¹ "Kumungeli wakeleziya yaku Efeso walika: Yaa amazwi ye wino walemile intanda munenulambali kwikasa lyakwe lyendilo wino akapita nawa vilemelo vye golide munenulambali, ² Manyile imilimo yinu, ukuwombesesya, kwako, nukuzizimichizya kwako, nukuti musizumilizya wawo wano awawipe, kweni mwawelezya wano wakuti awa tumwa wasi, nga mwazana ukuti awawufi. ³ Mukuzizimichizya nukuwa ni zina lyane, lelo utalechelezya. ⁴ Ukuwa indi ni chakukususya muno wati usya ulukundo luno wankunzile nalo pakutalika. ⁵ Achaleka yizuka pano mwaponezile. Tontolokwani wombani vino mwawombanga pantaliko. Suka mutontolokwe, ndiyiza nfumye ichilemelo chanyali pamasyo yakwe. ⁶ Ukuwa uli choo: mwapata imiwombele ye nikolayi, yino naninye napata. ⁷ Lekani wino ali nikutwi ayivwe, yivwa vino umuzimu wukuvwanga kumakeleziya. Kwe wano wakuchinya ndipa insambu ukulya ku chimuti chawumi, chino achalo ichitele iche Leza.''' ⁸ Kumungeli wakeleziya lya ku simunayi walika:' Amazwi aye wino akutalika nukupelelechezya, wino wafwile nga awa nuwumi swinya: ⁹ '' Imanyile ukuchula kwinu nuwusaluke Kweni mwewa wotoke. IManyile uwuwipe wakwe wawo wano wakuti awayuda, kweni wasi. aliwumba lyakwe satana. ¹⁰ Utatina pakwe chino waya mukutamika. Lola! e chiwa alipakuponezya wamwi awe mwemwe muvingololo ukuti awelezye, nga muli tamika kumanda ikumi. musuwalikwe ukufichila imfwa, nga ndi wapa impumpu yawulanzi. ¹¹ Lekani wino ali ni kutwi, ayivwe chino umuzimu wukuvwanga kumakeleziya. Weyo wino akuchinya atalichisika nimfwa ye chitiwili.''' ¹² Kumungeli wi keleziya ku pelegamumi: walika amazwi ye wino ali nulupanga ulukole konsikonsi: '' ¹³ Imanyile kuno mukwikala, koko kuno indulu ye satana yili. Lelo mwati mulematila kwi zina lyane. manyile kuno mutakanile isuwilo lyinu mwakwe nene, namanda ye Antipasinye ekamboni wane, umusuwaliwa wane, wino wakomilwe mwakwe mwemwe, koko kuno satana akakwikala. ¹⁴ Kweni ndi vintu vitichi ivya kuwa susya: muli nawamwi wano walematizile ku chisambilizyo chakwe Balamu, wino wasambizizye Balaki ukusumba ichipunuzyo pankolelo pawana wa Israyeli ukuti wawalya ichakulya chino chafimilwanga amakolania nga nukuwa muwuzelele. ¹⁵ Munzila iyiliyonga, napo muli nawamwi wano walematizile kuchisambilizyo che nikolayi. ¹⁶ Achaleka, utontolokwe! ndi utandi uwombe woo, nkwiza nombanye kwewewe, ukuwa nivita nawoliwo nulupanga lwane mumulomo. ¹⁷ Leka wino alinikutwi, ayivwe chino umuzimu wukuvwanga kumakeleziya. kwewino akuchinya, ndipa amanna ayafiasme, nga ndipa iwe ilitiswe ni zina ipya iliwalikwe, izina lino nawenga wuno alimanyile kweni wino akupochelela.''' ¹⁸ Kumungeli waku keleziya lyaku Tiyatila walika:' yaa amazwi yamwana wakwe Leza, wino ali naminso ngati amulilimo wamulilo namatamba yakwe yayine numukuwa uwuchumule: ¹⁹ '''Imanyile chino muwonvile: ulukundo lwinu nisuwilo nuwupyungi winu nukuzizimichizya kwinu. manyile chino muwonvile nombanye vyalusya vino vyawovilwe pakutalika. ²⁰ Kweni indi na choo ukukususya: wazumilizizye umwanachi Jezebeli, wino akayita wenga umutumwa. MUvisambilizyo vyakwe akawipa wawonvi wane mukuzeleluka nukulya ichakulya chakufimila amakolania. ²¹ Namupile impindi ukutontoloka, kweni atakulonda ukutontoloka uwuzelele wakwe. ²² Lola! ndimusumbila muchitala chawalwale nawano wakuzeleluka naweliwe mukutamika ukukulu, suka watontolokwe imlimo yakwe. ²³ Ndiponkola awana wakwe wafwe, nama keleziya yonsi yalimanya kuno anene wino akavwambilizya amelenganio nimyenzo. Ndipa wensi kwe mwemwe ukulingana nimilimo yinu. ²⁴ Kweni mwewano mwasyala mTiyatila, wensi wino atakulema ichisambilizyo nukuntamanya chino wamwi wakakwita ivintu ivizike ivye satana_ kwemwemwe kuti, 'ntakuwika ichipunuzyo pakwe mwemwe.' ²⁵ monsinye munovingawela, muzipizile mufumbatile ukufichila niza. ²⁶ Wino awakuchinya nawino nakuwomba chino mbonvile ukufichila pawumalilo, kweweliwe ndipa insambu pa myiko yonsi. ²⁷ 'Aliwapanzya nunchinda wachela, ndiwafwantania vino inyungu zyivu.' ²⁸ Ndivino napochelela ukufuma kwetata, nani swinya ndimupa ulutanda lwakatondotondo. ²⁹ Leka wino ali ni kutwi, yivwa chino umuzimu wukuvwanga ku makeleziya.'''