1
۱۔ اَن اوُاں ݙنھاں میں جݙے او ایِشور رِے گھر میں مِنکھاں نا تعَلیم ان خوش خبری ݙہتو ہتو ہیکے ݙنھن اییاں تھیو کے موٹو کاہن ان فقہیہ بوݙھیا بھیݪا اوُے کوڈہیا آ اوبھیجیا۔
2
۲۔اَن اوُے خاں ٻولڹ لاگو ان کہیو مانھاں چخل کے تو کے رِے زور کا اِے کہیں؟ یا کہیو ہے جکے تناں اِے اخَتیار ݙنھوں ہے۔
3
۳۔اوُے جَواب میں اوُاں خاں کہیو ہوں بھی تھاں خاں ہیک بات پوچھیں منا ݙخلو۔
4
۴۔کئی یُوحنا رو پبتسموں آکاش رِی طرف خاں ہتو یا منِکھاں رِی طرف خاں ہتو۔
5
۵۔ او آپرو آپ میں خوچ بچار کرڹ لاگا کے جے مہیں کہاں کے آکاش خاں تو او کہخے پچھے تھاں اوُے تے بھروخو کیاں کونی کریو۔
6
۶۔اَن جے مہیں کہاں کے مِنکھاں خاں تو خارا منِکھ آپاں خنخار کرخے۔کیانکے اوُاں نا یقین ہے کے یوُحنا سَنت ہتو۔
7
۷۔ پِچھے اوُاں جَواب ݙنھوں کے مہیں کونی جاڹتا کہ کتھ خاں ہتو۔
8
۸۔اَن یِسوع اوُاں ناں کہیو ھوں بھی تھاناں کونی ݙخلتو کے اِے کے رِے ناں خاں کریو۔
9
۹۔ پِچھے او مِنکھاں ناں اِے تمثَیل کہڹ لاگو کے ہکیے مِنکھ باغ لگایو ان اوُے گھڹاں مِنکھاں نا ٹھیکے تے ݙنھوں ان مدت رِے خاروں پرَدیس بوہو گیو۔
10
۱۰۔اَن وقت تے ہیک نوکر ناں ٹھیکیداراں نی بہیر کریو کے باغ رِے پھݪاں میں خاں اوُے نا ݙے پر ٹھیکیدارَاں اوُے نا مار ݙیری خالی ہاتھ بہیر کریو۔
11
۱۱۔ بݪے اوُے ٻجے نوکر ناں بہیر کریو اوُاں اوُے نا بھی مار ݙنے رِی ان بے عزت کر او خالی ہاتھ بݪا چھوڑیو۔
12
۱۲۔بݪے اوُے تیجے ناں بہیر کریو اوُاں اوُے ناں بھی پھٹی کر رو کاڈھ چھوڑیو۔
13
۱۳۔ پِچھے اوُے باغ رِے مالک کہیو کے کی کراں ہوں آپرے پیارے ݙکرے ناں بہیر کریخ شاہد اوُے رو لخاظ کرے۔
14
۱۴۔جݙے ٹھیکیدارَاں اوُے ناں جویو تو آپس میں خلاح کر رِی کہیو کے اِے بارخ ہے۔ آو اِیئے ناں مارجے رو اِیئے رِے کرے کے اِے جائیداد مہاری ہو جاوے ری۔
15
۱۵۔ پِچھے اوُے نا باغ خاں ٻاہر کاڈھ رو مار ݙنھوں ہمیں باغ رو مالک اوُاں خاں کی کرخے؟
16
۱۶۔او آخے آن ٹھیکیداراں نا مارخے ان باغ ٻجاں رِے حَوالے کےخے اوُاں اوُے خڹ رو کہیو ایِشور نی کرے۔
17
۱۷۔ اوُے اوُاں نی جویو ان کہیو پِچھے اِے کی ہے جکو لکھیوڑو ہے جکو پتھر کاریگراں رد کریو تو اوہی کنڑ رو پتھر تھیو۔
18
۱۸۔جکو کوئی اوُے پتھر تے کھرخے او چکناچور تھی جاخے رو ان جکے تے او کھرخے پیخیج جاخے رو۔
19
۱۹۔ اوُے گھڑی فقہیاں ان سردَاراں کاہناں کوشش کی کے اوُے تے ہاتھ کھڹے پر او منِکھاں خاں ٻہتا پیا کیانکے خمجھ گیا ترا اوُے اِے تمثیل مہانرے ہی بارے میں کہی ہے۔
20
۲۰۔ان او اوُےرِی میں لاگا رہیا ان اوُاں گھڹا جاسوساں ناں بہیر کریا کے خادماں رِے رَوپ میں اوُے رِی کوئی بات جھالو تاکہ اوُ ےناں حَکومت رِے حوَالے کراں۔
21
۲۱۔ پِچھے اوُے اوُاں خاں پوچھیو اِے اَستاد مہیں جاڹئی کے تاجو شٻدآن تعلیم ٹھیک ہے ان تو کہے رو پاخو کونی لیتو پر خچائی خاں ایِشور رو مارگ ݙخلیں۔
