¹ جݙے عزرا ایشور رے گھر رے آگے رو رو اَن اوندھو کھِر اَن دُعا اَن اقرار کرتو وو تو اسرائیل میں خاں مَرداں اَن لُگایاں اَن ٻاݪاں رو ہیک موٹو ٹوݪو اُوتھ آ گیو اَن منکھ رَڑے کر کر اَن روتا وا۔ ² پچھے سِکنیاہ بن یحی ایل جکو بنی عَیلام میں خاں ہَتو عزرا نا کہوݨ لاگو مھاں آپرے ایشور را ݙوہاری تو ہویا ہا اَن ایئے دھرتی رے قوماں خاں اوپرے لُگائے پرنیجا ہا تو وی ہمے اسرائیل خاں اُمید ہے۔ ³ تو ہمے مھاں آپرے جکے ری بات منئی اُوئے ری خلاح رے مطابق جکو مھارے ایشور رے حکم خاں کانپئی خارے لُگایاں اَن اُوئاں ری اولاد نا اݪگی کرݨ رے خارو آپرے ایشور خاں قول کریں اَن ایہ شٻد رے مطابق کریو جاوے۔ ⁴ ہمے تو اُوٹھی کیانکے ایہ تھارو جی کام ہے اَن مھاں تئے بھیݪا ہا ہمت ٻاندھ اَن کام میں لاگ جا۔ ⁵ پچھے عزرا اُٹھیو تے ایشور رے موٹے پوجاریاں اَن لاویاں اَن خارے اسرائیل خاں دھیج لی کہ او ایہ وعدے رے مطابق عمل کرخے اَن اوئاں دھیج ݙنی ۔ ⁶ پچھے عزرا ایشور رے گھر رے خامھݨے خاں اُٹھیویہوحانان بن الیاسب رے گھر میں گیو اَن اوتھ جا اَن نی ٻاٹی کھادھی اَن نی پاݨی پیوکیانکے او غلامی رے منکھاں رے پاپ رے کرئے ماتم کرتو وو۔ ⁷ پچھے اُوئاں یہوداہ اَن یروشلیم میں غلامی رے خارے منکھاں میں پرچار کرݨ لاگو۔ کہ او یروشلیم میں بھیݪا تھی جاوے۔ ⁸ اَن جکو کوئی سرداراں اَن بوڈھیا ری خلاح رے میں تین ݙن تک نی آوے اُوئے رو خاری مال مݙی کھوخ لی جاوے اَن او آپ غلاماں ری جمات خاں اݪگو کریو جاوے۔ ⁹ پچھے یہوداہ اَن بنیمین را خارا منکھ تین ݙناں میں یروشلیم میں بھیݪا ہوا۔ مہیݨو نووو ہَتو اَن اُوئے ری بیخ تاریک ہَتی اَن خارا منکھ ایئے بات رے کرے اَن مہیے ری وجہ خاں ایشور رے گھر رے خامھݨے میدان میں ٻیٹھا کانپتا وا۔ ¹⁰ پچھے عزرا ایشور رو پوجاری ابھیج اَن کہݨ لاگو تھاں پاپ کریو ہے اَن اسرائیل رو پاپ بدھاوݨ خارو اوپرے لُگایاں خاں پرنیجا ۔ ¹¹ اَن پرمیشور آپرے ٻاپ ݙاݙے رے ایشور رے خامھݨے منو اَن اُوئے ری مرضی تے عمل کرو ایئے دھرتی رے منکھاں اُپرے لُگایاں خاں اݪگا تھی جاؤ۔ ¹² پچھے خاری جماعت بݪتی ݙنی اَن اُونچی اَواز میں کہیو جاں تئے کہیو اُوئاں جی کرݨ مھاناں ضرور ہے۔ ¹³ پݨ منکھ گھݨاں ہے اَن بݪہ گھݨو مہیے برخئی وو اَن آپاں ٻاہر ابھیج کونی خگتا اَن نی جی ایہ ہیک ٻے ݙناں رو کام ہے کیانکے مھاں گھݨو موٹو پاپ کریو ہاں۔ ¹⁴ ہمے خاری جماعت رے خارو مھارو سردار تھی اَن مھارے شہراں میں جکاں اُپرے لُگایاں خاں بیہاں کریو ہے او خارا ٹیم تے آوئے اَن اُوئاں بھیݪا شہر را بوڈھیا اَن قاضی ہووے جتری تک کہ مھارے ایشور رو کاݪ مھاں ماتھے خاں ٹݪ نی جاوے اَن مھاری صلح نی ہو جاوے۔ ¹⁵ چھڑی یُونتن بِن عساہیل اَن یحازیاہ بِن تقوہ نا ایہ بات بھلی کونی لاگی اَن مسلام اَن سِبتی لاوی اُوئاں رے بھیݪا ہَتا۔ ¹⁶ پچھے غلامی رے منکھاں ایئاں جی کریو اَن عزرا ایشور رو پوجاری اَن بوڈھیا بݙراں رے سردراں میں خاں کہینک آپری برادری خاں ناں با ناں دھار کریا گیا۔ اَن او ݙخوے مہیݨے ری پہلی تاریخ نا ایئے بات رے خارو ٻیٹھا۔ ¹⁷ اَن پہلکے مہیݨے رے پہلے ݙن تک اُوئاں خارے منکھاں رے ایئے بات رو فیصلو کیو جکاں اُپرے لُگایاں خاں بیہاں کریو ہَتو۔ ¹⁸ اَن ایشور رے پوجاریاں ری اولاد میں ایہ منکھ بچڑیوڑا ہَتا جکاں اُپرے لُگایاں خاں بیہاں کریوڑو ہَتو جاں بنی یشُوع میں خاں یُوصدق رو ݙیکرو اَن اُوئے را بھائی معسیان اَن الیعزر اَن یارب اَن جدلیاہ۔ ¹⁹ اُوئاں آپرے لُگایاں نا چھوڑݨ رو وادو کریو اَن پاپی ہوݨ رے کرے اُوئاں آپرے پاپ رے خارو آپرے آپرے جناوراں میں خاں ہیک ہیک گھیٹو بلیدان کریو۔ ²⁰ اَن بنی اِمیر میں خاں حنانی اَن زبدیاہ۔ ²¹ اَن بنی حارِم میں خاں معسیاہ اَن الیاہ اَن سمعیاہ اَن یحی ایل اَن عُزیاہ۔ ²² اَن بنی فشحُور میں خاں الیوعینی اَن معسیاہ اَن اسمعیل اَن نتنی ایل اَن یُوزباد اَن العسہ ²³ اَن لاویاں میں یُوزباد اَن سِمعی اَن قلایاہ (جکو قلیتاہ وی خُݨیجئی) فتحیاہ اَن یہوداہ اَن الیعزر۔ ²⁴ اَن گاوݨ آݪاں میں خاں الیاسِب اَن درٻاناں میں خاں سلُوم اَن طلم اَن اُوری۔ ²⁵ اَن اسرائیل میں خاں بنی پرعُوس میں خاں رمیاہ اَن یزیاہ اَن ملکیاہ اَن میامین اَن الیعزر اَن ملکیاہ اَن بنایاہ۔ ²⁶ اَن بنی عیلام میں خاں متنیاہ اَن زکریاہ اَن یحی ایل اَن عبدی اَن یریموت اَن الیاہ۔ ²⁷ اَن بنی زتو میں خاں الیوعینی اَن اِلیاسب اَن متنیاہ اَن یریموت اَن زاباد اَن عزیزا۔ ²⁸ اَن بنی ببی میں خاں یہوحانان اَن حننیاہ اَن زبی اَن عطلی۔ ²⁹ اَن بنی بانی میں خاں مسلام اَن ملوک اَن عدایاہ اَن یاسوب اَب سیال اَن یراموت۔ ³⁰ اَن بنی پخت موآب میں خاں عدنا اَن کلال اَن بنایاہ اَن معسیاہ اَن متنیاہ اَن بضلی ایل اَن بنوی اَن منسی۔ ³¹ اَن بنی حارم میں خاں الیعزر اَن یشیاہ اَن ملکیاہ اَن سمعیاہ اَن شمعُون ۔ ³² بنیمین اَن ملوک اَن سمریاہ۔ ³³ اَن بنی حاشوم میں خاں متنی اَن متتاہ اَن زاباد اَن الیفلط اَن یریمی اَن منسی اَن سمعی۔ ³⁴ اَن بنی بانی میں خاں معدی اَن عمرام اَن اُوایل۔ ³⁵ بِنایاہ اَن بدیاہ اَن کلُوہ۔ ³⁶ اَن ونیاہ اَن مریموت اَن الیاسِب، ³⁷ اَن متنیاہ اَن متنی اَن یعسو۔ ³⁸ اَن بانی اَن بنوی اَن سمعی۔ ³⁹ اَن سلمیاہ اَن ناتن اَن عدایاہ۔ ⁴⁰ مکندبی ساسی سارَی۔ ⁴¹ عزرئیل اَن سلمیاہ سمریاہ۔ ⁴² سلُوم امریاہ یوسف۔ ⁴³ بنی نبُو میں خاں یعی ایل متِتیاہ زاباد زبینا یدد اَن یُوایل بِنایاہ۔ ⁴⁴ ایہ خارا اُپرے لُگایاں خاں پرݨیجا ہَتا اَن کہینک ایہڑا وی ہَتا جکاں رے لُگایاں میں خاں اُوئاں نا اولاد ہَتی۔