¹ Palus zhe Silwanus zhe Timotias e gehenaw dai Thasalankia desh aini mocan nomuna kura ki homa dada Khodayas som an. ² Barkat zhe tasali Khoday dada gehenaw dai mimi thara hiw aria. ³ Ay bayay! Mimi barauna har wat Khodayas shukur karik homa thara pharaz koki mimi bhawar ziad himan pariw dai zhe mimi sawin muhabat egoegin som ziad hiw aria. ⁴ Shaya zhe ki abi tan Khodayas mocan mocaw mimi thara phakhar karik dai ki kimon zulum zhe musibat mimi thara hin dai tara mimi sabar zhe bhawar pashun pariw dai. ⁵ Ea Khodayas sahi adalatas sapha nishan ki abi Khodayas bacaias lahik hali kas bati ki abi gudas asta hali dai. ⁶ Koki Khodayas s`oi shia insaph ki musibat onawas thara musibat hiw. <sup>7</sup> Tu o musibat uprawawan aram dey Isaa pe tan pharishtan som d`I aini angaras som thi iw. ⁸ Kura ki Khoday ne jhonin dai zhe homa Khodayas mond ne manin dai tasi pi badela griw. ⁹ Te Khodayas ruas zhe gaderakias pe desha thi hameshas nashikas saza zhun. ¹⁰ Ea shatara adua hiw ki se tan mocan som iw koki abi homa guahias thara bhawar arili. ¹¹ Shatalako abi har tem mimi hatya sual asta karik dai ki homa dada mimi khundiel zhe prusti karikas har khuwaish zhe bhawaras har ek krom takatas thara pura kariw. ¹² Ki homa Khoday zhe Isaa e hisab una homa Khodayas nom mimi som zhe tasa se o tasa som hiw.