1
۔ تے سلیمان نے خدا وند دا گھر یروشلیم وچ کوہ موریہ تے جیہڑا اوہدے پیو دائود نوں وکھایا گیا سی بنانا شروع کیتا ۔ اوس تھاں وچ جہنوں دائود نے ارنان یپوسی دے کھلواڑے وچ تیار کیتا ۔
2
۔ اوہدی بادشاہی دے چوتھے ورھے دے دوجے مہینے دے دوجے دن وچ اُساری شروع ہوئی ۔
3
۔ تے نینہاں جیہڑیاں سلیمان نے خدا وند دے گھر دی عمارت لئی رکھیاں ایہہ سن ۔ لمائی وچ سٹھ ہتھ پرانے ناپ دے مطابق ۔ تے چوڑائی وچ ویہہ ہتھ ۔
4
۔ تے ساہمنے دا برانڈہ لمائی وچ ویہہ ہتھ گھر دی چوڑائی دے برا بر تے اک سو ویہہ ہتھ اچائی ۔ تے اندروں اوہنوں خالص سونے نال مڑھیا ۔
5
۔ تے وڈے گھر دی چھت اوہنے صنوبر دی لکڑ دی بنائی ۔ تے اوہدے اُتے خالص سونے دیاں چادراں لائیاں تے اوہناں اُتے کھجوراں تے زنجیراں بنوائیاں ۔
6
۔ تے خوب صورتی لئی گھر وچ قیمتی پتھر جڑے ۔ تے سونا فراویم دا سونا سی ۔
7
۔ تے گھر دے شہتیراں تے تھماں تے کندھاں تے بوہیاں نوں خالص سونے نال مڑھیا ۔ تے کندھاں اُتے فرشتیاں دی مورت بنائی ۔
8
۔ اوہنے قدس الاقداس دا کمرہ گھر دی چوڑائی دے موافق ویہہ ہتھ لمائی وچ تے ویہہ ہتھ چوڑائی وچ بنایا ۔ تے چھ سو قنطار خالص سونے چادراں اوہدے وچ لائیاں ۔
9
۔ تے کِلاں دا وزن پنجاہ مثقال سونا سی ۔ تے اُتے دیاں حجریاں نوں اوہنے سونے نال مڑھیا ۔
10
۔ تے قدس الاقداس دے کمرے وچ اوہنے دو فرشتیاں دے بت بنائے تے اوہناں نوں سونے نال مڑھیا ۔
11
۔ تے فرشتیاں دے پراں دی لمائی ویہہ ہتھ ۔ اک پر پنج ہتھ دا گھر دی کندھ نوں چھوندا تے دوجا پر پنج ہتھ دا تے دوجے فرشتے دے پر نال جڑیا ہویا سی ۔
12
۔ تے دوجے فرشتے دا پر پنج ہتھ دا گھر دی کندھ نوں چھوندا تے دوجا پر پنج ہتھ دا دوجے فرشتے دے پر نال جڑیا ہویا سی ۔
13
۔ تے ایہناں دوہاں فرشتیاں دے پر کھلے ہوئے ویہہ ہتھ سن ۔ تے اوہ اپنے پیراں تے کھلوتے ہوئے سن ۔ تے اوہناں دے منہ گھر ول سن ۔
14
۔ تے اوہنے اک پڑدہ فروزی تے ارغوانی تے قرمزی تے اک کتان دا بنایا تے اوہدے اُتے فرشتیاں دیاں تصویراں بنایاں ۔
15
۔ تے اوہنے گھر دے اگے دو تھم بنائے ۔ اوہناں دی لمائی پینتی ہتھ ۔ تے اوہناں دے سراں تے ٹوپ پنج ہتھ دے سن ۔
16
۔ تے اوہنے ہاراں دیاں زنجیراں بنائیاں ۔ تے اوہناں نوں تھماں دے سریاں تے لایا ۔ تے اوہنے اک سو انار بنائے ۔ تے اوہناں نوں زنجیراں دے وچکار رکھیا ۔
17
۔ تے اوہنے دوویں تھم ہیکل دے ساہمنے کھلارے ۔ اک سجے پاسے تے اک کھبے پاسے ۔ تے سجے دا یاکین تے کھبے دا ناں بوعز رکھیا ۔
15
۔ تے اوہنے گھر دے اگے دو تھم بنائے ۔ اوہناں دی لمائی پینتی ہتھ ۔ تے اوہناں دے سراں تے ٹوپ پنج ہتھ دے سن ۔
16
۔ تے اوہنے ہاراں دیاں زنجیراں بنائیاں ۔ تے اوہناں نوں تھماں دے سریاں تے لایا ۔ تے اوہنے اک سو انار بنائے ۔ تے اوہناں نوں زنجیراں دے وچکار رکھیا ۔
17
۔ تے اوہنے دوویں تھم ہیکل دے ساہمنے کھلارے ۔ اک سجے پاسے تے اک کھبے پاسے ۔ تے سجے دا یاکین تے کھبے دا ناں بوعز رکھیا ۔