1
۱۔ پچھے ائیاں تھیو کہ جݙے پربھویسوع شٻد پورو کیو تو اُو گلیل خاں نکل رو دریائے یردن خاں آگو یہودیہ رے علاقے میں آیو۔
2
۲۔ہیک موٹو منکھاں رو ٹوݪو پربھویسوع رے لارو گیا آݨ پربھویسوع اُواں نہ بیماریاں خاں خاجا کیا۔
3
۳۔فریسی آیا آݨ پربھویسوع ناں ازماوݨ رے کرے پربھویسوع خاں کہیو کی کوئی منکھ دھرمی طرقے تے آپ ری لُوگائی ناں کہیں وجہ خاں طلاق ݙے خگئی؟۔
4
۴۔ پربھویسوع اُواں ناں جواب میں کہیو، کی تھاں کونی پڑھیو کہ جکے ائیاں ناں بݨایا۔ اُوے پہلی خاں ہی مرد آݨ لُوگائی بݨائی؟
5
۵۔ آݨ پربھویسوع اِے بھی کہیو" ائیے رے کرے منکھ آپ رے ماتا پتا ناں چھوڑخے آݨ آپ ری لُوگائی بھیݪو ریخے،۔ کیاں کے دھݨی آݨ لُوگائی ہیک بدن ہُوخے؟۔
6
۶۔ نی کہ ٻئے بدن۔ کیاں کے جکاں ناں ایشور جوڑیا ہے اُواں ناں منکھ جدا نی کرے۔
7
۷۔ اُواں منکھاں پربھویسوع ناں کہیو، تو پچھے موسیٰ سنت تھاری ماناں کیاں حُکم ݙنوکہ طلاق ݙے ری چھوڑ ݙوؤ۔
8
۸۔پربھویسوع اُواں منکھاں خاں کہیو، موسیٰ سنت تھاری پکے من رے کرے تھاناں تھاری لُوگائیاں ناں طلاق ݙیݨ ری موکل ݙنی پݨ شررع خاں ائیاں کونی ہتو۔
9
۹۔ ہُوں تھاناں کہیں، جکو کوئی آپ ری لُوگائی ناں بھونݙے (زنا) کام رے بنا چھوڑخے، آݨ کہیں ٻجی لُوگائی خاں بہیاں کرخئیں تو اُو اُوے خاں بھونݙئی کرئیں، آݨ جیکݙھیں کوئی منکھ طلاق ݙنھوڑی لُوگائی خاں بہیاں کرئی تو اُو بھی اُوے لُوگائی خاں بھونݙئی کرئی۔
10
۱۰۔چیلاں پربھویسوع ناں کہیو، جیکݙے کہیں منکھ رو آپ ری لُوگائی خاں ایڑو حال ہے تو بہیاں نی کرݨ ہی بھلو ہے
11
۱۱۔ پݨ پربھویسوع اُواں ناں کہیو، ہر منکھ ائیے حُکم ناں کونی من سگتو۔ پر اُو ھوئی جکے ناں منݨ ری موکل ݙنی گی ہے۔
12
۱۲۔ کیاں کے کئیک کھدڑا ایڑا ہے جکو ماتا رے پیٹ خاں ہی ائیاں جنم لیوی آݨ کئیک ایڑا کھدڑا ہے جکاں ناںمنکھاں بݨایا ہے آݨ کئیک ایڑا ہے جکاں آپ رے آپ ناں ایشور ری راجائی رے خاروں بݨیا، اُو جکو ائیے بات ناں من خگئی اُوے ناں منݨ ݙئو۔
13
۱۳۔ پچھے کئیک چھوٹا ٻاݪ پربھویسوع رے کوڈھی لایاگیا تاکہ اُو اُواں تے ہاتھ راکھ رو برکت ݙے۔ پر چیلاں اُواں ناں دڑکو ݙاݨ لاگا۔
14
۱۴۔پݨ پربھویسوع کہیو، ٻاݪاں ناں میں کوڈھی آوݨ ݙئو، ائیاں ناں متے روکو۔ کیاں کے آکاش ری راجائی ائیاں ری ہے
