1
۱۔ ایسے طراں تُسی جیئڑی بیویاں ہو اپنے بندے دی فرمانبردار رہو۔ اے ایس لئی کرو تان جے کُجھ بندے جیڑے کلام نوں نئیں مندے، تہواڈا چنگا برتاوٴ ویکھ کےبغیر کلام سُنائے جِتے جان۔
2
۲۔ ایس طراں او تواڈے مُخلص برتاوٴ نوں عزت دے نال ویکھن گے۔
3
۳۔تواڈا سجنا سنورنا ظاہری نہ ہو وے، جیویں وال بنانا، سونے دے زیور تے فیشن والے کپڑے پانا۔
4
۴۔ پر تُسی دِل دی باطنی اِنسانیت تے قائم رہن والی خوبصورتی، نرم مزاجی تے خاموش روح نال سجو سنورو، جیڑا خُدا دی نظر چے بیش قیمت اے۔
5
۵۔ تے ایسے طراں بُہت پہلاں وی خُدا تے اُمید رکھن والیاں مُقدس عورتاں اپنے آپ نو سجاندیاں تے سنوار دیاں سن۔
6
۶۔تے اینج ای سارة وی ابراہام نوں فرمانبرداری وچ خُداوند کہندی سی۔ تُسی وی اوہدی دِھیاں بن جاوٴ گییاں جے اینج ای کر دیاں رہیاں تے مُصیبت توں خُوف نہ کھایا۔
7
۷۔ اے شوہرو تُسی وی اینج ای عورتاں نال رہو۔ جیویں نازک پانڈے نال، تے اِناں دی عزت کرو کے اے وی تواڈی طرح فضل دی زندگی دیاں وارث نیں۔ ایسے طرح کرو تاں جو تواڈی دُعاواں رُک نہ جان۔
8
۸۔ تےآخر چے، تُسی سارے ہم خیال، جوش نال بھرے ہوئے، بھائیاں وانگر پیار کرن والے، نرم دِل تے حلیم بنو۔
9
۹۔ بدی دا جواب بدی نال نہ دیو، تے نہ بے عزتی دا بے عزتی نال، تے اُہدے برخلاف ہر ویلے برکت دَیا کرو کیوں جو برکت دی میراث پان لئی توانوں سدیا گیا اے۔
10
۱۰۔ او جیڑا، جو چاہندا اے کہ زندگی نو پیار کرےتے چنگے دن ویکھے، اُنہوں چاہیدا اے کے اپنی ربان نوں بدی تون تے ہونٹاں نوں دغا باذی توں باز رکھے۔
11
۱۱۔ او بھیڑے کماں تو پھرے تے چنگے کم کرے، تے سلامتی (صُلح) نوں لبھے تے اُوہدا پِچھا کرے۔
12
۱۲۔ خُداوند دی اکھیاں راستبازاں نوں ویکھدیاں نے تے اوہدے کَن اوہناں دی فریاد تے نے۔ پر خُداوند دا چہرہ بدی کرن والیاں دے خِلاف اے۔
13
۱۳۔ او کون ہوسکدا اے، جہیڑا توانوں نُقصان پچاوے جدوں تُسی سرگرمی نال چنگے کم کر دے او۔
14
۱۴۔ پر جے تُسی راستباذی دی وجہ توں ستائے جاندے او تے تُسی با برکت ہو۔ اوہناں وانگر نہ ڈرو تے نہ گھبراوٴ۔
15
۱۵۔ پر خُداوند یسوع نو اپنے دِلاں چے مُقدس (پاک) جانو، تے ہر وہلے اُنہاں نوں جواب دین لئی تیار رہو۔ او جیڑےخُدا وچ تواڈی اُمید دے بارے چے پوچھدے نے، تے ایہ سب حلیمی تے ادب نال کرو۔
16
۱۶۔ نیک نیت رکھو تاں جو او لوکی شرمندہ ہون جیڑے مسیح چے تواڈی چنگی زندگی بارے بھیڑیاں گلاں کردے نے کے تُسی بدکار اوٴ۔
17
۱۷۔ ایہ چنگا اے، جے خُدا دی مرضی ہو وے کہ تُسی چنگے کم کردے ہویاں دُکھ اُٹھاوٴ نہ کےبدی کر دے ہویاں۔
18
۱۸۔ مسیح نے وی اِکو وری گُناہواں لئی دُکھ اُٹھایا، او جیڑا راستباز اے، اُنیں ساڈے لئی جو گُنہگار ہاں دُکھ اُٹھایا تاں جو سانوں خُدا کول کھڑے۔او جسم چے مُویا گیا تے روح نے انہوں زندہ کیتا۔
19
۱۹۔ تے ہُن روح نال، او روحاں جیڑیاں قید وچ نے انہاں نوں کلام سُنایا۔
20
۲۰۔ اے او نے جیڑیاں نوح دے زمانے وچ نافرمان ہویاں جدوں خُدا دے صبر نے انتظار کیتا۔ اُن دِناں چے جدوں کشتی بن رہی سی، تے خُدا نے کُجھ لوکان نو بچایا، آٹھ جاناں نوں۔ پانی سے ذریعے۔
21
۲۱۔ اے بپتسمے دا نِشان اے جیڑا ہُن توانوں بچاندا اے۔ اے صرف جسم نوں دھوکے صاف کرن لئی نئی۔ پر یسوع مسیح دے جی اُٹھن دے وسیلے، خُدا ول نوں چنگے ضمیر دی آواز اے۔
22
۲۲۔ مسیح، خُدا دے سجے ہتھ، آسمان تے وے۔ فرشتے، حکومتاں تے طاقتاں اُہدے تابع کیتیاں گئ یاں نے۔