1
۔ تد دیس دے لوکاں نے یوحا آحاز بنی یوشی یاہ نوں لتا ۔ تے اوہنوں اوہدے پیو دی تھاں یروشلیم وچ بادشاہ بنایا ۔
2
۔ تے یو آحاز جس ویلے بادشاہ ہویا تئی ورھے دی عمر دا سی ۔ تے اوہنے یرو شلیم وچ تن مہینے بادشاہی کیتی ۔
3
۔ تد شاہ مصر نے اوہنوں یرو شلیم دے تحت توں لاہیا ۔ تے دیس تے اک سو قنطارچاندی تے اک قنطار سونا تاوان لایا ۔
4
۔ تے شاہ مصر نے اوہدے بھرا الیا قیم نوں یہودہ تے یروشلیم تے بادشاہ مقرر کیتا ۔ تے اوہدا ناں بدل کے یویا قیم رکھیا ۔ تے نکو اوہدے بھرا یو آحاز نوں پھڑ کے مصر نوں لے گیا
5
۔ جس ویلے یویا قیم بادشاہ ہویا ۔ اوہ پنجھی ورھے دی عمر دا سی ۔ تے اوہنے یروشلیم وچ بارہ ورھے بادشاہی کیتی ۔ تے اوہنے خدا وند اپنے خدا دی نظر وچ برائی کیتی ۔
6
۔ تد اوہدے خلاف بابل دا بادشاہ بنو کد نصر چڑھ آیا ۔ تے اوہنوں سنگلاں نال بنھیا تاں جو اوہنوں بابل نوں لے جاوے ۔
7
۔ تے بنو کد نصر خدا وند دے گھر دے کجہ بھانڈے وی بابل نوں لے گیا ۔ تے اوتھے اپنے مندر دے اند اوہناں نوں رکھیا ۔
8
۔ تے یویا قیم دا باقی حال تے مکروہ کم جیہڑے اوہنے کیتے تے جو کچھ اوہدے وچ ہویا اسرائیل تے یہودہ دیاں کتاب وچ لکھے ہوئے نیں ۔ تے اوہدا پتر یویا قین اوہدی تھاں بادشاہ بنیا ۔
9
۔ جدوں یویا کین بادشاہ بنیا ۔ اوہ اٹھارہ ورھیاں دا سی تے اوہنے یروشلیم وچ تن مہینے تے دس دن بادشاہی کیتی ۔ تے اوہنے خدا وند دی نظراں وچ بدی کیتی ۔
10
۔ تے ورھے دے اخیر تے بنو کد نصر بادشاہ نے لشکر گھلیا ۔ جیہڑا وہنوں سنے خدا وند دے گھر دے ودھیا بھانڈیاں نال بابل وچ لیایا ۔ تے اوہدے بھرا صدقی یاہ نوں یہودہ تے یروشلیم تے بادشاہ بنایا ۔
11
۔ جس نویلے صدقی یاہ بادشاہ بنیا ۔ اوہ اکی ورھیاں دی عمر دا سی تے اوہنے یوشلیم وچ یارہ ورھے بادشاہی کیتی ۔
12
۔ تے اوہنے خدا وند دی نطڑ وچ برائی کیتی ۔ تے اوہنے ارمیا نبی دے سامنے عاجزی کیتی ۔ جنے خدا وند دے منہ نال کلام کیتا ۔
13
۔ تے اوہنے بنو کد نصر بادشاہ توں وی جہدے نال اوہنے خدا دی سونہہ کھادی سی بغاوت کیتی ۔ تے خدا وند اسرائیل دے خدا ول رجوع کرن توں گردن کشی کیتی تے اپنے دل نوں پیڈھا کیتا ۔
14
۔ تے کاہناں دے سارے رئیس وی تے لوک غیر قوماں دیاں ساریاں مکروہاتاں دے مطابق بے وفائی کرن وچ ودھ گئے ۔ تے خدا وند دے گھر نوں جیہڑا اُس نے یروشلیم وچ مقدس کیتا سی پلیت کیتا ۔
15
۔ تاں خدا وند اوہناں دے پیو دادے دا خدا اپنے پیغمبراں دی زبانی سنیہے گھلدا رہیا ۔ سویر تڑکے ای گھلیا ۔ کیوں جو اوہ اپنی قوم تے اپنے مسکین تے مہربان سی ۔
16
۔ پر اوہناں نے خدا دے پیغمبراں تے ٹھٹھا کیتا ۔ تے اوہدے کلام دی حقارت کیتی ۔ تے اوہدی نبیاں تے ہسے ایتھے تیکر پئی خدا وند دا قہر اپنی قوم تے بھڑکیا تے کوئی چارہ نہ رہیا ۔
17
۔ تد اوہ گلدانیاں دے بادشاہ نوں اوہناں اُتے چاڑھ لیایا ۔ تے اوہنے اوہناں دے مقدس گھر وچ اوہناں دے جواناں نوں قتل کیتا ۔ اوہنے نہ گھبرو اتے تے نہ کواری تے بڈھے تے تے نہ کُبے بہت بڈھے تے رحم کیتا۔ تے ساریاں نوں اوہدے ہتھ وچ دے چھڈیا ۔
18
۔ تے اوہ خدا دے گھر دے سارے بھانڈے کیہ نکے کیہ وڈے تے خدا وند دے گھر دے خزانے تے بادشاہ تے اوہدے امیراں دے خزانے سارے دے سارے بابل نوں لے گیا ۔
19
۔ تے خدا دے گھر نوں ساڑ چھڈیا ۔ تے یروشلیم دی کندھ نوں دھا دتا ۔ تے اوہدے سارے محلاں نوں اگ نال ساڑیا ۔ تے اوہدیاں ساریاں قیمتی شیواں نوں تباہ کیتا ۔
20
۔ تے اوہ جیہڑے تلوار توں بچ گئے ۔ اوہناں نوں اوہنیں بابل وچ جلا وطن کیتا جتھے اوہ اُس دے تے اُس دے پتراں دے غلام ہو کے رہے جدوں تیکر پئی فارس دی بادشاہی شروع نہ ہوئی ۔
21
۔ تاں جو خدا وند دا کلام جیہڑا ارمیا دی زبان توں آکھیا گیا سی پوراہووے ۔ جدوں تیکر پئی زویں اپنے سبتاں نوں پورا نہ کرے ۔ کیوں جو اُس دے اُجاڑ دے سارے دناں وچ اوہنے سبت منایا ۔ جدوں تیکر پئی ستر ورھے پورے نہ ہوئے ۔
22
۔ پر شاہ فارس کورش دے پہلے ورھے وچ تاں جو خدا دا کلام جیہڑا اوہنے ارمیا دی زبان توں فرمایا سی پورا ہووے ۔ خدا وند دی روح نے شاہ فارس کورش دے دل نوں ابھاریا ۔ تاں اوہنے اپنی ساری بادشاہی وچ منادی کروائی ۔ تے لکھ کے انج آکھیا ۔
23
۔ پئی شاہ فارس کورش انج فرماندا اے ۔ پئی خدا وند اسمان دے خدا نے زویں دے سارے دیس مینوں دتے نیں ۔ تے مینوں حکم دتا اے۔ پئی میں اوہدے لئی اک گھر یہودہ دے یروشلیم وچ بناواں ۔ ایس لئی تہاڈے وچ اوہدی ساری قوم وچوں جو کوئی ہے خدا وند اوہدا خدا اوہدے نال ہووے ۔ تے اوہ ٹُر جائے ۔