¹ ایشور پر میشور رو او قول جکو ہوسیع بیری ری ڈکرے شاہان یہودعزیاہ آن حزقی یاہ رے ڈنھاں میں شاہ اسرائیل یاربعام ڈکرے یوآش رے ڈنھاں میں حاصل کریو۔ ² ہوسیع ری معرفت ایشور رے کلام ری شروعات ایشور ہوسیع نا کہیو کہ جاآن ھیک کنجری خاں آپرے پگاں کنجری اُولاد پیدا کر۔کیانکے ملک تمام گھنی زناکاری کر ری ایشور خاں پرھا تھیا را۔ ³ پچھے اُوے جارو جومر ڈکری دبلائم نا لنھی۔آن او امید خاں تھی آن اُوے خاں اُوے نا ھیک ڈکرو تھیو۔ ⁴ آن ایشور اُوے نا کہیو کہ اُوے رو ناں یزرعیل راکھ۔ کیانکے تھوڑی دیر خاں پچھے یاھو رے گھراڹے خاں یزعیل رے خون رو بدلو لئیخ۔آن اسرائیل رے گھراڹے ری حکمرانی نا تباہ کرئیخ۔ ⁵ آن اُوے ڈینھں ہوں یزعیل ری وادی میں اسرائیل ری کمان توڑ ڈئیخ۔ ⁶ آن او ٻجی دفعہ امید خاں ہوئی آن ݙکری پیدا تھی۔آن اُوے اُوے نا کہیو کہ ایئے رو ناں لوحامہ راکھ۔کیانکے ہوں اسرائیل رے گھراڹے تے بݪے رحم کونی کراں بلکہ اُواں نا بالکل دُھتکار را۔ ⁷ پڹ یہودہ رے گھراڹے ماتھے ہوں رحم کرئیخ۔آن اُواں نا ایشور اُواں رے ایشور رے وسیلہ خاں چھٹکارو ڈئیخ۔آن اُواں نا کمان آن تلوار آن گھوڑاں آن خواراں رے وسیلہ خاں اُواں نا چھڑائیخ۔ ⁸ پچھے اُوے لوروحامہ رو دودھ چھڑایو آن اُو امید خاں ہوئی آن ݙکرو پیدا تھیو۔ ⁹ آن اُوے اُوے رو ناں لوعمی راکھیو کیانکے تھئیں مانجی اُمت کونی آن ہوں تھانرو ایشور کونی۔ ¹⁰ آن بنی اسرائیل ری گنتی خمندر ری ریت آݪی کݪ ہوخے۔جکو ناپی کونی جاتی آن نکو گُٹنئی جاوئیے۔آن اُوےری جگاہ اُواں نا کہیو جاوے کہ تھئیں مانجی اُمت کونی۔اُو جیتوتے ایشور را ٻاݪ خیٹجخے۔ ¹¹ آن بنیاسرائیل آن بنی یہودہ بھیݪا ہو خے را آن آپرے پگاں ہیک خردار ٹھاھخے آن اُوے ملک خاں جاخے را کیانکے عزرعیل رو ڈیھنئں بھاری ہوخے۔