¹ Phato ruh sahi kai maw dai ki geri zamana una ade moco abatha karaw arwah zhe shithanas sabakas gehen pai bhawaras pe desha parin. ² Shemi tasi cutak mocan shum kroman wajen dai hin kas hardi ki pec' cimbaras raw hiw. ³ Shemi moc jaa karik ne manin zhe tasi au zukas pe parhezas hokum den kas ki khoday shehenas bati paida kai aw ki bhawar karaw zhe hak jonaw moc te shukur Kai o zhua. ⁴ Koki khodayas paida kada har ishnahari sahi shean zhe kia ishnahari inkaras lahik ne koki har ishnari shukur Kai o zuha. ⁵ Shehenas bati ki khodayas mond zhe sual saw onjasta hen dai. ⁶ Magam abi bayali kai shemi mon yad dehaeli pe haw to Masi Yasuas prust khesmat karaw hali zhe bhawar zhe shatasi prust sabakan mondan pe kas ki tu hephazat kariman eta as. ⁷ Magam behuda zhe akhabiron achohikan pe desha thi Khodayas gehen para. ⁸ Koki jhandas phida kam sheaw magam Khodayas mond saw mondan phaida den. Koki onjaw zhe ruawaw umburas wagda asta se kai aw. ⁹ Sheya mond sahi sheaw har gehenaw dai manik bas . ¹⁰ Koki abi mehnat shehen mi ghoi karik dai ki homa umet shatasa zinda khodayas thara sheaw kura ki saw mocan khas kai ki bhawar karawan gaderak. ¹¹ Shesi mondan hokum day zhe cecai. ¹² kura tai juhanias mond ne dek bahan aria kokitu bhawar karawan hata mond dai zhe ustik nesik zhe muhabat zhe bhawar zhe saphaias namuna hali. ¹³ kai zhe ki a ne em sabak maikas zhe nasihat kara zhe sabak dikas gehan para. ¹⁴ Shesa nemat as pe desha mo hali kia ki tai som sheaw mondas thara akhabiron baza thahikwew tai melaw thi ashis. ¹⁵ Shesi mondan parwah kara. shehen mi mashkulgihai apaw det ki mimi ruaw pahak saw thi pashin oria . ¹⁶ Tan zhe tan sabak mahikas khabardari kari shemi mondan thara apaw det koki shehen karikas thara tu tan zhe tan kon karawan asta gunah aini khalas karik bha.