¹ To a sawin pe awel shehen nasihat karim dai ki saw mond zhe sual zhe darkhast zhe shukur saw moch an hata kara. ² Bacahan zhe saw ghona mocan hata shehenas bati ki abi aman zhe aramas som zindagi teraik. ³ Sheya homa khodayas ruaw wakdah zhe khosh sheaw. ⁴ Phato se khojew dai ki saw moc gunah aini khalas his aria zhe prusti asta jonin aria . ⁵ Koki khoday ek mi aw khoday zhe insanas mocuna asta ek masi yasu kura ki insan aw. ⁶ Phato kura ki tan saro sawin hatya tan zhan praw ki sahi wat una o tasa bati gawahi den aria . ⁷ A sahi mam dai phan ne dem dai ki a shehen mi thi mond diaw zhe paygumbar zhe warek mocan bhawar zhe prustias mond diaw mukarar hawis. ⁸ Phato a khojem dai ki moch har jaga una ne kari hew zhe onjasta baza uprai sual kara. ⁹ Shehen mi thi istriza asta prust pardan peran sambi sharam zhe parhez kai tan saro sawzah ne ki prust tayar zhe sohorum zhe kimati prian as thara. ¹⁰ Baliki prust kroman tara khen thi ki khodayas ikrar karaw istrizon tara sheaw. ¹¹ Phato istrizas o phek thi sheshoyak kai ceceli. ¹² Phato a ejazat ne dem dai ki istriza cichain zhe mocan hokum dain baliki phik thi apaw den aria. ¹³ Koki awel adam sawzan tasa pishtaw o hawa. ¹⁴ Phato adam o dhoka ne zui aw koki istriza dkhoka zui guna araw . ¹⁵ Magam tasa aulad ubujon pe haw te gunah aini khalas hin koki te saw bhawar zhe muhabatas som apaw den.