¹ بِندات ءَ کلمہ ءِ ات کلمہ ھدا ءِ گون ءَ ات او کلمہ ھدا اَت۔ ² ھمیں بِندات ءَ ھدا ءِ گون ءَ اَت۔ ³ تیوگیں چیز آئی ءِ وسیلہ ءَ چہ پیداک بوتگ اَنت،او ھرچی پیداک بوتگ چرایاں اچ چیز بگیر چہ آئی ءِ وسیلہ ءَ پیداک نہ بوتگ۔ ⁴ آئی ءِ تہا زِند ھست اَت ءُ آ زند مردمانی رژن اَت۔ ⁵ او رژن تھاری ءَ ترپ ایت او تھاری ءَ آئر ءَ کبول نہ کرت۔ ⁶ یوھَنّا نامیں مردمِ آتک کہ آ چہ ھدا ءِ نیمگ ءَ دیم داتگ اَت۔ ⁷ ای پہ شاھدی ءَ آتکگ اَت کہ پہ رژن ءَ شاھدی بِدنت تاکہ تیوگیں آئی ءِ وسیلہ ءَ ایمان بیار اَنت۔ ⁸ آ وت رژنائی ءِ نہ اَت بلے رژن ءِ واسطہ شاھدی دیگ ءَ آتکگ اَت۔ ⁹ ھکیکتیں رژن کہ آ ھرچ مردم ءَ رژنا کنت دگنیایا پیداک اَت۔ ¹⁰ آ دگنیایا اَت او دگنیا ھمائی ءِ وسیلہ ءَ وجود ءَ اتکگ ات بلے دگنیایا آئر ءَ نہ زانت۔ ¹¹ آ پہ وتیگاں آتک بلے آئی ءِ وتیگاں آئر ءَ کبول نہ کرت۔ ¹² بلے چینکس ءَ کہ کبول کت آئی ءَ آیانا ھدا ءِ پرزند بوھگ ءِ ھک بکشات یعنی ھمایانا کہ آئی ءِ نام ءَ ایمان کار اَنت۔ ¹³ آ نہ ھون ءَ،نہ جان ءِ واھشت ءَ او نہ انسان ءِ ارادہ ءَ چہ، بلکہ چہ ھدایا پیداک بوتگ۔ ¹⁴ او کلمہ مجسم بوت او چہ پزل ءُ راستی ءَ مئمور بوت مے نیاما بوت او ما آئی انچو جلال دیست چو کہ پت ءِ لاڈک ءِ جلال۔ ¹⁵ یوھَنّا ءَ آئی ءِ بار ءَ شاھدی دات او توار جت ءُ گُشت ای ھما اَت کہ آئی من ذکر کت کہ چہ من رَند کئیت آ چہ من دیم ءَ بوت چیاکہ آ چہ من دیم ءَ ات۔ ¹⁶ چیاکہ آئی ءِ مئموری ءَ چہ ما دُرستاں رست یعنی پزل ءِ سرا پزل۔ ¹⁷ چیاکہ شریئت تو موسی ءِ مارپت ءَ دنت بلے پزل ءُ راستی یسوع مسیح ءِ مارپت ءَ سر بوت۔ ¹⁸ ھدایا را ایچبر کس ءَ نہ دیستگ،لاڈکیں چک کہ پت ءِ کُٹ ءَ اِنت ھمائی زائر کت۔ ¹⁹ او یوھنا ءِ شاھدی اِش اِنت کہ وھدے یہودیاں یروشلم ءَ چہ کاہن ءُ لاوی آئی ءِ کرا ای جُست کنئگ ءَ دیم دات اَنت تو کے اے؟ ²⁰ تو آئی ءَ اِکرار کت ءُ انکار نہ کت بلکہ اکرار کت کہ من المسیح نہ ئن۔ ²¹ چوناھی ءَ آیاں چہ آئی جست کرت”گڑا تو ایلیاہ ئے؟“آئ ءَ گُشت نہ من نہ ئن،آیا تو ھما نبی ئے؟ آئی ءَ پسو دات نہ۔ ²² گڑا آیاں آئی ءَ را گُشت تو کے اے؟ تاکہ ما ے ءَ پسو دات بکنیں کہ آئی مارا دیم داتگ۔تو پہ وت چے گُشے؟ ²³ آئی ءَ گُشت ”انچوش کہ یسعاہ نبی ءَ گُشتگ“من گیابانا یک توار جنوک ءِ توار ئن کہ شما ھداوند ءِ راہ ءَ تچک بکن اِت۔ ²⁴ او ای کے دیم داتَگَت اَنت آ چہ پِرسیان ءَ اَت اَنت۔ ²⁵ او آیاں چہ آئی پہ جست گُشت کہ اگاں تو نہ المسیح ئے او نہ ایلیاہ ءُ نہ نبی تو گڑا بپتسمہ چیّ ءَ دیئے؟ ²⁶ یوھَنّا ءَ پسّو ءَ آیاناں گُشت چہ آپ ءَ بپتسمہ دئیں بلے شمے نیاما یک مردمے اوشتادگ کہ آئر ءَ شما نہ زان اِت۔ ²⁷ یعنی چہ من ءُ پد آھوک آئی ءِ بوٹ ءِ تسمہ ءِ پچ کنئگ ءِ لائک نہ اَنت۔ ²⁸ ای گپ چہ یردان ءَ پُشت بیت عنیاہ ءَ بوت اَنت کہ اُدا یوھنا بپتسمہ دات۔ ²⁹ اِندگا روچ ءَ آئی ءَ یسوع ءَ را وتی نیمئگ ءَ آیگ ءَ دیست ءُ گُشتے بچارے ھدا ءِ بَرّہ کہ آ دگنیا ءِ گنایاں چست کنت ءُ بارت۔ ³⁰ ای ھما اِنت کہ آئی ءِ بار ءَ من گشتگ اَت یک مردمے کئیت اِنت کہ آ چہ من مُقدم کنئگ بیت چیّ ءَ کہ آ چہ من پیسر اِنت۔ ³¹ او من آئر ءَ نہ زانتگ اَت بلے پمشکا چہ آپ ءَ بپتسمہ دئیان کت ءُ آتکاں کہ آ اسرائیل ءِ سرا زاھر بہ بیت۔ ³² او یوھَنّایا ای شاھدی دات کہ من روح ءَ را چو کپودر ءَ چہ آزمان ءَ ایر کپگا دیستگ او آ ای گپ ءِ سرا اوشتات۔ ³³ او من آئر ءَ دُرست نہ کرتگ اَت بلے ھمائی کہ منا آپ ءِ بپتسمہ دیئگ ءَ دیم دات ھمائی منا گُشت کجامی سرا تو روح ءَ ایر کپگا ءُ اوشتگ ءَ گِندے ھما روح القدس ءِ بپتسمہ دیئوک اِنت ۔ ³⁴ وھدے من دیست شاھدی دات کہ ای ھدا ءِ چُک اِنت۔ ³⁵ دومی روچ ءَ پدا یوھَنّا گوں وتی شاگرداں اوشتاتگ اَت۔ ³⁶ آئی یسوع ءَ را چارت ءُ گُشت بچارے ای ھدا ءِ بَرّہ اِنت! ³⁷ آ دوئیں شاگرداں ای گپ اِش کرت یسوع ءِ پدا شُت اَنت۔ ³⁸ یسوع ءَ چَک جت چارت پُشت ءَ آیاناں آھگ ءَ دیستے او آیاناں گُشتے شما چے پٹّگا اِت؟ آیاں گُشت اے ربی(اے استاد) تو کجا نشتگے؟ ³⁹ آئی ءَ آیاناں گُشت”بیائے بچارت“ گڑا آ آتک اَنت آئی ءِ نندگے جاگائے چارت ءُ ھما روچ ءَ آئی ءِ کِرّا نِشت اَنت ءُ ای دہمی کلاک ءِ نزیک اَت۔ ⁴⁰ آ دوئین ءَ چہ کجامی کہ یوھَنّا ءَ اِش کرت ءُ آئی ءِ پدا بوت اَنت یکے شمعون پترس ءِ برات اِندریاس اَت۔ ⁴¹ آئی ءَ پیسر ءَ وتی ھکیئں برات شمعون ءَ گوں ھور آئر ءَ گُشت کہ ما خرستس(یعنی المسیح) دیست۔ ⁴² گڑا آئی آئر ءَ یسوع ءِ کِرّا آرت او یسوع ءَ آئی سر ءَ نِگاہ ایر کرت ءُ گُشت تو شمعون بن یوھَنّا ئے۔تو کیپا (یعنی پترس) گُشگ بے۔ ⁴³ دومی روچ ءَ آئی گلیل ءَ روگ لوٹ اِت او پلپس ءَ مِلِّت۔او یسوع ءَ آئر ءَ گُشت منی پد ءَ بیا۔ ⁴⁴ پلپس،اِندریاس ءُ پترس ءِ میتگ بیت سیدا ءِ نندوک ءِ اَت۔ ⁴⁵ پلپس ءَ را نتن ایل رست او آئی نتن ایل ءَ را گُشت کہ آئی ذکر موسی ءَ توریت ءَ او انبیایاں اوں کرتگ آ ما دیست،آ یوسپ ءِ چک یسوع ناسری اَت۔ ⁴⁶ نتن ایل ءَ آئر ءَ گُشت آیا چہ ناسرت ءَ شریں چیز آتک کنت؟ پلپس ءَ گُشت بیا بچار۔ ⁴⁷ یسوع ءَ نتن ایل ءَ را وتی گورا آھگ ءَ دیست پرائی گُشتے بچارے ای در ھکیکت اسرائیلیِ اشی تھا مکر نیست۔ ⁴⁸ نتن ایل ءَ آئر ءَ گُشت تو منا چہ کجا زانے؟ یسوع ءَ آئر ءَ پسو دات ءُ گُشت چہ پلپس ءِ توار جَنَگ ءَ پیسر کہ تو انجیر درھچ ءِ چیرگ ءَ نشتگتے من ترا دیست۔ ⁴⁹ نتن ایل ءَ آئر ءَ پسّو دات ءُ گُشت من ترا گُشت ربی! تو ھدائے چکے!تو اسرائیل ءِ بادشاہ ئے! ⁵⁰ یسوع ءَ آئر ءَ پسّو دات ءُ گُشت من ترا گُشت کہ ترا من انجیر ءِ درھچ ءِ بن ءَ دیستگ تو پمشکا ایمان آرتگ؟ تو چہ اِشی ءَ کار گِندے۔ ⁵¹ گڑا آئی ءَ گُشت من راست گُشاں تو آزمان ءَ پچ ءُ ھدائے پرشتگاں برز ءَ روگ ءُ ابنِ آدم ءِ سر ءَ ایر آھگ ءَ گِنددے۔