22
۲۲۔مہاناں قیَصر ناں ٻوہل ݙیوڹ جائز ہے یانا۔
23
۲۳۔پر اوُے اواُں رِی چالاکی اوݪکھتے اوُاں ناں کہیو۔
24
۲۴۔ہیک رُوپیو مِناں جوآݪو اوُے تے کیری َصورت آن لکھت ہے اوُاں کہیو قَیصر رِی۔
25
۲۵۔ پِچھے اوُے اوُاں خاں کہیو جکو قَیصر رو ہے قایصر ناں ݙنو آن جکو ایِشور رو ہے ایِشور ناݙیو۔
26
۲۶۔آن او مِنکھاں رِے خاموں اوُے رِی کوئی بات کونی چھاݪ سگیا آن اورے جواب خاں حیران تھی راں چھپ رہیا۔
27
۲۷۔ پِچھے اوُے َصدروقیاں میں خاں جکو آخرت را نی مڹ آݪا ہے کہیاں کوڈھیا آرو اوُے خاں سوال کررو۔
28
۲۸۔کہیو کہ اِے اَستاد موسیٰ مہارے خاروں لکھیو ہے کے جیکݙہیں کہے رو بیہاں ہووڑو بھائی بے اوُلاد مد جاوے تو اوُے رو بھائی اوے رِی لَگائی پر ڹینج لے آن آپرے بھائی رِے خارو نَسل پیدا کرے۔
29
۲۹۔ پڹ سات بھائی ہتا پہلو پرڹیخیجوی خہی پڹ بے اوُلاد مرگیو۔
30
۳۰۔پِچھے ٻجے۔
31
۳۱۔آن تیجے بھی اوُے نا لینھی آن اییائی اوُاں خاتاں کریو آن خارا بے اوُلاد مرگیا۔
32
۳۲۔آخرکار او لَگائی بھی مرگی۔
33
۳۳۔ہمیں آخرت میں اوُاں میں خاں اوُ کے رِی لَگائی ہوخے؟ کیانکے او خاتاں رِی َلگائی رہی ہوتی۔
34
۳۴۔یِسوع اوُاں خاں کہیو کے اِیئے جہاں را ݙکرا بہیاں کرئی آن پرڹا یا جاوی۔
35
۳۵۔پڹ جکو مائیخ ایئے کائق تھیخے کے اوُے جہان ناں حاصل کرے آن مووڑا میں خاں جی اٹھڹ میں شامل تھی خے او نی بیہاں کرے خگٹھی آن نی او پرڹا یا جاوے۔
36
۳۶۔کیانکے او بݪے مرڹ آݪا کونی ایآے رے خارو کے او فَرشتاں آݪی کر ہوخے آن قیَامت را ݙیکرا ہو را ایِشور را ݙیکرا بھی تھیخے۔
37
۳۷۔ آن مردَاں رِی قیَامت رِے بارے میں موسیٰ بھی جھاڑی رِے زکر میں اشارو کریو ہےکیانکے او ایِشور ناں ابراہام رو ایِشور آن اصَخاق رو آن یعَقوب رو ایِشور کہی۔
38
۳۸۔پڹ ایِشور مووڑا رو کونی پر حیتاں رو ایِشور کیانکے اوُے رِے نیڑا خارا جیتا ہے۔
39
۳۹۔ پِچھے کہنیک فقَہیاں تقریر کر کہیو اِے اسَتاد تیں ٹھیک کہیو۔
40
۴۰۔پِچھے اوُاں میں خاں کہی رِی جرت کونی ہوئی کے اوُاں میں خاں کوئی ٻیجو خوال پوچھے۔
41
۴۱۔بݪے اوُے اوُاں ناں کہیو کیکڹ جاخے کے الَمیسح داود رو ݙیکرو ہے۔
42
۴۲۔کیانکے داود زُبور رِی کتاب میں خود کہی ایِشور مانجے ایِشور خاں کہیو کہ تو مانجے خاجڑی پاخے ٻیخ۔
43
۴۳۔جتیری تک ہوں تاجے دخمڹاناں تاجے َپگاں ہیٹھیاں کونی کرڈیاں۔
44
۴۴۔پڹ داود اوُے ناں ایِشور پرمِیشور کہی پِچھے او اوُے رُو ݙیکرو کیکر ہے۔
45
۴۵۔ جݙے خارا مِنکھ خڹتا پیا تو اوُے آپرے چیَلاں چاں کہیو کے۔
46
۴۶۔فقَہیاں خاں خبردار رہو جکو لانٻا لانٻا چوݪا پہر را پھرڹ را شوقین ہے آن بازاراں میں عزت آن بھگتی گھراں میں اوُنچے درجے رِے کرخے آن دعوتاں میں خارا چاں اگیاں ٻیخڹ پسند کرئی۔
47
۴۷۔جکو رانڈ بیراں رِے گھراں نا کھاوی آن ݙکہاݪے رِے خارو دَعا ناں بدھاو اوُاں ناں گھٹی سزا مل خے۔