¹ ۔ اتفاق نال ایہہ بنیمینیؔ جیدا ناں سبعؔ بن بِکریؔ ، اوتھے سی ۔ اوہنے نرسنگا پھونکیا تے چِلاّ کے آکھیا پئی ددائود وچ ساڈو کوئی حصہ نئیں اے ؟ یسی ؔ دے پُتر وچ ساڈا کوئی حصہ نئیں ؟ اے اسرائیلیو سارے اپنے اپنے خیمیاں وچ چلے جائو۔ ² ۔ ایس لئی اسرائیل ؔ دے سارے بندے سبعؔ بن بکر ؔ ی دے پچھے جاون لئی دائود دا ساتھ چھڈ کے جان لگ پئے ۔ پر بنی یہوداہ ؔ یردن ؔ ےےٓتوں یروشیلؔم تیِک سارے راستے اپنے بادشاہ دے نال رئے ۔ ³ ۔ تے جیدوں دائود یروشلیمؔ اپنے محل واپس آیا تے اوہنے اوہناں دس کنیزاں نوں جہناں نوں محل دی رکھوالی لئی چھڈ گیا سی ۔ لے اک مکان وچ نطر بند کیتا ۔ اوہ اوہناں نوں ضرورت دیاں ساریاں چیزاں دیندا رئیا ۔ پر اوہناں دے کول ناں گیا ۔ ایس لئی اوہناں دے پیواں دے وانگ حیاتی گُزاری تے نظر بندی دی حالت وچ مر گئیاں ۔ ⁴ ۔ فیر بادشاہ نے عماسا نوں آکھیا پئی تِن دیہاڑیاں دے اندر اندر بنی یہوداہؔ نوں ایتھے میرے جھنڈے تھلے اکٹھا کر تے ٹوں آپ وی ایتھے ای رکھ ۔ ⁵ ۔ پر جیدوں عماساؔ بن یہوداہؔ نوں بلاون گیا تے اوہنے بادشاہ دے ٹھہرائے ہوئے وقت توں بُہتا وقت لایا ۔ ⁶ ۔ دائودؔ نے ابیشے ؔ نوں آکھیا پئی ہُن سبعؔ بن بِکری سانوں ابی سلوم ؔ توں وی بُہتا نُقصان دیوے گا ۔ ایس لئی اپنے مالک دے بندیاں نوں نال لے کے اوہدا پچھا کر ۔ نئیں تے اوہ کسے فصیلدار شہر نوں لے کے ساڈے توں بچ نکلے گا ۔ ⁷ ۔ ایس لئی یوآبؔ دے بندے تے کریتیؔ تے فلستیؔ تے سارے جنگجو سورما ابیشےؔ دی راہنمائی وچ نکلے تے سبعؔ بن بکری داا پچھا کرن لئی یروشلیم ؔتوں چل پئے ۔ ⁸ ۔ تے جیدوں اوہ جبعونؔ چہ موجود اوس چٹان تے چلے گئے تے عماساؔ اوہناں نوں ملن لئی آیا ۔ یوآبؔ نے جنگی کپڑے بنائے ہوئے سن ۔ تے اوہدی کنڈ تے پٹکا بنیا ہویا سی ۔ جیویں ای اوہنے پیر اگے دھریا تلوار اوہدی میان وچوں باہر ڈگ پئی ۔ ⁹ ۔ یوآب ؔ نے عماسا ؔ نوں آکھیا ! بھائی ! تیرا کیہ حال اے ؟ تے نال ای عماساؔ نوں چُمن لئی اپنے سجے ہتھ نال اوہدی داڑھی پھڑ لئی ۔ ¹⁰ ۔ تے عماسا ؔاوس تلوار نوں جیہڑی اوہدے ہتھ وچ سی ، انجان سی ۔ ایس لئی یوآب نے اوہنوں ٹڈھ وچ کھوب دتا ۔ اوہدیاں آندریا ں نکل کے پوئیں تے ڈِگ پئیاں تے عماسا ؔ تلوار دے اخو ای وار نال مر گیا ۔ فیر یوآبؔ تے اوہدا بھرا ابیشےؔ سع ؔ بن بِکری دا پچھا کرن لئی چلے گئے ۔ ¹¹ ۔ یوآبؔ دے بندیاں وچوں اِک نے عماساؔ دے کول کھلو کے آکھیا ! پئی جیہڑا یوآب دے نال اے ۔ تے دائود وَلے اوہ یوآبؔ دے پِچھے چلے ۔ ¹² ۔ تے عماساؔ سرک دے وچ اپنے خون وچ اپنے خون نال بھریا تڑپ رئیا سی ۔ تے اوس بندے نے ویکھیا پئی سارے لوکی رُک گئے نیں ۔ جیدوں اوہنوں احساس ہوئیا پئی ہر کوئی جیہڑا عماساؔ کول آئوندا اے ۔ رُک جاندا اے تے اوہ اوہنوں سڑک توں گھسیِٹ کے اِک پیلی وِچ لے گیا تے اوہدے اُتے اِک کپڑا پا دِتا ۔ ¹³ ۔عماساؔ دے سڑک تو ہٹا ئون دے نعد سارے لوکی یوآبؔ دے نال سبعؔ بِن بِکری دا پچھا کرن لئی گئے۔ ¹⁴ ۔ تے سبعؔ ابیلؔ تے بیت معکہؔ تے اسرائیلؔ دے سارے قبیلیاں چوں ہۃندے ہوئے بیریاں دے نال سارے خطے توں ہو کے گُزریا تے اوہ وی اکٹھے ہو کے اوہدے پچھے چل پئے ۔ ¹⁵ ۔ تے سارے لوکاں نے جیہڑے یوآبؔ دے نال سن ۔ بیت معکہؔ دے ابیل ؔ وچ آکے سبعؔ نوں گھیر لیا ۔ اوہناں نے شہر دے سامنے اک مورچہ بنالیا ، جیہڑا شہر دی باہر والی کندھ تیِک اُچا سی ۔ تے جیدوں اوہ کندھ نوں تور کے ڈیگن لگے ہوئے سن ۔ ¹⁶ ۔ تے اک سیانی زنانی نے شہر وچوں آواز دے کے آکھیا ۔ سُنو !سُنو1 خدا یوابؔ نوں اکھو ایتھے ا۔ تان جو میں اوہدے نال گل کر سکاں ۔ ¹⁷ ۔ جیدوں اوہ اوہدے کول آیا تے اوس زنانی نے پُچھیا جیہ توں یوآبؔ ایں ؟ اوہنے جواب دتا ؛ ہان ۔فیر اوہنے آکھیا کنیز دی گل سُن ۔ اوہنے آکھیا میں سُن رئیا آں ۔ ¹⁸ ۔ فیر اوہ آکھن لگی پئی پُرانے زمانے چہ اینج آکھیا جاندا سی پئی کُجھ پُچھنا ہووے تے ابیلؔ چہ پُچھ لوان گے ۔ تے اینج نیاں ہُندا سی ۔ ¹⁹ ۔ تے اسیں اسرائیل ؔوچ ایماندا ر تے صلھ پسند لوکی آں تے توں اِک اجیہے شہر نوں تباہ کر رہیا ایں جیہڑا اسرائیلؔ وچ شہران دی ماں اے ۔تؤں خداوند دی میراث نوں کاہدے لئی ہڑپ کرنا چاہنا ایں؟ ²⁰ ۔ یوآبؔ نے جواب دتا ۔ خدا ناں کرے ! خدا ناں کرے پئی میں ہڑپ کراں یاں مار دیاں ۔ ا ²¹ ۔ ایہہ گل ایہہ نئیں۔ پئی افرائیمؔ دے پہاڑی علاقے توں جہدا ناں سبعؔ بن بِکری نے بادشاہ دت خلاف مطلب پئی دائودؔ دے خلاف ہتھ چُکیا اے ۔ سرف اوہنوں میرے حوالے کر دے تے میں شہر توں چلا جاواں گا ۔ اوس زنانی نے یوآبؔ نوں اکھیا ۔۔ ویکھ اوہدا سِر کندھ توں تیرے کول سُٹ دتا جاوے گا ۔ ²² ۔ فیر اوس زنانی نے جا کے ساریاں لوکاں نوں صلاح دتی تے اوہناںن نے سبعؔ بن بِکری دا سر کٹ کے یوآبؔ وَل سُٹ دتا ۔ ایس لئی ااوہنے نرسنگا پھونکیا تے اوہدے بندے شہر ےتوں ہٹ گئے تے ہر اِک اپنے اپنے خیمے وَل پرت گیا تے یوآبؔ یروشلیمؔ بادشاہ وَل پرت گیا ۔ ²³ ۔ تے یوآب ؔ اسرائیلؔ دے سارے لشکر دا سالار سی ۔ تے بنایاہؔ بن یہویدع ، کریتیاں ؔ تے فلستیاں ؔ تے مقرر سی ۔ ²⁴ ۔ تے ادوم ؔ خراج دا داروغہ سی ۔ ²⁵ ۔ تے سِوا مُنشی سی ، تے صدوقؔ تے ابیاتر ؔ کاہن سن ۔ ²⁶ ۔ تے عرایا ئری ؔ دائود دا کاہن سی۔