¹ Koo akuwumbulika kweYesu Kilisitu kuno Leza wamupile ukuti alanjizye awawonvi wakwe vino vyandi vipone nanti kuzimba. Weni wayilanjizizye ukutuma umungeli ku muwonvi wakwe e ² Yohani. Yohani wasimichizizye ivya lizwi lyakwe Leza swinya apanichizya ivye Yesu Kilisitu, navyonsi vino waweni. ³ Amupepwe wino akawazya umwakupunda ivyawuyumwa woo swinya wonsi wano wakwivwa amazwi yawutumwa wakwe swinya wino akatontela vino vyawalikwa mwenemo, impindi yanenenchela. ⁴ Yohani, kumakeleziya munenulambali aya mwe Asia: uluse luwe namwe swinya umutende ukufuma kwe wino ali, swinya ukufuma kumizimu munenulambali wino walinji pankolelo pandulu, ⁵ Swinya kwakwe Yesu Kilisitu, wino amusuwilwa uwakusimichila, ekatote ukufuma kumfwa, swinya wekateka wazya mfumu zyamunsi. Kwe wenga wino wakunzile sweswe swinya watufufya sweswe kuluwembu lwitu nu wazi wakwe_ ⁶ Atupanjizile uwufumu, wasimapepo wakwe Leza swinya eyisi _ kwewliwe kuwe uwukankala swinya namaka penape. Amen. ⁷ akwizaponga namawingo; ilyinso lyonsi lili mulola weliwe, ukusanzya nawonsi wano wamulasile weliwe. Imyiko yonnsi iyamunsi yimulosya pamulandu naweliwe. Molimonye, Amen. ⁸ Newakutalika swinya newakupelelechezya,'' yati Imfumu Leza, '' wino ali, swinya wino walinji, swinya akwiza, uwamaka,'' ⁹ Nene Yohani umunyonko swinya nemuno nkakwankana namwe uwulumila swinya nuwufumu swinya nukuzizimichizya vino vili mwe Yesu Kilisitu_ nalinji muchilila chino chikakwitwa pptimosi pamulandu nizwi lyakwe Leza swinya nukusimichila kwakwe Yesu. ¹⁰ Nalinji muwuzimu pawanda wamfumu. Injivwa ukupunda ukukulu kunsizi yane inkakang'ombe. ¹¹ Lyatili,'' walika chino walola mwi buku, nga utume kumakeleziya munenulambali _ kwe Efeso, kwe Simirina, kwe Pelegaumi, kwe Tiyatila, kwe Saradise, kwe Filadilifya, swinya kwe Lawodikaya.'' ¹² Impiluluka ukuti ndole weweni uwamazwi wino vwanganga kwe nene, swinya nalile napiluluka indola inkozyo munenulambali izya kwe golid. ¹³ Mukasi mwavilemelo vyankozyo mwalinji wumwi ndivino umwana wamuntu, umwinjilo wuno wufile pasi pamatamba yakwe swinya nupango wakwe golide wawalizizye ichifuwa chakwe. ¹⁴ Umutwe wakwe swinya ni nyele zyalinji antiswe ngati ameya amatiswe _ uwutiswe ngati alumi lwamawe _ swinya naminso yakwe yalangalilanga ngati amullilo. ¹⁵ Amatamba yakwe yazikimilanga ngati amukuwa, ndivino umukuwa wuno wengululwa mwilungu, swinya amazwi yakwe yalingananga nichipopoma chaminzi mavule. ¹⁶ Walinji ni ntanda munenulambali mwikasa lyakwe ndilo, swinya ulupanga ulukole konsikonsi alufuma mumulomo wakwe. Impumi yakwe yanyezimilanga ngati alilanzi likalambane. ¹⁷ Nalile namulola weliwe, impona pamatamba yakwe ngati amuntu wino afwile. Atambalika ikasa lyakwe ilyendilo pakwe nene swinya ati,'' utatina _newa kutalika swinya newa kupelelechezya ¹⁸ swinya newenga wino amumi. Nafwile ukuwa lola, nemumi uwa muyayaya swinya ndi nimfungulo iya mfwa ni lowelo. ¹⁹ Achaleka walika vino mwavilola, vino vilpo swinya navino viliwapo pansizi pevyoo. ²⁰ Ichipilulo chankama ichantanda munenulambali chino waweni mwikasa lyane ilye ndilo swinya nivilemelo vyankozyo munenulambali: Achoo intanda munenulambali awangeli ku makeleziya munenulambali, ivilemelo vyankozyo munenulambali akumakeleziya munenulambali.''