¹ مُلک رے جکاں منکھاں نا شاہِ بابل نبوکدنضر بابل نی لے گیو ہَتو اُوئاں غلاماں ری غلامی میں خاں او جکو نکݪ آیا اَن یروشلیم اَن یہوداہ میں آپرے آپرے گھر نا پاچھا آیا او ایہ ہے۔ ² او زربابُل، یشُوع، نحمیاہ، سرایا، رعلایاہ، مردکی، بِلشان، مِسفار، بِگوی، رحُوم اَن بعنہ رے بھیݪا آیا۔ اسرائیلی قوم رے مرد ایہ ایترا ہَتا۔ ³ بنی پرعُوس ٻے ہزار ہیک خو باہتر۔ ⁴ بنی سفیطاہ تین خو باہتر۔ ⁵ بنی آرخ خات خو پنجھتر۔ ⁶ بنی پخت موآب جکو یشوع اَن یوآب ری اولاد میں خاں ہَتا ٻے ہزار آٹھ خو ٻارھے۔ ⁷ بنی عَیلام ہیک ہزار ٻے خو چُرونجا۔ ⁸ بنی زتو نو خو پنتالیخ۔ ⁹ بنی زکی خات خو خاٹھ۔ ¹⁰ بنی بانی چھ خو ٻیتالیخ۔ ¹¹ بنی ببئی چھ خو تریویخ۔ ¹² بنی عزجاد ہیک ہزار ٻے خو ٻائیخ۔ ¹³ بنی ادُونقام چھے خو چھیاسٹھ۔ ¹⁴ بنی بِگوی ٻے ہزار چھیونجا۔ ¹⁵ بنی عدین چار خو چُرونجا۔ ¹⁶ بنی اِطیر حزقیاہ رے گھر را اٹھانوے۔ ¹⁷ بنی بضَی تین خو تریویخ۔ ¹⁸ بنی یورہ ہیک خو ٻارھے۔ ¹⁹ بنی حاشُوم ٻے خو تریویخ۔ ²⁰ بنی جبار پچانوے۔ ²¹ بنی بیت لحم ہیک خو تریویخ ²² نطُوفہ آلاچھیانوے ²³ عنتوت آلا ہیک خو اٹھائیخ۔ ²⁴ بنی عزماوت ٻتالیخ۔ ²⁵ قریت عریم اَن کفرہ اَن بیروت را منکھ خات خو ترتاݪیخ۔ ²⁶ رامہ اَن جبع را منکھ چھ خو اکیخ۔ ²⁷ مکماس آلا ہیک خو ٻائیخ۔ ²⁸ بیت ایل اَن عی را منکھ ٻے خو تیئیخ۔ ²⁹ بنی نبُو ٻاونجا۔ ³⁰ بنی مجبیس ہیک خو چھیونجا۔ ³¹ ٻجے عَیلام ری اَولاد ہیک ہزار ٻے خو چُرونجا۔ ³² بنی حارِم تین خو بیخ۔ ³³ لود اَن حادید اَن اونو ری اَولاد خات خو پچِیخ۔ ³⁴ یریُحو را منکھ تین خو پینتاݪیخ۔ ³⁵ سناآہ را منکھ تین ہزار چھے خو تریویئخ۔ ³⁶ پچھے ایشور رے پوجاریاں یشوع رے خاندان میں خاں یدعیاہ ری اَولاد نو خو تہتر۔ ³⁷ بنی اِمیر ہیک ہزار ٻانوے۔ ³⁸ بنی فشحور ہیک ہزار ٻے خو سنتاݪیخ۔ ³⁹ بنی حارِم ہیک ہزار خترہ۔ ⁴⁰ اَن لاویاں میں ہُوداویاہ ری نسل میں خاں یشوع اَن قدمی ایل ری اَولاد چوہتر۔ ⁴¹ گاوݨ آݪا میں خاں بنی آسف ہیک خو اٹھائیخ۔ ⁴² درباریاں میں خاں بنی سلُوم بنی آطیر۔ بنی طلمون۔ بنی عقُوب۔ بنی خطیِطا۔ بنی سوبی خارا بیچاڑ تے ہیک خو انتاݪیخ۔ ⁴³ اَن نتنیم میں خاں بنی ضیحا۔ بنی خُسوفا بنی طبعُوت۔ ⁴⁴ بنی قروس۔ بنی سیعہا۔ بنی فدون۔ ⁴⁵ بنی لِبانہ۔ بنی حجابہ۔ بنی عقُوب۔ ⁴⁶ بنی حجاب۔ بنی شملی۔ بنی حنان۔ ⁴⁷ بنی جدیل۔ بنی حجر۔ بنی رَآیاہ۔ ⁴⁸ بنی رصین۔ بنی نقودا۔ بنی جزام۔ ⁴⁹ بنی عُزا۔ بنی فایسخ۔ بنی بسی۔ ⁵⁰ بنی اسناد۔ بنی معُونیم۔ بنی نفی سیم۔ ⁵¹ بنی بقبوق بنی حقُوفا۔ بنی حرحُور۔ ⁵² بنی بضلُوت۔ بنی مِحیدا۔ بنی حرشا۔ ⁵³ بنی برقُوس۔ بنی سیسرا۔ بنی تامح۔ ⁵⁴ بنی نضیاح۔ بنی خطِیفا۔ ⁵⁵ سُلیمان رے نوکراں ری اَولاد بنی سُوطی۔ بنی حسوفرت بنی فرودا۔ ⁵⁶ بنی یعلہ۔ بنی درقون۔ بنی جدیل۔ ⁵⁷ بنی سفطیاہ۔ بنی خطیل ۔ بنی فُوکرت ضبائم۔ بنی امی۔ ⁵⁸ سب نتنیم اَن سُلیمان رے نوکراں ری اَولاد تین خو ٻانوے۔ ⁵⁹ اَن جکو منکھ تل ملح اَن تل حرسا اَن کرُوب اَن ادان اَن امیر خاں گیا ہَتا جکو ایہ ہے پݨ ایہ منکھ آپرے آپرے خاندان اَن پیڑھی رے بارے میں کونی ݙخل خگیا۔کہ ایہ اسرائیل را ہے کہ کونی۔ ⁶⁰ بنی دِلایاہ۔ بنی طُوبیاہ۔ بنی نقُودا چھ خو ٻاونجا۔ ⁶¹ اَن ایشور رے پوجاریاں ری اَولاد میں خاں بنی حبایاہ۔ بنی ہقوص۔ بنی برزِلی جکے جِلعادی برزِلی رے ݙیکریاں میں خاں ہیک خاں بیہاں کرواَن اُوئے رے ناں خاں خُݨجو۔ ⁶² اُوئاں آپری پوتھی اُوئے رے پوتھیاں میں خاں لابھی پݨ اُوئاں نا کونی ملی۔ ایئے رے خارو اُو پلیت گݨیجا گیا اَن ایئاں ایہ پرچار کرݨ خارج کریا گیا۔ ⁶³ اَن حاکم اُوئاں نا کہیو کہ جتری تک کوئی ایشور رو پوجاری اُوریِم اَن تمِیم (ایہ خاص یویتر پتھر ہَتا جکو ایشور رے پوجاری رے لباس میں لاگوڑا ہَتا) نی لاگوڑا ہوے اُتری تک او پویتر چیزاں میں خاں نی کھاوے۔ ⁶⁴ خاری جماعت بچڑ اَن ٻتاݪیخ ہزار تین خو خاٹھ ری ہَتی۔ ⁶⁵ اِیئاں خاں ٹاݪ اُوئے رے نوکراں اَن ٻانھیاں ری گنتی خات ہزار تین خو سینتیخ ہَتی۔ اَن اُوئاں بھیݪا ٻے خو گاوݨ آݪا اَن گاوݨ آݪے ہَتے۔ ⁶⁶ اُوئاں را گھوڑا خات خو چھتریخ اَن خچر ٻے خو پینتاݪیخ۔ ⁶⁷ اُوئاں را اُونٹھ چار خو پینتیئخ اَن اُوئاں را گݙھا چھ ہزار خات خو بیخ ہَتا۔ ⁶⁸ اَن اُوئے رے برادری میں خاں کہینک سرداراں جݙے پرمیشور رے گھر میں جکو یروشلیم میں ہے آیا تو وݙی خوشی خاں ایشور رے گھر رے خارو دان ݙنو ایئے رے خارو کہ ایشور رو گھر بݪے بݨیو جاوے۔ ⁶⁹ اُوئاں آپری ہختی رے حخاب خاں خزانے میں خونے رے اِکاٹھ ہزار دِرہم اَن چاندی پانچ ہزار مَنہ (تقریباً 71 من 25 کلو) اَن ایشور رے پوجاریاں رے خارو خو جوڑو گابھا ݙنا۔ ⁷⁰ خو ایشور را پوجاری اَن لاوی اَن کہینک منکھ گاوݨ آݪا اَن درٻاری اَن نتنیم(ایہ وی ایشور ری بھگتی میں پوجاریاں آݪی کار خدمت کرتا جکاں نا ایشور را موٹا پوجاری چُگتا ہَتا) آپرے آپرے شہراں میں اَن خارا اسرائیلی آپرے آپرے شہراں میں جا بخیا۔