15
۱۵۔ آݨ پربھویسوع اُواں ٻا ݪاں تے ہاتھ راکھ رو برکت ݙنی آݨ اُو اُتھو بہو۔
16
۱۶۔ جؤو ہیک منکھ پربھعیسوع کوڈھی آیو آݨ کہیو، گرو جی ہُوں کہیو بھلو کام کراں کے امر جیوݨ پاؤں ۔
17
۱۷۔ پربھویسوع اُوے ناں کہیو تو مہیں خاں کیاں پوچھیی پیو کی بھلو ہے۔ بھلو تو صرف ہیک ہی ہے جے توں جیوݨ میں آوݨ چاوی تو شٻدھاں تے عمل کر۔
18
۱۸۔ اُوے منکھ اُوے خاں کہیو کیڑا شٻدھ پربھویسوع اُوے ناں کہیو کہ قتل نی کر، پرائی ناری خاں بھوگ نی کر۔ کوڑی گوائی نی ݙے۔
19
۱۹۔ آپ رے ماتا پتا ری عزت کر۔ آپ رے پاڑے خیری خاں آپ آݪی کر پریم کررو۔
20
۲۰۔ ہیکے موٹیار اُوے ناں کہیو، میں تمام شٻدھاں تے عمل کیو ھاں ہمیں مناں کی کرݨو ہے۔
21
۲۱۔پربھویسوع اُوے ناں کہیو، جے تو پورو خالکھ بݨیخ تو آپ رو خارو مال دھن غریٻاں ناں بنڈھ ݙے تو تناں آکاش تے دھن دولت ملخے تو مہارے لارے آ۔
22
۲۲۔ جݙے اُوے موتیار اِے خݨیو کہ پربھویسوع کی کہیو ہے تو اُو ݙاڈھو پشمان ہویو آݨ اُوتھ خاں گیو بوہو۔ کیاں کے اُو گھݨو دھنوتی ہتو۔
23
۲۳۔ پربھو یسوع آپ رے چیلاں ناں کہیو، ہُوں تھاناں خچی کہیں وہ کے دھنوتی منکھ رو ایشور ری راجائی میں جاوݨ گھݨو اوکھو ہے۔
24
۲۴۔ ٻݪے ہُوں تھاناں کہیں کہ اونٹ رو خوئی (سوئی) رے ناکے میں جاوݨ خورو ہے آݨ دھنوتی رو ایشور ری راجائی میں جاوݨ اتیرو اوکھو ہے۔
25
۲۵۔جݙے پربھویسوع رے چیلاں اِے خݨیو تو اُوگھݨاں حیرت میں آیا آݨ کہیوݨ لاگا تو کوݨ بیچ خگای۔
26
۲۶۔پربھویسوع اُواں ݙخیا جویو آݨ کہیو ماݨخاں رے خاروں تو اوکھی بات ہے پر ایشور رے خاروں کوئی چیز کونی۔
27
۲۷۔پچھے پطرس جواب میں کہیو، جو مہیں خارو کُجھ چھوڑیو رو آݨ تاجے لارے آیا را تو مہاناں کی ملخے۔
28
28۔ پربھویسوع اُوے ناں کہیو، ھوں تناں خچی کہیں وہ توں مانجے لارے آیو تو نئیو جیوݨ میں (ابن آدم) آدم زاد رے ٻݙائی رے تخت تے ٻیخیخ، تھیں وی ٻاراں تختاں تے ٻیخخو، آݨ اسرئیل رے ٻاراں قبیلاں رو نیاء کرخو۔
29
۲۹۔ جکو کوئی آپ رو گھر،ٻہین، بھائی، ماتا پتا، ٻاݪ تے دھرتی مانجے ناں خاں چھوڑخے اُوے رو اجر سو حیخا ہوخے آݨ اُو امر جیوݨ رو مالک ہوخے۔
30
۳۰۔ پݨ گھݨاں پہلی ہے اُو لارے کیا جاخے آݨ گھݨاں لارے ہے اُو آگی کیا جاخے۔