1
۱۔ ایس لئی ساری بدی، سارا دھوکہ، ریاکاری، حسد تے ساری عیب گوئی نے دور کرو۔
2
۲۔ سجرے جمے بالاں وانگ سچُے روحانی دُدھ دی بھال کرو تاں جو ایس راہیں تُسی نجات وچ ودھو۔
3
۳۔ جے تُسی خداوند دی مہربانی دا سواد چکھ بیٹھے ھو
4
۴۔اُس جیوندے پتھر دے کول آ جاؤ جنہوں لوکاں نے تے ٹھکرا دِتا پر رب نے اوہنوں بیش قیمت جان کے چُنیا اے۔
5
۵۔تُسی وی جیوندے پتھر ہو جہڑے روحانی گھر بنن لئی بنائے گئے ھو تاں جو پاک کہانت دی گروہ بنو جو یسوع المسیح دے وسیلے خدا نوں مقبول روحانی قربانیاں نذر کر دی اے۔
6
۶۔ پاک کلام وچ لِکھیا اے، ’’ ویکھو، میں صیہون وچ گُٹھ دے متھے دا قیمتی تے چُنیا ہوئیا پتھر رکھدا ہاں۔ اوھدے اُتے ایمان لیان والا شرمندہ نہ ہووے گا۔
7
۷۔تے ایہ تُسی ایمان لیان والیاں لئی عزت دی گل اے۔ پر جہڑا پتھر راج گراں نے رد ک ردتا سی اوہ گُٹھ دا متھا بن گیا اے۔
8
۸۔ نالے ’’ ٹھیڈا لوان والا اِک پتھر تے اوہناں نوں پُنجے سُٹن والی اِک چٹان‘‘۔ اوہناں نوں ٹھیڈا لگا کیوں جو اوہناں کلام نہ منیا۔ ایہو کُچھ کرن لئی ہی اوہ مقرر کیتے گئے سی۔
9
۹۔ پر تُسی چونویں لوک ہو۔ شاہی کہانت، پاک قوم، رب دی جاگیر ہون والے لوک۔ تاں جو تُسی اوہدے اچرج کم سُناؤ جنہے تہانوں ھنیرے وچوں عجیب چانن وچ سدیا اے۔
10
۱۰۔اِک وقت سی تُسی کوئی قوم نہیں سو۔ پر ہُن تُسی رب دے لوک ھو۔ تہاڈے اُتے رحم نہیں ہوئیا سی پر ہُن تہاڈے اُتے رحم ھوگیا اے۔
11
۱۱۔ پیاریو، میں تہانوں آکھدا ہاں پئی اپنے آپ نوں ایس جہان وچ جلا وطن تے پردیسی جان کے بدنی خواہشات توں بچو جہڑیاں تہاڈی روح دے خلاف جنگ کر دیاں نیں۔
12
۱۲۔غیر مسیحی لوکاں وچ تہاڈا سوہنا میل جول ہووے تاں جو جے اوہ تہاڈی بھیڑیاں گلاں دا چرچا کردے ھین تے ھُن تہاڈے چنگے کم ویکھن تے اوہدی آمد دے دن رب وڈیائی کرن ۔
13
۱۳۔خداوند دی خاطر ہر انسانی اختیار دی تابعداری کرو۔ دونہاں دی گل منّو۔ بادشاہ دی ایس لئی پئی اوہدا اختیار سب دے اُتے اے۔
14
۱۴۔تے حاکماں دی وی جہڑے بھیڑے کم کرن والیاں نوں ڈنڈ دین لئی تے بھکیاں نوں شاباش دین لئی گھلے گئے نیں۔
15
۱۵۔کیوں جو رب دی مرضی ایہہ ھَے کہ تُسی نیکی دے کم کر کے جاہل لوکاں دی گمراہی بھر گل بات نوں چُک کرادیو۔
16
۱۶۔آزاد ہون کرکے اپنی آزادی نُوں بدی کرن لئی أولاہ نہ بناؤ سگوں خدا دے خادماں ورگے بنو۔
17
۱۷۔سبھناں دی عزت کرو، برادری نال پیار رکھو، رب دا ڈر منّو تے بادشاہ دی عزت کرو۔
18
۱۸۔اے نوکرو، بڑی عزت نال اپنے مالکاں دے حکم منّو تے نِرے چنگے تے بھلے مانس مالکاں دے ہی نہیں پر بھیڑیں دے وی
19
۱۹۔کیوں جو جے کوئی خدا نوں جانن کر کے بے انصافی دا دُکھ برداشت کردا اے تے ایہ وڈیائی دے قابل اے۔
20
۲۰۔جے تُسی پاپ کرکے سزا نوں جریا تے تہاڈے واسطے کیہہ دلہ ہوئے گا؟ پر جے تُسی بھلائی کیتی تے سزا دا دُکھ برداشت کیتا تے ایہہ خدا ولوں وڈیائی دے لائق اے۔
21
۲۱۔تے ایسے واسطے تُسی سدے وی گئے ھو، کیوں جو مسیح نے وی تہاڈے واسطے دُکھ جَھلے۔ اوہنے تہاڈے لئی اک نمونہ چھڈیا پئی تُسی اوہدی پیروی کرو۔
22
۲۲۔اوہنے کوئی پاپ نہ کیتا، نہ ہی اوہدے مُنہ وچ فریب پایا گیا۔
23
۲۳۔جدوں اوہنوں بے عزت کیتا گیا اوس مڑ کے جواب نہ دِتا۔ جدوں اوہنوں دُکھ دِتا گیا، اوہنے دھمکی نہ دِتی۔ سگوں اپنے آپ نوں عادل منصف دے حوالے کیتا۔
24
۲۴۔اوہ آپ ساڈے پاپاں نوں اپنے بدن تے پاکے سُولی چڑھ گیا۔ تاں جو اسی پاپ وچ ہور حِصّے دار نہ رھئیے تے راستبازی واسطے زندگی گذاریے۔ اوسدے پھٹاں دے وسیلے تُسی چنگے کیتے گئے ھو۔
25
۲۵۔تُسی سارے گواچیاں بھیڈاں وانگ رُلدے پھردے سو، پر ھُن تُسی اپنیاں روحاں دے ایالی تے راکھے کول واپس مُڑ آئے ھو۔