¹ چوناھی ءَ ھر وڈیں ھرابی لوٹوک،دوکھ باز،ریاکار ءُ ھسد ءُ ھروڈیں دپ دڈی ءَ دور کنت۔ ² گونڈوکیں چُکّانی ڈول ءَ ھالسیں روھانی شیر ءِ لوٹوک بہ بے تاکہ ھمائی ءِ وجہ ءَ نجات ءِ درجہ ءَ سر کپت بکنے۔ ³ اگاں الَّمی سمجے تو ھداوند ءِ مھربان بوھگی ءَ آزمائیں ءُ بچار۔ ⁴ ھما زندگیں سنگ ءِ کِرّا بیا کہ مردماں رد کتگ بلے ھداوند ءِ نظر ءَ کچین ءُ باز بے بھائیں نِھر ءِ واھندئے۔ ⁵ او چہ شما کس زندگیں سنگ بیت،ھنچیں روھانی لوگے جوڑ بوھگا اِنت کہ آئی ءِ تھا کاھنانی مکدسیں پرکہ ھنچیں روھانی کُربانی کن اَنت ،آ یسوع مسیح ءِ وسیلہ ءَ ھدا ءِ کرّا کبول کنگ بیت۔ ⁶ بلے کتاب مکدس ءَ آتکگ کہ بچار من ھما کُنج ءَ یک سنگے ایر کناں آ گچین کتگیں کُنج ءِ اولی ءُ بے بھائیں سنگ اِنت ھرکس آئی سرا ایمان کار ایت ھچبر شرمندہ نہ بیت۔ ⁷ چوناھی ءَ ایمان والایانی کرّا آ باز کیمتی بوت بلے ناپرمانانی کرّا ھما سنگ اِنت کہ مستری آئی رد کنت۔ ⁸ درد واریں سنگ ءُ ٹوکر ورکیں کوہ بہ بئت چیاکہ آ ناپرمان بیت چہ کلام ڈکَّر ور اَنت ءُ ھمشی واستا اَنت۔ ⁹ بلے شما یک گچین کتگیں نسل،شاھی کاہنانی مکدسیں کوم ءُ ھنچیں امت ئے،ھدا ءِ جندے کوم اَت ءُ آئی شمارا چہ تھاری ءَ دیم پہ رژناھی ءَ آرتگ۔ ¹⁰ ساری ءَ شما کومے نہ اتے بلے نو ھدائے کومے،ساری ءَ شمارا ھدائے رھمت نرستگ اَت بلے نوں ائی ءِ رھمت شمے گون ءَ اِنت۔ ¹¹ او براتاں! شما اے دگنیایا در آمدے منی دزبندی اِنت کہ وتا چہ آ جسمانی لوٹ ءُ واھگان پھریز بکن اِت کہ شمے روھے ھلاپ ءَ جنگ کن اَنت۔ ¹² بے ایمانانی نیاما پاک ءُ پلگاریں زند بگوازین اِت بل تُری آ شمارا انگت بھتام جن اَنت ءُ گُش اَنت کہ شما ردیں کار کنگا اَت بلے گوں شمے نیکیں کارانی گِندگا ھدائے آئگے روچا آئی ءَ شرپ ءُ ازت بدنت۔ ¹³ شما پہ ھداوندئیگی تیوگیں انسانی واک ءُ اھتیار دارانی پرمانپرداری ءَ بکن اِت،بادشاہے ھم کہ چہ تیوگیں ءَ مستر اِنت۔ ¹⁴ ھاکمانی ھم چہ بادشاہ ءِ نیمگ ءَ پہ ردکارانی سزا دیئگ ءُ شر کردین مردمانی شرپ ءَ دیئگ ءَ دیم دیئگ بوتگ اَنت۔ ¹⁵ ھدا لوٹ ایت شمے گون ءَ وتی شریں کرد ءُ کاران اھمکیں مردمانی ناسرپدیں ھبرانی دیم ءَ بدار ایت۔ ¹⁶ شما ازات اِت پمشکا آزاتیں مردمانی ڈول ءَ زند بگوازین اِت بلے وتی آزاتی ءَ ھچبر پہ ردیں کاراں نیمون مکن اِت وتی آزاتی ءَ پہ ھدائے ھزمت ءَ کار بہ بندے۔ ¹⁷ ھرکس ءَ ازت بدئے اِت ءُ پہ باورمنداں ھاسیں مھرے دلا بدار اِت ءُ وتی زند ءَ پہ ھدا ترسی بگوازنت ءُ بادشاہ ءَ شرپ بدئیت۔ ¹⁸ او ھزمتکاراں او وتی واجھانی پرمانبرداری ءَ بکن اِت ءُ آیاں باز ازت بدیئت،تھنا نرم ءُ مھربانیں ءُ واجھانی پرمانبرداری ءَ مکن اِت ،ترند ءُ زوراکیں واجھانی پرمانبرداری ءَ ھم بکن اِت۔ ¹⁹ وھدے شما گوں ھدایا وپا دار ات ءُ ناھکیں سزایاں سگگ ءَ اِتے شمے ھمے سبر ءُ اوپار وت پہ شما شرپے بیت۔ ²⁰ اگاں شما پہ ردیں کاراں سزا دیئگ بہ بئت گڑا چوں آ سزا ءِ سگگ شمارا شرپدار کنت،بلے اگاں شریں کار ءُ کردیئے وجہ ءَ سبر کُرتے تو ھدایا باز دوست بیئت۔ ²¹ شما ھمے واستا توار کنگ بیتگے چیاکہ مسیح ھم پہ شمے واستا ازیت سگتگ پہ شما یک نمونہ ئے داتے تاکہ شما ھما وڑ بکن اِت۔ ²² آئی نہ گناہ کت نہ چاھی دپ ءَ پریبی گپ در آتک۔ ²³ نہ آئی دژمان ءِ بدلا دژمان دات نہ تکلیپںے بدلا تکلیپ،بلکیں ھمائی ءِ سرا توکل کرت کہ تچکیں انساپ ءُ داد رسی کنت۔ ²⁴ آئی ءَ مے گناہ وتی بڈّا کرت ءُ سلیب ءِ سرا شُت تاکہ گناہ چہ مے دلا در بئت ما راستی ءِ گوں زندگی بگوازنیں او ھما لٹ ورگے وجہ ءَ شمارا شِپا رستگ۔ ²⁵ چیاکہ شما وکشیئں دلْواتانی پیم ءَ گار ءُ سر گردان اتے،بلے نوں وتی روھانی شُپانک ءِ کرّا آتکگے۔