¹ یسوع مسیح ءِ رسول پطرس ءِ نیمنگ ءَ چہ ہما در مُلکانی نام ءَ آ کہ پنُطُس،گلتیہ،کَپّدُکیہ،آسیہً اوبتُھنیہ تہا شنک ءُ شانگ اَنت۔ ² ھما کہ ھدائیں پِت ءِ پیسرئیں علم ءِ مطابق ءَ چہ پاکیں روح ءِ تقدیس ءِ وسیلہ ءَ چہ ءُ یسوع مسیح ءِ حون ترینز دیئگ ءِ وسیلہ ءَ پہ فرمانبرداری ءَ گچین کتگ اَنت ۔شمے سر ءَ فضل ءُ سلامتی گیش بوھان بہ بیت۔ ³ مُبارِک اِنت مے ھدا ءُ یسوع مسیح ءِ پِت ھمائی ءَ یسوع مسیح ءَ را چہ مُردگاں زندگ کنئگ ءِ وسیلہ ءَ چہ وتی مزنیں رحمت ءَ چہ ما را زندگ اُمید ءِ واسطہ نوک سر پیداک کت۔ ⁴ او شمے واسطہ آزمان ءِ سرا یک ھتم نہ بوھوکیں ءُ بے مٹّیں ءُ اجبر نہ سُروکیں میراثِ محفوظ اِنت ۔ ⁵ ھما را ھدا ءِ قُدرت ءَ چہ ھما ایمان ءِ وسیلہ چہ نجاتت ءِ واسطہ محفوظ ایر کتگ آ کہ آخری زمانگ ءَ ظاہر بوھگ ءِ واسطہ تیار اِنت۔ ⁶ ھَمائی تہا شما گَل ءُ شات بے اگاں چہ انوں زلورت ءِ بوھگ ءَ وڑ وڑیں آزمایشانی وجہ ءَ گمزدہ اِت۔ ⁷ ھمَے واسطہ شُمے جانچتگیں ایمان ھما کہ آس ءِ سرا تاپتگ سُہُر ءَ چہِ مزنیں قیمتی اِنت ، یسوع مسیح ءِ ظہور ءِ وھد ءَ تعریف ءُ جلال ءُ عزت ءِ باعث بئبے۔ ⁸ شُما آئی ءَ را بغیر گندگ ءَ دوست دارے او بلے اِنی شما آئی ءَ را نہ گندےءُ پدا ھَم آئی ءِ سراایمان کارے ءُ انچیں شات گامی کن اِت کہ آ چہ بیان ءَ ڈن اِنت ءُ چی جلال ءَ پُر اِنت۔ ⁹ او وتی ایمان ءِ منزل یعنی روحانی نجات رس اِت۔ ¹⁰ او انبیاء ھم ھمے نجات ءِ واھشمند ءُ لوٹوک بوتگ اَنت۔آیاں آ فضل ءِ بابت ءَ تبلیک کُتگ کہ آ شمے سر ءَ بوھگی اَت۔ ¹¹ آ یاں پہ اشی زانگ ءَ تگ ءُ تاچ کت کہ مسیح ءِ روح چون ءُ کدین بیت کہ آ ساری ءَ مسیح ءِ گمانی ءُ آئی ءِ جلال ءِ گواھی داتگ اَت۔ ¹² آیانی سر ءَ زاھر کتگ اَت ھما گپانی معرفت کہ آیانی مستاگ شمارا انوں رستگ آ ای گپاں وتی واسطہ نہ بلکہ شمے حزمت ءِ واسطہ کتگ اَت آ روح القدس ءِ وسیلہ ءَ چہ آزمان ءَ ایر کپتگ اَت شمارا ھما مستاگ دات ءُ ای گپانی سر ءَ پرشتہ ھم ایرت چاری ءِ لوٹوک اَنت۔ ¹³ پمشکا وتی اگل ءِ سرین ءَ بندے ءُ ہوش ءُ حواس ءَ ای فضل ءِ تیوگا امیت ءَ بکن اِت آ یسوع مسی ءِ ظہور ءِ وھد ءَ شمے سر ءَ بوھگی اِنت۔ ¹⁴ او پرمانبرداریں چک ءِ بوھگ ءَ وتی جہالت ءِ کوانیں شہوت ءِ وڑ ءَ مہ بے۔ ¹⁵ بلکہ ھما وڑ کہ شمے توار کنوک پاک اِنت ھمے وڑ ءَ شما وتی تیوگیں نند ءُ نیاد ءَ پاک بکن اِت۔ ¹⁶ چیاکہ نبشتہ اِنت پاک بہ بے پمیشکا کہ من پاک ئن۔ ¹⁷ او وھدے شما پت گُش اِت ءُ دعا کن اِت آ ہر یکِ ءِ کار ءِ وڑ ءَ بَگیر ترپداری ءَ انساپ کنت تو وتی سپر ءِ زمانگ ءَ گوں ترس ءَ بگوازین اِت ۔ ¹⁸ چیاکہ شما زان اِت شمے حرابیں عادت کہ چہ پت ءُ پیرک ءَ شمارا گون اَت اَنت آیاں گوں پانیئں چیزاں یعنی سور ءُ برنج ءَ حلاس کت نہ کن اِت۔ ¹⁹ بلکہ یک بے عیب ءُ بے داگیں بَرّے یعنی مسیح ءِ بے بہائیں حون ءَ چہ۔ ²⁰ آئی ءِ زانت چہ زانتکار ءَ ساری اَت بلے شمے واسطہ آئی ءِ ظہور انو بوتگ۔ ²¹ شما ھمشی وسیلہ ءَ چہ حدا ءِ سر ءَ ایمان آرتگ کہ آئی اشر ءَ چہ مردگاں زندگ کت تاکہ شمے ایمان ءُ امیت حدا ءِ سر ءَ بہ بیت۔ ²² چونکہ شما حک ءِ تابع فرمان بوتگ ءِ او وتی دلاناں پاک کتگ چہ آئی برتانی بے ریائیں مہر پیداک بیت تو پمیشکا گوں دل ءُ جان ءَ گوں یک ءُ دگر ءَ مہر ءُ محبت بکن اِت۔ ²³ شمے نوکیں زند پانیئں توم ءَ چہ نہ اِنت بلکہ حدا ءِ زندگیں ءُ دائمیں کلام ءِ وسیلہ ءَ چہ بوتگ۔ ²⁴ چوناھی ءَ ہر مرد کاہ ءِ پیم ءَ انت آئی ءِ تیوگیں شان ءُ شوکت کاہ ءِ ل ءِ پیم ءَ اَنت کاہ اُشک بیت پل کپ ایت۔ ²⁵ بلے حداوند ءِ کلام ہر وھد ءَ تک ھست ای ھما مستاگ ءِ کلام اِنت کہ شمارا گوش دارینتگ۔