1 Kimon nokar ki juwa gerias nõuna an tan malekas prust izzat Karin aria ki Khodayas nom zhe izzat badnam mo hiw aria. 2 Kas ki gaderak bo imandar moc te tasi baya hikas wajen dai tan pe kam mo joshin aria baliki shehen` ghõi ziad tasi khesmat karin aria ki phaida zuaw imandar zhe izatdar. Tu shesi mondr sabak de zhe nasihat Kari. 3 Kura moc pe warek kias sabak diman ais pe haw zhe sahi mondran matlab homa Khoday Isaa Masih e mondran zhe shato sabak o ne maniw dai kurai ki mazhabas bara una hin dai. 4 Se o tan thara phakhar karaw kia jhoniw o ne dai baliki se behez karaw. Kura ki behes zhe shatik zhe cinik zhe kas ki desha hik. 5 Tasi mocan mocuna badela paida hiw dai. Kas ki akal kharab hiw dai zhe tasi hak asta ne milaw hiw dai zhe mazhab tan hatya phaida ghõi citin dai. 6 Han mazhab una bo phaida shiaw. 7 Koki ne ta abi dunia una kia oni aik ne o andena kia harik bhaik. 8 Shatalako homa som sambikas bati pe kia shian pe haw to shukur kara. 9 Magam kura ki dawlatmand hik khojin dai te shehen` azmaish una zhebo shum kromai zhe nuksan zhalaw khuwaish karin dai te o insan tabah zhe nashaikas dariya una histin dai. 10 Koki kimati dusti har ruyan shum kroman isnos kas ki khuwaish kai bazi bhawaras pi abatha thi tan hardi bo kisman gham una tabah kai an. 11 Magam ay Khodayas bandagan! Tu shesi mondran pi palas zhe ujak phond una, mazhabas phond una, bhawar, muhabat, sabar karaw ha. 12 Bhawar kai shati. Shatasa hameshas umbur zhe majaras thara kabza kari kas bati ki tai khundiay an zhe bo prust guahan ruaw tu ikrar thi ai. 13 A shato Khoday kura ki saw ishnari zinda kariw dai zhe Isaa Masih kura ki Puntis Pilatus e ruaw prust ikrar kai ais to guah kai tai kai mam dai. 14 Ki homa Khoday Isaa Masih e ikuna zhe hokum una kia nishan kia mond mo zhalin aria. 15 Kia ki se prust wat una pashel kura ki mubarak zhe se ek mi gaderak, bacahan baca zhe Khodayan Khoday. 16 Saw kia tasa mi bati zhe se o shatara phreylik una apaw del dai Kawa ki kura zhalik ne bhan ne o to kura insan pashi an ne o pashik bhan. Tasa izat zhe gaderaki hamesha hiw aria. Ameen 17 Onja jahan aini dawlatmandan kai hokum de ki tan soro ghona mo hali zhe khul hiaw dawlatas tharo ne baliki Khodayas thara umeed tha kura ki homa bati saw ishnari bo kai del dai. 18 Prust krom kara. Prust kromai dawlatmandan hali zhe waregin madad karaw zhe diaw hali. 19 Ruaw tan bati prust buniad sawzaa ki sahi dunia una kabza karik bhaa. 20 Ay Timotias! Shama amanat prust kai thai zhe kas sabakas kai sabak ghõi maik mi galat tasa behuda bakwas kõ mi mo kari. 21 Bazi tasa ikrar kai bhawaras pi desha thi an. Mimi thara barakat hiw aria.