1 Wadi asta ay bayay! Homa bati sual kara ki Khodayas mondr shohõn ghaz preygijiw aria khen ki abi aa. 2 Saw shum mocan pi bac thi apaw dek aria koki saw bhawar ne Kai an. 3 Magam Khoday sahi. Se mimi dang kariw zhe shaithanas pi bac kariw. 4 Khodayas som homa mimi thara yakin shiaw kia hokum ki mimi dek dai abi to maniaw dai zhe ruaw asta maniaw. 5 Khoday mimi hardi una Khodayas muhabat zhe Masih e sabaras hidayat del aria. 6 Ay bayay! Abi tan Khoday Isaa Masih e nomas thara mimi hokum dek dai ki har ek shehen` bayay pe desha hali kura ki nawac phond una kasiw dai zhe shato dastur ne maniw dai kia ki homa gehenaw dai tasa thara zhali shiaw. 7 Koki abi tan jhona dai ki homa raw khen thi hik bhaa koki abi abatha phond una ne kasiman aimi. 8 Kas mupht au ne zuiman aimi baliki mehnat mushakat thi adu rat krom kariman aimi ki mimi hatya gudazi mo hiw aria. 9 Shehen` ghõi o ne ki abi to karik ne bhaik baliki Shehen` ghõi ki abi mimi hatya namuna hik ki abi asta homa raw hali. 10 Abi mimi tada aimi e shatara wat una asta mimi kai hokum diman aimi ki kura mehnat ne kariw o se zhuk asta ne bhaw. 11 Abi sangaik dai ki mimi mocaw adhe abatha kasin dai zhe kia krom asta ne Karin dai baliki waregin kromas mocai in dai. 12 Shehen` mocan kai abi hokum dek dai zhe nasihat asta karik dai ki phek thi krom kai tan au zhua. 13 Abi ay bayay! Prust krom karikwew mo agra. 14 Kura homa shesa khatas mond ne manin te jaga zhe tasi pe desha apaw det ki te shermada hin aria. 15 Magam to dushman o mo cita baliki tasa Kai baya raw thi nasihat kara. 16 Ajo Khoday kura ki tasalias babayuk semi mimi hamesha tasali del. Khoday mimi sawin som hiw aria. 17 A Palus tan bazas thara Ishpata neiweshum dai har khat una mai shiami nishan shiaw. A shehen`mi kai neweishum dai. 18 Homa Khoday Isaa Masih e barakat mimi sawin thara hiw aria.