¹ اِے سیمی بار اِنت من شمے کرّا پیداک آں،ھر گپ گوں دو یا سے شاھداں سابت بیت۔ ² من وھدے دومی برا آھگ ءَ ساری شمارا گشت، نوں من آیانی کرّا نہ آں ھمایا کہ گناہ کتگ شما تیوگیں ءَ گُشاں اگاں پدا بیایاں شمارا نہ بکشاں۔ ³ چیاکہ شما اشی منّاک ءَ لوٹے کہ من مسیھ ءِ برکتا گپ جنا، مسیہ شمے تہ ءَ نزور نہ اِنت بلکیں زوراور اِنت۔ ⁴ ھاں بلے آ نزوری ءِ وجہ ءَ سلیب دیئگ بوت بلے گوں ھدائے کُدرت ءَ زندگ اِنت ما اوں گوں آئی نِزوریں بلے پہ شُمئگی گوں ھدائے کُدرت ءَ زندگ ایں۔ ⁵ شما وتارا وت بہ چکّاس ایت کہ ایمان دار اِت یا نہ، وتارا بجانچے، آیا شما وتی بابت ءَ نہ زانے یسوع مسیہ گوں شما اِنت؟ ورنہ شما نامرادے۔ ⁶ من امیت کناں کہ شما زانت کہ ما سوبیں بوتگیں۔ ⁷ ما چہ ھُدایا دوا کنیں کہ شما ھچّ ردیں کارے مکنے اِے واستا نا کہ مردم بگند اَنت ما چکّاسا سوبیں بوتگیں بلکیں اِے واستا کہ شمے کار ءُ کِرد جوان بہ بنت بِلّ تری ما زاھرا سوبیں نہ اِنت۔ ⁸ چیاکہ ما ھک ءِ ھلاپ ءَ ھچ کت نہ کنیں بس ھکّ ءِ پلّہ مرزی ءَ کنیں۔ ⁹ وھدے ما نِزوریں ءُ شما زور آورے باز وشیں ءُ ما دوا کنیں کہ شما سرجم بہ بے۔ ¹⁰ اِے گپاں انچیں وھدے نبشتہ کنگ ءَ آں کہ شمے کرّا نہ آں چیاکہ وھدے شمے کرّا کایاں وتی واک ءُ اھتیار ءَ پہ زور کار مہ بنداں کہ ھدایا منا داتگ اَنت پہ شمے رُست ءُ رودم ءَ، ناکہ پہ شمے گار ءُ بیگواہ کنگ ءَ۔ ¹¹ او براتاں ! شات بہ بے، کامل بہ بے، یک دومی ءَ دلبڈّی بہ دیئت ، یک مُشت بہ بے، ھمدل بہ بیت ءُ پہ ایمنی زند بگوازین اِت مِھر ءُ ایمنی ءِ ھدا گوں شما گوں اِنت۔ ¹² یک دومی ءَ پاک چُکّی ئے سلام ءَ بہ دیئے ۔ ¹³ تیوگیں پاکیں مردم شمارا سلام کن اَنت۔ ھداوند یسوع مسیہ ءِ پزل ءُ ھدائے مِھر ءُ پاکیں روھے ھمراہ داری گوں شما بہ بات۔