1
۱۔پولس جکو ایشور ری مرضی خاں پربھویسوع مسیح رو سنت ہے اُواں رے ناں جکو اِفس میں ایشور رے خاروں چگیوڑو ھیں آݨ یسوع مسیح رو وفادار ہے۔
2
۲۔ مھارے ایشور پتا آݨ ایشور یسوع مسیح ری کرپا تیں تے وے۔
3
۳۔آݨ مھارے پربھویسوع مسیح آݨ ایشور پتا ری بݙائی رے جکے مسیح میں آکاشی جگھاواں میں مھاناں ہر طرح ری ایشور ری ݙات بخکی ہے
4
۴۔دینا رے بݨݨ خاں پہلی ایشور مھاناں اُوے خاں چگیو کیاں کے مھیں اُوے ری نظر میں پویتر آݨ بے عیب واں۔
5
۵۔ایشور رے پیار میں اُوے مھاناں پہلی خاں چوگیا ھتا۔ مسیح یسوع میں اُوے رے کرے لیوڑو ݙیکرو کہایو اُوے ائیے رے کرے کیاں کے اُو آپ ری مرضی پوری وݨ تے خوش ھتو۔
6
۶۔ اِئیے خاروں ائیے رے کرے ھیو کیاں کے ایشور رے ݙایا ری بݙائی وے جکو اُوے آپ رے پیارا ناں محنت ݙنی۔
7
۷۔مھاناں یسوع مسیح میں مگتی آݨ پاپاں ری معافی اُوے ری ݙایا اُوے ری کرپا ری دولت رے مݪی ہے
8
۸۔ اِے کرپا مھاں تے خمجھ آݨ عقلمند رے خاروں گھݨی ݙینی گی۔
9
۹۔ایشور آپ ری مرضی رے لکیوڑے چیزاں مھاں تے ظاہر کرئیے۔ جکو اُوے پربھو یسوع میں ظاہر کیا۔
10
۱۰۔ جݙھے اُوے رے مقصید پورو وݨ رو ٹائم آیو تو مسیح میں خارے چیزاں رو بھیݪو آکاش تے ھوخے۔
11
۱۱۔اُوے پیار رے خیال رے مطابق جکو آپ ری مرضی ریخ خاں کرئیں۔ مھیں پہلی خاں چگیوڑا ھتا آݨ ابھجیوڑا ھتا۔
12
۱۲۔ ایشور مھاں ناں بارخ چگیا کیاں کے مھیں جکو پہلی ھتا اُو پربھو یسوع تے وشواس راکھتا ھتا اُوے رے مہماں ری بݙائی رے خاروں رکھیجو۔
13
۱۳۔مسیح رے واخلے خاں تے خچائی ری پرچار آݨ آپ ری مگتی ری پرچار ناں خوݨائی جکے تے تو اعتبار کرئے پویتر وعداں تے آتماں ری مہر لاگی۔
14
۱۴۔ اُو مھاری حیخے ری زمانت ہے جیتی تک مھیں اُوے ناں حاصل نی کرلا تاکہ اُوے مہماں ری ستائش ہوے۔
15
۱۵۔اُوے رے کرے اُوے ٹائم خاں جݙے تاجے ایمان رے خاروں جکو یسوع مسیح تے ہے آݨ جکو خاراں رے بارے لکھی گی خݨیو۔
16
۱۶۔ تو مھیں تناں آپ ری پراتھناواں میں یاد کریا آݨ تھاری خطر شکرگزاری کرݨ کونی کی۔ مھیں پراتھنا کرئیں کہ مھارے پربھویسوع مسیح رو ایشور مہماں رو پتا تھاناں آتماں ری قدرت آݨ آپ رے بھید رو علم ݙیخے۔
17
۱۷۔مھیں پراتھنا کرئیں وا تھارے دل ری آنکھیاں تے اُوجاݪو ہوجاوے۔ تاکہ توں اُݪکھے اُوے رے ھیلو کرݨ میں اُومند ہے اُوے ری بھانگے میں دھن ایمانداراں میں کہڑی ہے۔
18
۱۸۔ مھیں پراتھنا کرئیں کہ اُوے ری قدرت رے کاماں رو اثر جکو ایمان داراں میں ہے ائیے ناں جاݨیو۔
19
۱۹۔مھیں پراتھنا کرئیں کہ اُوے ری قدرت رے کاماں رو اثر جکو ایمان داراں میں ہے ائیے ناں جاݨیو۔
20
۲۰۔اِے رو زور ہے جکے مسیح میں کام کریو جݙھے ایشور اُوے ناں موؤڑاں خاں جیوتا کیا آکاشی جگہ میں آپ رے خاجڑی ہاتھ ٻیخاݨخے۔
21
۲۱۔ اِے رے کرے مسیح ناں ہرطرح را اخول ݙینا قدرت آݨ حکومت آݨ خارے ناواں خاں اُونچو کریو چھوڑو ائیے زمانے میں بلکہ آوݨ آݪے زامانے میں بھی لیوجاخے۔
22
۲۲۔ایشور خارے چیزاں اُوے رے حوالے کرئیں آݨ موٹو بݨا رو منڈݪی ناں ݙے ݙھنو۔
23
۲۳۔ منڈݪی اُوے رو بدن آݨ پرتاٻ ہے خاراں ناں بھرݨ آݪو ہے۔