1
آپرے بھائیاں خاں عمی کہے۔آن آپری ٻہنیاں خاں (رُحامہ) کرئے۔
2
آپری ماں خاں حجت کرو۔ائیے رے پگاں حجت نی کرو کہ اُو مانجی لگائی ہے۔آن نی ہوں اُوے رو دھنی ہاں۔اُو آپری زناکاری آپرے مہاندے خاں آپری بدکرداری آپری چھاتیاں خاں رے بچ خاں کاڈھ ڈئیے۔
3
ایاں نی ہووے کہ اُوے نا خراخرنا اُوے یا بے پردہ کراں آن ایاں چھوڑاں جاں اُونچا آپری پیدائیش رے ڈھینں ھتی۔ہاں اُوے نا جنگل آݪی کݪ ٹھاھواں آن خشک دھرتی ری متحال کر ڈان آن ترخ خاں مار ڈانھیں۔
4
آن اُوے ری اُولاد ماتھے رحم نی کراں ائیے رے پگاں اُو زناکاری اُولاد ہے۔
5
کیانکے اُوے ری ماں زناکاری کی آن جکے رے پیٹ میں اُوھتا اُوے بے حیائی را کام کریا۔کیانکے اُوے کہیو کہ ہوں آپرے اُوے عاشقاں رے لارے جائیخ۔جکو مانجی ٻاٹی آن پاڹی آن مانجی اُون آن مانجی کتڹ آݪی آن مانجو تیل آن مانجو شربت مناں ݙئی۔
6
ایئے رے کرئے جو ہوں اُوے رو مارگ کانٹاں خاں بندکرئیخ رو۔آن اُوے رے خامنے بھینت بنائیخ ری۔تاکہ اُو مارگ نی جووے۔
7
آن اُو آپرے عاشقاں لارے جاخے پڹ اُواں خاں کونی ملیں۔اُو اُواں ری تلاش کرخے۔پڹ کونی لابھے۔جڈے اُو کہہ خے کہ ہوں آپرے پہلکے دھنی کو پاچھی جائیخ۔کیانکے ہمیں اُوے کرئے مانجی حالت بھلی ہے۔
8
اُوے کونی اُوڑکھیو کہ میں ہی اُوے نا اُو دھان آن مے آن تیل دھنو آن اُوے چاندی آن خونے ری فراوانی عطا کی جکو بعل تے خرچ کریو ہتو۔
9
ائیے رے کرئے ہوں مُڑ کر آپرو دھان فخل رے وقت آن آپری مے اُوے رے موسم میں لیخ رو۔آن آپری اُوے اُون آن کتھن نا کھویخ لیخ ری۔جکے خاں اُو اُوگاڑ ڈھانپی۔
10
آن ہوں ہمے اُوے رے عاشقاں رے خامنے اُوے ری بےعزتی کرئیخ آن کوئی کونی ہووے جکو اُوے نا مانجے ہاتھاں خاں چھوُڑا وے۔
11
آن اُوے ری خاری خوشی آن اُوے رے عیداں آن اُوے رے نوے چانداں آن اُوے رے خارے محفلاں نا ختم کر ڈئیخ۔
12
ہوں اُوے نا اُوے ری انگور ری بیل آن انجیر برباد کر ڈئیخ۔جکے رے بارے میں اُوے کہیو ہتو کہ اے مانجے عاشقاں ری ڈھینوڑی شیئے ہے۔ہوں اے نا جنگل نڹاڈئیخ رو۔آن جنگلی جانور اُوے نا کھاخے۔
13
ہوں اُوے نا اُوے ری کاماں ری سزا ڈئیخ۔جکے میں اُوے اُواں رے خارو خوشبو ڈھنی۔آن باڑاں آن خنگار خاں بھریوڑی آپرے عاشقاں رے لارے گئ۔آن مناں بھول گئ۔(ایشور رو فرمان ایاں جی ہے)
14
ائیے رے کرئے جُو۔ہوں اُوے رے اپھالاں رے کرے پرہا کرئیخ۔آن رِنپٹ میں لے جائیخ را۔آن اُوے خاں محُبت رے باتاں کرئیخ۔
15
آن ہوں اُوے را پھخل اُوے نا پاچھاں ڈئیخ را۔آن عاکور ری وادی بھی تاکہ اُو اُمید رو دروازو ہو وے۔آن اُو آپری جوانی را ڈینھیں رے مطابق جݙے اُو ملُکِ مصر خاں نخر آئی تھی۔اُوتھے گاتی ریخے۔
16
آن اُوے ڈیھنیں (ایشور رو فرمان ہے) اُو مناں آپ رو دھنی کہہ خے۔آن پچھے مناں آپرو بعل کونی کہہ وے۔
17
کاڈھ چھوڑئیخ را۔آن پچھے کڈے وی اُواں را ناں کونی لنھا جاوے۔
18
آن ہوں اُوے رے پگاں جنگلی جانوراں آن ہوا رے پکھیاں آن دھرتی ماتھے رگڑڹ آڑا خاں وعدوں کرئیخ۔آن ملک خاں کمان آن تلوار آن جنگ ختم کرئیخ آن منکھاں نا خکون خاں رھوڹ ڈئیخ۔
19
آن ہوں تئیں خاں ھمیئے رے خارو مگڹی کرئیخ۔ہاں ہوں انصاف آن خچائی آن مہر بانی آن رحمت خاں تئیں خاں مگڹی کرئیخ۔
20
بلکہ وفاداری خاں تئیں خاں مگڹی کرئیخ آن ایشور نا اُوڑکھ لئیخ۔
21
آن اُوے ڈیھنیں ہوں خڹیئخ (ایشور رو فرمان ہے) ہوں آخمان ری خڹئیخ آن اُو دھرتی ری خڹیخے۔
22
آن دھرتی میں اناج آن مے آن تیل ری خڹخے آن اُو یزرعیل ری خڹخے۔
23
آن ہوں آپرے پگاں اُوے نا اُوے دھرتی میں اُوگائیخ آن لورحامہ ماتھے رحم کرئیخ۔آن لوغمی خاں کہئیخ کہ توں مانجی اُمت ہے آن اُو کہخے کہ اے مانجا ایشور۔