1
۱۔ اور او ُیریحو میں ہوتے جار ہوتو۔
2
۲۔جوو زکائی ناں رُو ھیک مِنکھ۔جکو مخول لیوڹ آݪاں رو خردار ان امیر ہتو۔
3
۳۔ آن اوُے ناں تنماں ہتھی کے او یِسوع نا جووے کے اوُں کوڹ ہے پڹ گفڹ راں منِکھاں رِے خارو اوُے ناں کونی جو سگیو کیاں کے اوُ چھوٹے قَدر وہتو۔
4
۴۔جݙھے آگے ہوڑی کرتے ھیک ٹھانخے رِے بڹ تے چڑھ گیو کیاں کے او اوُے مارگ خاں جاوڹ آݪو ہتو۔
5
۵۔ جݙھے یِسوع اوُے جگہ پوگو تو اونچا نظر کی آن اوُے ناں کہیو اِے زکائی بیگو اتر آ کیاں کے آج مناں تھا رے گھر میں رہوٹو ضرور ھے۔
6
۶۔جݙھے او بیگو اتُر تے راجیپے خاں او ناں آپ رِے گھر نے لے گیو۔
7
۷۔مِنکھ اِے جوتے خارا ایہناں کہیوڹ تے اعزاض کرڹ لاگا کے او ھیک پاپیاں رِے کݙھے گیو ھے۔
8
۸۔ پڹ زکائی ابھیج تے ایِشور ہوں آپ رو آدھو دھن غریباں ناں ݙاہی حے کڹ ی رُو دَھن ناحق لیو ھاں تو اوُے ناں چار بھانگا پاحٻھو ݙاہی۔
9
۹۔جݙھے یِسوع اوُے ناں کہیو۔کہ آج ایے گھر میں حگتی آئی ھے ایے خارو کے اِے وی ابرَاہیم رو ݙیکرو ھے۔
10
۱۰۔کیاں کے مِنکھ رو ݙیکرو ایے خارو آیو کے گومیجیوڑا ناں جووڹ آن بچاواڹ
11
۱۱۔ آن جڈے او ُاے خڹ رہیا تا تو اوُے ھیک مخال کہیی۔ایے خارو کے او یرَوشیلم رِے کو ݙیا ہتو آن منِکھ خیال کرتا تاکہ ایِشور رِی راجائی ہڹ راں ظاہر ہونی ھے۔
12
۱۲۔اوُے اییاں کہیو کے ھیک امیرکئی اݪگے مونکھ میں گیو ایے خارو کے آپ رِے خارو راجائی لے تے بݪے پاچھو آیو۔
13
۱۳۔ اوُے آپ رِے نوکراں میں خاں ݙخاں ناں ہیلو کر اونواں ناں 30 روپیہ ڈینا ان اوتواں ناں کہیو کے مہارے پاچھے آون تک لیوا ݙیوی کرو۔
14
۱۴۔پن اوُے رِے مولکھ آݪا اوُے خاں بیر را کھتا آن اوُے رِے لارِے خانݙ یخیہ باہیر کیا جکو کونی چاہوتا کے اِےمہاں تے حکومت کرے۔
15
۱۵۔آن اییاں ہویو کے جݙھے او راجائی کریݪے ٻاچھو آیو تو اونواں نوکراں ناں ہیلو کرایو جکاں ناں اوُے روپیہ ݙہنا تاکے خبر کرے کے ہر ھیک کی لین دین کیو ھے۔
16
۱۶۔جڈھے پہلکے حاضر ہوتے کہیو اِے مالک تھارنے 30 روپیہ خاں 30 روپیہ ٻیجا کمایا ھاں۔
17
۱۷۔اوُے اوُے ناں کہیو خاٻاخ اِے بھلا نوکر ایے خارو کے کھرے ٹھوڑے میں خاں تو دیا نتدار نکلیو ہمیں تو ݙ خاں شہراں تے اختیار راکھ۔
18
۱۸۔ان ٻیجے حاضر ہوتے کہیو اِے مالک تھارے ٻانچ روپیہ خاں 10 روپیہ ٻیجا کمایا۔
19
۱۹۔اوُے اوُے ناں کہیو توں ٻانچاں شہراں تے خرداری کر۔
20
۲۰۔ ھیک ٻیجے حاضر ہون کہیو کے اِے مالک جو میں تھارا روپیہ رو مال میں باندھ رکھیا ھاں۔
21
۲۱۔کیاں کے ہوں تیں خاں ٻیہتو ہتو کے تو سخت منِکھ ھے۔ جکو تیں کونی راکھیو او اوکٹن لینج رو۔ جکو کوی بایو اوُے ناں باڈھیں۔
22
۲۲۔ اوُے اوُے ناں کہیو۔اے خَیطان نوکر ہوں تھارے ہی مانݙھے خاں تھارو انصاف کریں جݙھے توں جاڹ تو ہتو کے ہوں سخت مِنکھ ھاں ان جو کونی راکھتو او اوکھڹ لیں۔ ان جکو کونی باوتو او باڈھیں۔
23
۲۳۔تو توں مہارو روپیہ ساہو کار کڈھے کیا کونی راکھیو ہوں آتے اوُے خاں بیاج خودہ لیوت۔
24
