1
تریخویں برخ رے چوتھے مہیڹے رے پانچویں ݙن ہوں اسیراں رے ادھ میں نہر کبار تے ہتو۔تو آخمان کُھل گیو آن میں ایشور را رویا ݙٹھا۔
2
مہیڹے رے پانچویں ݙن جݙے یویاکپن بادشاہ ری جلاوطنی (ݙیخ خاں کاڈھڹ) رو پانچوو برخ ہتو۔
3
پرمیشور کلدانیاں رے ملکھ میں نہر کبار تے حزقی ایل بوزی کاہن رے ݙکرے خاں بات چیت کرئی آن اُوتھے پرمیشور رو ہاتھ میں تے ہتو۔
4
میں دید کرئی تو کی جووئیں وہ کہ اُتر ݙخا خاں تیز ہوا اٹُھی۔موٹو باݙݪ ہتو آن باخڈے اُوے میں لپٹیو ݪو ہتو آن اُوے رے باݪ رو روشنی چمکتی وی آن اُوے رے میناں یعنی باخڈے رے میناں درخشاں قلز آݪی کر نظارو ہتو۔
5
آن اُوے رے میناں خاں چار جانداراں جہیڑی خکل ڈخیجی آن اُواں ری شکل اے ہتی کہ اُو منکھاں آݪی کار ہتا۔
6
آن ہر کئیں را چار مانݙا آن ہرکئیں را چار پر ہتا۔
7
آن اُواں را پگ خدھا پگ ہتا۔آن اُواں رے پگاں را تݪا ڈھگے رے پگاں آݪی کار ہتا۔آن حیقل ہو یوڑے پیتݪ آݪی کار جھلکتا ہتا۔
8
آن اُواں رے پراں رے نیچا منکھ را ہاتھ ہتا۔آن اُواں چاراں را مانݙا آن پر ہتا۔
9
اُواں را پر ہیکے ٻجے خاں جڑیوݪا ہتا۔بہیوتے ہوئے اُو مڑتی کونی ہتی۔آن اُو ہر ہیک آپرے آگے نا بہیوتی ہتی۔
10
آن اُواں چاراں را مانݙا ائیاں ہتا کہ چاراں را منکھ را مانݙا آن شر را مانݙا خجے پاخے آن چاراں را ڈھگاں را مانݙا کھاٻڑی پاخے آن چاراں را باز را مانݙا ہتا۔
11
آن اُواں را پر اُونچلے پاخے کھنڈڹ آݪا ہتا۔ہر ہیک را ٻے پر ہیکے ٻجے خاں جڑُیوݪا ہتا۔آن ٻے اُواں رے خریراں نا ڈ ھکتا ہتا۔
12
ان اُواں میں ہیک خیدھی آ گیا نا جاوتی ہتی۔آن جیکو جاوڹ رومن ہتو اُتھ جاوتی ہتی آن بہیوتے مڑتی کونی ہتی۔
13
آن ائیاں ہستیاں رے میناں باخݙے آݪی کاݪ ٻݪیوڑے کوئلے آݪی کاݪ ݙخیجتی ہتی۔اے باخݙے ہستیاں رے بیچ میں آگے لارے بہیوتی ہتی آن چمکتی ہتی آن باخݙے خاں بجلی نخرتی ہتی۔
14
آن ہستی بجلی ری چمک آݪی کاݪ بھجتی آن پاچھی آوتی۔
15
آن جݙے ہوں ہستیاں ݙخا جویو تو کی جووئیں کہ چارا ہستیاں کڈھے ہیک ہیک چکر زمین تے ہتو۔
16
چکراں ری صورت آن بناوٹ زَبرجد ری خکل آݪی کاݪ ہتی آن چاراں ری ہیک جی (شباھت) ہیکو جیہڑی ہتی۔ آن اُواں ری صورت آن بناوٹ ایڑھی ہتی جاں کہ چکر رے میناں چکر ہے۔
17
بہیوتے بہیوتے اُو آپرے چارے پاخے بہیوتے ہتے۔آن بہیوتے بہیوتے مڑُتے کونی ہتے۔
18
آن اُواں را کنارا اُونچا آن ٻہیوڹا ہتا۔آن چاراں را کنارا بݪدو بݪدو آنکھیاں خاں بھریجوڑا ہتا۔
19
آن ہستیاں رے بہیوتے چکر اُواں رے بھیݪا بہیوتا ہتا۔آن ہستیاں رے زمین نے خاں اُکھڹجڹ رے بکھت چکر وی اُکھڹیہتا ہوتا۔
20
آن جیکو جاوڹ رو دل ہتو اُو اُوکے جاوتے ہتے آن چکر اُواں رے بھیݪا اُکھڹیاں جاوتا ہتا۔کیانکے ہستیاں ری آتما چکراں میں ہتی۔
21
جݙے اُو بہیوتی ہتی تو اے وی بہیوتا ہتا۔ جݙے اُو رک جاتی تو اے وی رک جاوتا۔آن جݙے اُو زمین ماتھے خاں اُکھنی جاوتی ہتی تو چکر وی اُواں رے بھیݪا اُکھڹیاں جاوتا ہتا۔کیانکے ہستیاں ری روح چکراں میں ہتی۔
22
آن ہستیاں رے ماڹݙے ری ہوا(درخشاں بلور آݪی کاݪ ہتی) جکو ہیبت ناک ہتی آن اُواں رے ماتھاں تے کھنڈیوڑی ہتی۔
23
آن ہوا رے ہینٹاں اُواں را پر خدھا آن ہیکے ٻجے خاں جڑیوݪا ہتا۔آن ہر ھیک را ٻے پر وی ہتا۔جکو اُواں رے انگ نا ڈھکتا ہتا۔
24
آن جݙے اُو بہیوتے ہتے تو ہوں اُواں رے پراں ری آواز خڹتو ہتو۔پاڹی ری حرکت ری آواز جڹے کوئی قادر مطلق ری آواز ،آن لشکر ری آواز آݪی کار شور ری آواز ہوتی ہتی۔آن جڈے اُو رکتی ہتی تو آپرا پر ہیڹٹا لٹکا چھوڑی ہتی۔
25
جڈے اُو رکتی ہتی تو آپرا پر ہیڹٹا لٹکا چھوڑی ہتی۔ تو اُوے ہوا میناں خاں جکو اُواں رے ماتھاں تے ہتی آواز آوتی ہتی۔
26
آن اُوے ہوا رے ماتھے جکو اُواں رے ماتھاں تے ہتی۔نیلم رے پتھر ری شکل ری شباھت ری تخت ہتی۔شباھت تخت تے کہی انسان آݪی کار صورت نظر آئی۔
27
آن میں اُوے رے میناں خاں اُوے رے محیط تک درشاں قلز آݪی کاݪ یعنی اُوے ری کمر خاں اُونچا ری طرف باخݙے ری شکل ہتی۔آن اُوے ری کمر ری صورت خاں نیچا ری طرف باخݙے ری شکل ݙٹھئی۔آن اُوے رے چارے پاخے جھلک ہتی۔
28
آن گردوپیش ری جھلک ری خکل ایڑھی جی ہتی جیڑھی بارشاں رے ݙناں میں بادلاں میں کمان ہووئی۔ایشور رے جلال ری شباھت ری خکل اے جی ہتی۔ھوں اُوے نا جو آن مانݙے تانی کھریو۔ آن ھیک کلام کرڹ آݪے ری آواز خڹی۔