل وانگوں اُٹھدا اے تے مصر دی ندی وانگوں گھٹ جاند ا اے ⁶ . او جہڑا آسمان اُتے اُچے محل بناندا اے تے زمین اُتے اوھدی بنیاد رکھد ااے جہڑا سمندر دے پانی نوں بلاندا اے تے زمین اُتے ڈیگدا اے اوھدا ناں خداوند اے ⁷ . اے بنی اِسرائیل کی تُسیں میرے لئی کوش والیاں وانگو نہیں او؟ خداوند فرماند ااے کی میں اِسرائیل نوں مصر توں فلستیاں نوں کفتور توں تے ارامیاں نوں قیر توں نہیں کڈ لیایا؟ ⁸ . یقیناً خداوند خدا دِیاں اِکھاں اوس گناہ کرن آلے اُتے لگیاں ہویاں نے میں اونوں ختم کر دیواں گا پر یعقوب دے گھر آلیاں نوں پوری طرح زمین دے اُتوں ختم نہیں کراں گا خداوند فرماندا اے ⁹ . میں حکم دیواں گا تے ساریاں قوماں وِچوں اِسرائیل نوں ایویں چھاناں گا جیویں چھاننی وِچوں اناج نوں چھاندے نے تے اِک دانہ وی زمین اُتے نہیں ڈگے گا ¹⁰ . میرے لوکاں وچوں سارے گناہ کرن آلے جہڑے ایہہ آکھدے نے کہ ساڈے اُتےنہ پیچھوں دی مصیبت آوے گی نہ اِگوں او سارے دے سارےتلوار نال مارے جاون گے ¹¹ . اوس دِن میں داؤد دے ڈِگے ہوئے تنبوں نوں کھڑا کراں گاں تے اوھدے سارے موریاں نوں بند کراں گا تے اوھدے ویرانیاں نوں پہلاں وانگوں بناواں گا ¹² . تاں جے او ادوم دے بچے ہویاں نوں تے ساریاں قوماں اُتےجہڑیاں میرے ناں توں کہلا ندیاں نےقبضہ کرن اوہی خداوندجہڑا ایہہ کم کرے گافرماند ااے ¹³ . خداوند فرماندا اے کہ او دِن آندے نے جدوں ہل جوون آلافصل وڈن آلیاں نوں تے انگور نوں کچلن آلابون آلے نوں جا پھڑے گا پہاڑاں توں نوی مے ٹپکے گی تے ساریاں پہاڑیاں اُتوں وگے گی ¹⁴ . میں آودی قوم اِسرائیل نوں قیدتوں واپس لیاواں گا تے او اُجڑے ہوئے شہراں نوں بنا کےوِچ رہن گے او باغ لان گےتے اوناں دی مے پین گے او باغ لان گےتے اوناں دے پھل کھاون گے ¹⁵ . میں بنی اِسرائیل نوں اوھدے ملک وِچ قائم کراں گا تے او فیر کدی آودے ملک توں جہڑا میں اوناں نوں دِتا اے کڈے نہ جاون گے خداوند تہاڈا خدا فرماندا اے