1
۔ تے اوہنے پتل دا مزبح بنایا ۔ لمائی ویہہ ہتھ تے چوڑائی ویہہ ہتھ تے اچائی دس ہتھ ۔
2
۔ تے اوہنے ڈھلیا ہویا گول بحیرہ بنایا اوہدا قطر اک کنڈھے توں توں دوجے کنڈھے تیکر دس ہتھ ۔ تے اوہدی اچائی پنج ہتھ تے اوہدا گھیرا تیہہ ہتھ دا دھاگہ سی ۔
3
۔ تے اوہدے تھلے ہر پاسے کندھاں سن جیہڑیاں اوہدے دوالے دس ہتھ تیکر سن ۔ اوہ دو قطاراں وچ سارے بحیرے نوں گھیردیاں سن ۔ تے گنڈھاں اوہدے ڈھالنے وچ اوہدے نال ڈھالیاں گیاں سن ۔
4
۔ اوہ بارہ بلداں اُتے رکھیا ہویا سی ۔ اوہناں وچوں تناں دا منہ شمال ول تے تن دا لہندے ول تے تن دا جنوب ول تے تن دا چڑہدے ول سی ۔ تے بحیرہ اوہناں دے اتے سی ۔ تے اوہناں دے سارے پچھے دے حصے اندر ول سن۔
5
۔ تے اوہدی موٹائی گٹھ جتنی تے اوہدے کنگرے پیالے دے کنگرے ورگے سوسن دے پھل وانگ سن ۔ تے اوہدے وچ تھاں تن ہزار بت دی سی ۔
6
۔ فیر اوہنے دس حوض بنائے ۔ اوہناں وچوں پنج سجے پاسے تے پنج کھبے پاسے رکھے تاں جو اوہناں وچوں ساریاں شیواں جیہڑیاں سوختی قربانی چاڑھن لئی سن دھوتیاں جاون ۔ تے بحیرہ کاہناں دے وضو لئی سی ۔
7
۔ تے اوہنے سونے دے دس شمع دان اوہناں دے دتے ہوئے حکم آلی شکل مطابق بنائے ۔ تے ہیکل وچ پنج سجے پاسے تے پنج کھبے پاسے رکھے ۔
8
۔ تے اوہنے دس میزاں بنائیاں ۔ تے ہیکل وچ پنج سجے پاسے تے پنج کھبے پاسے رکھیاں ۔ تے اوہنے سونے دے سو پیالے بنائے ۔
9
۔ تے اوہنے کاہناں دا ویہڑا تے وڈا ویہڑا تے ویہڑے دے بوہے بنائے ۔ تے بوہے پتل نال مڑھے ۔
10
۔ تے اوہنے بحیرے نوں سجے پاسے چڑھدے نوں جنوب ول رکھیا ۔
11
۔ تے حورام ابی نے دیگاں تے کڑچھے تے پیالے بنائے ۔ تے حورام ابی اُس کم توں ویہلا ہویا جیہڑا اوہنے خدا دے گھر وچ سلیمان بادشاہ لئی کیتا ۔
12
۔ دو تھم تے دو گولے تے ٹوپ جیہڑے تھماں دے سراں لئی سن ۔ تے دو جالیاں جیہڑیاں دوواں ٹوپاں دے گولیاں نوں کجدیاں سن ۔
13
۔ تے چار سو انارا دوواں جالیاں لئی سن ۔ ہر اک جالی لئی اناراں دیاں دو قطاراں تاں جو ٹوپاں نوں جیہڑے تھماں دے سر تے سن کجن ۔
14
۔ تے چوکیاں تے حوض جیہڑے چوکیاں تے سن ۔
15
۔ تے اک بحیرہ تے بارہ بلد جیہڑے اوہدے تھلے سن ۔
16
۔ تے دیگاں تے کڑچھے تے پیالے تے حورام ابی نے سارے بھانڈے سلیمان بادشاہ دے لئی خدا دے گھر لئی صاف کیتے ہوئے پتل نال بنائے ۔
17
۔ بادشاہ نے اوہناں نوں اردن دے میدان وچ سکوت تے سریدہ دے وچکار چیکنی مٹی وچ ڈھالیا ۔
18
۔ تے سلیمان نے ایہہ سارے بھانڈے وڈی گنتری وچ بنوائے ۔ ایتھے تیکر پئی پتل دے وزن دا پتا نہ چل سکا ۔
19
۔ تے سلیمان نے خدا دے گھر دے سارے بھانڈے بنوائے تے سونے دا مذبحہ تے میزاں جنہاں تے نذر دیاں روٹیاں سن ۔
20
۔ تے شمع دان تے اوہناں دے چراغ خالص سونے دے تاں جو حکم دے مطابق محراب دے سامنے بلدے رہن ۔
21
۔ تے پُھل تے چراغ تے چمٹے سونے دے ۔ سارے خالص سونے دے سن ۔
22
۔ تے گلگیر تے پیالے تے تاس تے بخور سوزخالص سونے دے سن ۔ تے اندرلے کوٹھے دے بوہے دے طاق جیہڑے قدس الاقداس سی ۔ تے گھار دے طاق جیہڑی ہیکل سی سونے دے سن ۔
22
۔ تے گلگیر تے پیالے تے تاس تے بخور سوزخالص سونے دے سن ۔ تے اندرلے کوٹھے دے بوہے دے طاق جیہڑے قدس الاقداس سی ۔ تے گھار دے طاق جیہڑی ہیکل سی سونے دے سن ۔