1 Palus a gehenaw dai kura homa khoday zhe homa bharosa karaw Yasu masias hokumas thara Masi Yasu a paygumbar. 2 Timotia a nomas thara kura ki bhawaras wajen dai mai Sahi banda. Rakum zhe tasali khoday dada gehenaw dai homa thara hiw aria. 3 Khen ki a Magdinia parikwew mimi kai nasihat kai ais ki Iphsis apaw dai bazi mocan kai hokum Kari ki warek sabak o mo det. 4 Shatasi acoikan zhe noman lihaz mo Karin aria kas wajen dai s`atin zhe tasa Khodayas kada ishnarian raw ne teo bhawaras thara shian ao te onja asta karim dai. 5 Hokumanas maksad shia ki pak hardias zhe prust niatas zhe bo bhawaras thara muhabat paida hiw aria. 6 Shemi histi bazi moc o behuda bakwasas gehen hawan. 7 Shariatas gaderak hik ghõi citin dai zhe kia ki mond te den dai zhe kas ki te dawa Karin dai tan o te ne jhonin dhai. 8 Magam abi jhonik dai ki shariat prust kura ama shariatas krom una asta onin aria. 9 Matlab shehen` jhoni ki shariat ujak phond una kasawan hatya ne mukarar Kai shiaw baliki saw mocan zhe mazhab ne maniaw mocan zhe gunah karawan zhe napak zhe aya dada nashawan zhe lui nehawan. 10 Zhe haram zuawan phan diawan zhe galat shat cawawan zhe isi sargairo sahi sabak diawan zhe khilaph krom karawan bati asta shiaw. 11 Ea mubarak Khodayas gaderakias zhe khoshanias mondras hisab una shiaw kia ki mai hawala Kai aini. 12 A mai takat diaw Khoday Yasu Masih e shukur karim dai se mai prust josi tan khesmat karikas bati mukarar Kai aw. 13 Awel ta a shum mondr diaw zhe tang karaw zhe bezat karaw ais wadi asta mai thara rakum hawaw koki a bhawar ne kai shatara halat una nadani una shemi krom Kai ais. 14 Homa Khodayas barkat shase bhawar zhe muhabatas som kia ki Isaa Masih e thara shiaw bo ziad hawaw. 15 Ea mond sahi zhe har gehenaw dai kubul karikbas`ki Isaa Masih gunah karawan gunah aini nehaika dunia una ita aw tasi mocaw a sawin pi gada. 16 Magam mai thara rakum shehen` ghõi thi shiaw ki Isaa Masih maigunah karawas thara tan krom pashel ki kura moc hameshas umbur zhe majaras bati tasa thara bhawar Karin tasi mocaw a namuna sauz him. 17 Ajo s`a matlab ne Khul hiaw Khodayas izat hamesha hiw. Ameen. 18 Ay Timotias shemi mondr kia ki tai bara una s`umber thi shian a shama hokum tai hawala kariw dai ki tu isi hisab una sahi thi s`atis aria zhe bhawaras zhe prust niatas thara apaw de. 19 Kas ki desha karikas wajen dai bazi moc bhawaras jahaz tabah Kai an. 20 Tasi mocaw Humnis zhe Sikandar asta an. Te o a shaitanas hawala Kai am ki shum kroman pe desha apaw dek cicin.