۲۴۔ جݙھے اوُے اونواں خاں جکو حاضر ہتا کہیو کے ایے خاں روپیہ پاچھا لے لو ان اوُے نا ݙوجکے گھڹ راں کمایا ھے۔
25
۲۵۔جݙھے اونواں اوُے ناں کہیو اے مالک اوُے کݙھے دس روپیہ توھے۔
26
۲۶۔ پڹ ہوں تنا کہیں کے جکے کݙھے ہے اوُے ناں ݙہنو جانے ان جکے کݙھے کونی اوے خاں او پاچھو لیو جانے جکو اوُے کݙھے ہے۔
27
۲۷۔بݪے مہارے اونواں دخمناں ناں جکو مناں کونی چاہا دتا کے ہوں اونواں تے حَکومت کراں ایھتے لے آو آن مہارے خاھے قتل کرو۔
28
۲۸۔ آن جݙھے او اِے باتاں کہ تے یرَوشیلم رو مارگ لے تے آگے آگے بوھا۔
29
۲۹۔ آن ایسیاں ہویو کے جݙھے اوُے ٹکر تے جکو زیتون رو کہاوی بیت فجے آن بیت طنیاہ رِے نیڑا پوکا تو آپ رِے چَیلاں میں خاں ٻییاں ناں اِے کہہ تے باہر کیوکے۔
30
۳۰۔خاملے گاں میں جاو آن اوُے میں بڑے ہی ھیک گڈھی رو بچوٻادھوڑو ہوخے جکے تے کڈھے کوئی مِنکھ کونی ڄڈیو کونی اوُے ناں کھول لاو۔
31
۳۱۔ان جے کونی تھاں خاں پوچھے کے کیاں کھولیں واہ؟ تو اوُے ناں کہیا کے ایے ناں ایِشور ناں لوڑ ھے۔
32
۳۲۔باہیر کیوڑا جاتے جاں اوُے کہیو ڑو ہتو او نوانج ݙیٹھو۔
33
۳۳۔ان جڈھے گݙھی رِے بچے ناں کھولڹ لاگا تو اوُے را مالکاں اوُے خاں کہیو کے ایے بچے ناں کیاں کھولیں واہ؟
34
۳۴۔اونواں کہیو کے ایِشور ناں لوڑھے۔
35
۳۵۔آن او اوُے ناں یِسوع کڈھے لے آیا آڹ آپ راگابھا اوُے گݙھیے تے راکھ تے یِسوع ناں چڑھا یو۔
36
۳۶۔جڈھے جا رہیو تو او آپ را گابھا مارک میں بچھاوتا جاتا تا۔
37
۳۷۔ آن جݙھے او کوہ زیتون رِی ہینٹھلی جگہ تے بوگا تو چیلاں رِی خاری جمات اوُے خارے آزموتاں رِی وجہ خاں انواں جوٹے رَاضی ہوتے اوُنچی آواز خاں اییاں کہتا ہوا کے ایِشور رِی بݙائی کرڹ لاگا۔
38
۳۸۔دَھن ہے او لاجہ جکو ایِشور رِے ناں خاں آوی آکاش تے بَھلائی آن پوری دنیا تے ایِشور رو ٻرتاب۔
39
۳۹۔ ان اوُے توݪے میں خاں کہیں فرَیسیوں اوُے خاں کہیو کے اِے گروجی آپ رِے چیلاں ھکل ݙے۔
40
۴۰۔ان اوُے ناں بݪتی میں کہیو ہوں تھاں خاں کہیں کے جے اِے چپ وی رہیا تو ٻھتر رڑے کراٹھخے۔
41
۴۱۔ ان جݙے او نیڑ آیا تو شہر ناں جوئے تے اوُے تے رویو ان کہیو۔
42
۴۲۔جے تو اوُے ݙن میں اوُے باتاں ناں جاڹو جکو تھاری بَھلائی رِے خارو ہے پڹ ہمیں او تھاری آنکھیاں خاں کو کیوڑے ہے۔
43
۴۳۔ کیاں کے اون تیں تے آخے کے تھارا دخمں تھارے ٻارو مورجہ ٻاندخے تے تنا گیھر لیخے ان ہر طرح خاں تنا تنگ کرخے۔
44
۴۴۔ان تنا ان تھارے بچاں جکو تیں خاں ہے مٹی میں بھیݪ ݙیخے ان او تیں میں کونی پتھر تے پتھر کونی چھورے ایے خارو کے طیں اوے گھڑی ناں کو اوݪکھ جݙے تیں تے نگا کی تی۔
45
۴۵۔ ان او ہَیکل میں بڑیو تے چارے بپاریاں ناں کا ݙھڹ لاگو۔
46
۴۶۔اِن اونواں خاں کہیو کے لکھت جے کے مہارو گر پراتھنارو گھر ہے۔
47
۴۷۔ اَن او ہر روز ہَیکل میں تعلیم ݙیتو ہتو ان خردار کاہن ان فقہیہ ان قوم را خردار اییے کوشش میں ہتا کے اوے ناں مارے۔
48
۴۸۔پڹاییناں کرڹ رو کوئی موقعو کونی میݪو کیاں کے خارا منکھ اوُے رِے باتاں خڹ خیران ہو جاوتا۔