¹ Ay bayay! Abi tan Khoday Isaa Masih e ikas zhe tasa tada sarikas bati mimi kai maik dai. ² Ki kas arwahas zhe kia mondran yao kas khatas thara se homa gehenaw dai ashes pe haw shehen` jhoni ki Khodayas adua s`oi ita shiaw mimi akal pareshan mo hiw aria abi behaw o mo. ³ Kas dhuka una mo para koki shase adua ne iw ki se gunah kada moc pashun ne pariw. ⁴ Kura ki ne maniw dai zhe har ek kura ki tan kai Khoday ghõi mai tan soro ghona joshiw. Shaya zhe ki se Khodayas tada nesi tan kai Khoday ghõi maw. ⁵ Kia tai yadi ne aa ki a tai tada ais e to tai kai shemi mond dai ais? ⁶ Ajo kia ishnari ki to ne lasel dai ki se tan sahi wat una iw to abi jhona dai. ⁷ Koki mazhab ne jhonaw ta jhonik hiw dai magam ajo ek to ne lasawaw aw to kai zhe ki desha ne Karin to ne lasel. ⁸ Shatara wat una se mazhab ne maniaw pashun pariw kas ki Khoday Isaa tan ashas phushas thara nashai zhe tan ikas thara taba kariw. ⁹ Zhe tasa ik shaitanas mondras hisab una har ruyan galat nishanan zhe hairan hikbas kroman som. ¹⁰ Nashawan bati har ruyan dhukas som hiw. Koki te hakas muhabat ne agrian kas wajen ki te khalas hin. ¹¹ Shehen`as mi wajen dai Khoday te abatha kariw ki te phan mond patin. <sup>12</sup> Kimon moc ki hakas yakin ne Karin dai baliki narast hik khoshain dai te saw saza zhun. <sup>13</sup> Magam mimi barauna ay bayay! Khodayas sheshoyakan har wat Khodayas shukur karik homa thara pharaz shiaw koki Khoday shurug una shati homa shehen` mias bati khoji ais ki arwahas thara sapha thi zhe hakas thara khalas hali. ¹⁴ Kas bati ki se mimi homa khoshanias mondras bati khundiay aw ki abi Khodayas takat gria. ¹⁵ To ay bayay! Dang thi apaw det zhe kia dasturan bara una ki abi homa ashas zhe khatas thara sabak gri aa shatasi thara apaw det. ¹⁶ Ajo homa Khoday Isaa Masih tan zhe homa dada Khoday kura ki homa som muhabat arawzhe barkatas som tasali zhe prust umeed praw. ¹⁷ Mimi hardias tasali del aria zhe har ek prust krom una zhe Khodayas mondr una dang kariw aria.