¹ Jemusi umuwonvi we Leza ni mfumu Yesu Kilisitu, ku myiko ikumi na wawili muwusalangane: ukulamuka! ² Chisendani ukuwa achimwemwe, wanyinane, ndimukusunkana nintazi izilekane. ³ Mumanyile kuno imelezyo yisuwilo lyinu likaleta ukuzizimichizya. ⁴ Lekani ukuzizimichizya kumalizye umulimo wakwe ukuti mukule nuku fichilikwa, nanti kusowa chimwi. ⁵ Kweni ndi wumwi uwe mwemwe ukuvwamba amano, lekani alenge ukufuma kwe Leza, weyo wino akapa umwawupi nga nukwawula ukuvitilwa kwe wonsi awakumulenga, nga alipa kwe weliwe. ⁶ Kweni lekani alenge mwi suwilo, nanti kuvwilika chimwi. Amuno wensi wino akuvwilika ayine niwimbi mwe sumbi lino likapiswa numuza nukunyamulwa. ⁷ Amuno umuntu weyo atafwile ayelenganie kuno alipochela chimwi ku Mfumu; ⁸ amuntu wamelenganio_pawili, umuntasimpa munzila zyakwe zyonsi. ⁹ Lekani emunyina umusaluke ayitutuwalike nichifulo chakwe chapapela, ¹⁰ kweni umuwotoke nichifulo chakwe ichapansi, pamulandu alikankanyala ngati ali luwa lyamumpanga mwisote. ¹¹ Amuno Ilanzi lyafuma nichilungula nga alikalika isote. Isote alipona, nga nuwuyembe wakwe awononeka, munzila iyiliyonga, umuwotoke alitonta mukasi muwulendo wakwe. ¹² Amupepwe umuntu wino akujimbilizya amelezyo. Amuno ndi wachinvya amelezyo, alipochelela impumpu yawumi, yino yalayizwa kwe wawo wano wakunda Leza. ¹³ Patawa wumwi awati pano akwelezwa, '' nkwelezwa nu Leza, '' umulandu Leza asikwelezwa nuwuwipe, nanti weliwenye asiyelezya wumwi. ^{14 15} Kweni umuntu wensi akakwelezwa nichikumbuchilwa chakwe, chino chikamukwema nukumusechelesya. Alapano ichikumbuchilwa chameluwula, chikakwata uluwembu, nga ndipano uluwembu lwakula, lukakwata imfwa. ¹⁶ Mutati mukopechezwa, wakundwe wamunyina. ¹⁷ Ichawila chonsi ichizima nichawila ichakusimichila achakufua kupela. Chikufuma ukwika kwe Tata wankozyo. Kwakwe weliwe kusi nanti akupiluka pamwi ichisawo umulandu nukunyoka. ¹⁸ Leza wasozile sweswe ukutupa ikwata na mazwi yachisinka, ukuti tuwe swe musango wavikomwa vyakutalichila uwavintu vyonsi vino welewuzile. ¹⁹ Mumanyile choo, wakundwe wamunyina: Leka umuntu wensi awakwivwichisya wangu, uwakutechelela pakuvwanga, numutechelele pakukalala. ²⁰ Amuno uwukalale wamuntu wusiwomba uwulungamane wakwe Leza. ²¹ Achaleka fumyani uwukombele wonsi waluwembu lwinu nuwizule wavipimo vyawuwipe. Muwuntu pochelelani amazwi ayakomele, yano yali namaka ukupususya imyenzo yinu. ²² Wani awakuwomba amazwi mutawa awakwivyavye, mwayiwipa mwenga. ²³ Amuno ndi wumwi awakwivwa amazwi kweni asawakuwomba, ayine numuntu wino akalolechesya impumi yakwe mwekalilole. ²⁴ Akayilolechesya umwenecho nukupita nga paponapapo ayiwilila vino walinji. ²⁵ kweni umuntu wino akalolechesya umwakuyisayilila mwisundo lyawusapulwe lyakufikapo, nga atwalilila ukuwomba wonye, asakuwavye awakwivwa wino akwiwilila, umuntuwe ali pepwa mumiwombele yakwe. ²⁶ Ndiwumwi akwelengania we simapepo nga atakuyilema ululimi lwakwe, akuwipa umwenzo wakwe nga nuwsimapepo wakwe awavye. ²⁷ Uwusimapepo wuno awutele nuwuntakandamikwa pankolelo pe Leza witu ne Tata awakwavwa awalanda nawafwilwe mukutamika kwawo, nga nukuyisunga wenga umuntakombelwa ninsi yapansi.